Homeမြန်မာသတင်း
အင်္ဂပူမြို့နယ်၌ ဒေသန္တရအမိန့်ချိုးဖောက်ပြီး မင်္ဂလာဆောင်သည့် သတို့သားနှင့်ဖခင်ကို အမှုဖွင့်
အင်္ဂပူမြို့နယ်၌ ဒေသန္တရအမိန့်ချိုးဖောက်ပြီး မင်္ဂလာဆောင်သည့် သတို့သားနှင့်ဖခင်ကို အမှုဖွင့်
DVB
·
April 9, 2020
ဧရာဝတီတိုင်း၊ အင်္ဂပူမြို့နယ်၊ သရက်ချောင်းကျေးရွာမှာ ဒေသန္တရအမိန့်ချိုးဖောက်ပြီး မင်္ဂလာပွဲပြုလုပ်ခဲ့တဲ့ သတို့သားနဲ့ ဖခင်ဖြစ်သူကို ဧပြီ ၈ ရက်နေ့က သဘာဝဘေးအန္တရာယ်စီမံခန့်ခွဲမှုဆိုင်ရာ ဥပဒေ (၃၀) နဲ့ အမှုဖွင့်လိုက်တယ်လို့ မဲဇလီကုန်း နယ်မြေရဲတပ်ဖွဲ့စခန်းက ပြောပါတယ်။
မင်္ဂလာဆောင်ကို ဧပြီ ၃ ရက်နေ့ ပြုလုပ်ခဲ့တာဖြစ်ပြီး ရာအိမ်မှူးက ရဲစခန်းကို တိုင်တန်းခဲ့တာလို့ မဲဇလီကုန်းနယ်မြေရဲတပ်ဖွဲ့စခန်းက နယ်ထိန်းခေါင်းဆောင် ဒုရဲအုပ်ဇေယျထွန်းက ဒီဗွီဘီကို ပြောပါတယ်။
“ကျနော်တို့ဆီကို ဧပြီ ၇ ရက်နေ့က သရက်ချောင်း ရာအိမ်မှူးက ကျေးရွာကိုယ်စားပြုပြီး လက်မှတ်ရေးထိုးတိုင်လို့ ဧပြီ ၈ ရက်နေမှာ အမှုဖွင့်ဖမ်းဆီးလိုက်တာ။”
သတို့သား ဇော်မင်းစိုးနဲ့ သတို့သားဖခင် ဦးမြင့်ရွှေကို လိပ်ပေါင်စွဲအုပ်စု ကျေးရွာအုပ်ချုပ်ရေးမှူး ဦးသောင်းလှိုင်က တရားလိုပြုလုပ်ပြီး သဘာဝဘေးအန္တရာယ်စီမံခန်ခွဲမှုဆိုင်ရာ ဥပဒေ (၃၀) က နဲ့ အမှုဖွင့်ပြီး မဲဇလီကုန်းရဲစခန်းမှာ ထိန်းသိမ်းထားတယ်လို့ ဆိုပါတယ်။
အင်္ဂပူမြို့နယ်တွင်းမှာ COVID 19 အရေးပေါ်ကာလအနေနဲ့ ပြည်ပက ပြန်လာသူတွေကို မြို့နယ်တွင်းက စာသင်ကျောင်းတွေမှာ facility quarantine center ဖွင့်လှစ်ပြီး လူဦးရေ ၂၅၀ ကျော်ကို ၁၄ ရက် စောင့်ကြည့်နေတယ်လို့ သိရပါတယ်။
သန်းထိုက်မြင့်
