ဒေါ်လာ ၄၀၀ တန် စမတ်ဖုန်း Apple ဈေးကွက်တင်

Reuters
ကိုရိုနာဗိုင်းရပ်စ် ကူးစက်ကပ်ဘေးကြောင့် ကမ္ဘာ့စီးပွားရေး ကျဆင်းနေချိန်မှာ ဘဏ္ဍာရေး သတိထား သုံးစွဲနေရတဲ့ ဖောက်သည်တွေအတွက် အမေရိကန်ဒေါ်လာ ၃၉၉ ဒေါ်လာတန် စမတ်ဖုန်း ကို Apple နိုင်ငံတကာကော်ပိုရေးရှင်းက ဧပြီ ၁၅ ရက်မှာ ဈေးကွက် မိတ်ဆက်လိုက်ပါတယ်။ စရိတ်နည်းမိုဒယ် Apple စမတ်ဖုန်းသစ်ဟာ ဖောက်သည်တွေကို ပိုပြီး ဆွဲဆောင်နိုင်မှာမို့ ပြန်ရငွေ တိုးလာဖို့လည်း မျှော်လင့်ထားပါတယ်။  S&P 500 စတော့ရှယ်ယာ ညွှန်းကိန်းမှာ Apple ရဲ့ ရှယ်ယာဟာ ၁ ဒသမ ၁ ရာခိုင်နှုန်း ကျဆင်းခဲ့တာပါ။  ဧပြီ ၂၄ ရက်မှာ စရောင်းမယ့် iPhone SE ဟာ အရင်က တန်ဖိုးကြီး မိုဒယ်လ်တွေရဲ့ ဒုတိယမျိုးဆက်လည်း ဖြစ်ပါတယ်။  အရင်က ထုတ်ခဲ့ဖူးသမျှ ဈေးအနိမ့်ဆုံး Apple  ထုတ်ကုန် iPhone 8 ထက် ဒေါ်လာ ၅၀ ပိုသက်သာပါတယ်။ မျက်နှာပြင် အကျယ် ၄ ဒသမ ၇ လက်မရှိပြီး အက်ပဲရဲ့အဆင့်မြင့်ဆုံး 11 Proနဲ့ ပရော်ဆက်ဆာ ချစ်ပ်စ်ချင်း အတူတူ သုံးထား ပါတယ်။  5G နဲ့ မျက်နှာကို မှတ်မိပြီး ဖုန်းဖွင့်ပေးတဲ့ စနစ် မပါပေမယ့် မိုဒယ်ဟောင်းတွေလို လက်ဗွေရာ အာရုံခံ စနစ်ကို သုံးထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up