ရှမ်းပြည်နယ်အတွင်း ၅ ရက်တဈေးနှင့် ညစျေးများ ဧပြီလကုန်အထိ ပိတ်ရန် ညွှန်ကြား
DVB
·
March 29, 2020
ရှမ်းပြည်နယ်အတွင်း ဒေသဓလေ့ဖြစ်တဲ့ ၅ ရက်တဈေး စျေးနေ့နဲ့ ညစျေးတွေကို COVID-19 ထိန်းချုပ်ကာကွယ်ရေးအတွက် ဧပြီလကုန်ထိ ပိတ်သိမ်းရန် မတ်လ ၂၉ ရက်က အစိုးရ ညွှန်ကြားစာ ထုတ်ပြန်လိုက်ပါတယ်။
ပုံမှန်စျေးတွေက နေ့စဉ်ဖွင့်ထားပေမယ့် လူတွေ အရမ်းစည်ကားတဲ့ ၅ ရက်တဈေး စျေးနေ့တွေ၊ ညမှာဖွင့်တဲ့ ညစျေးတွေကို ပိတ်သိမ်းခိုင်းတာ ဖြစ်ပါတယ်။
“တရားဝင် ဒီနေ့ထုတ်ပြန်လိုက်တယ်။ ပုံမှန်စျေး နေ့စဉ်စျေးတွေက ဖွင့်နေမှာ၊ ၅ ရက်တဈေးက လူတွေ စုပြုံတိုးတယ်။ အဲတော့ လူစုလူဝေး ထိန်းချုပ်ဖို့အတွက် ၅ ရက်တဈေး မရှိတော့ဘူးဆိုတဲ့ သဘောပေါ့၊ ရှမ်းပြည်နယ်က ၅ ရက်တဈေးဟာ ဓလေ့ထုံးစံအရ ရိုးရာလို ဖြစ်နေတယ်” လို့ တောင်ကြီးခရိုင် အထွေထွေအုပ်ချုပ်ရေးမှူး ဦးကိုကိုလွင်က ပြောပါတယ်။
ရှမ်းပြည်နယ်အတွင်းမှာ မြို့နယ်တိုင်း ၅ ရက်တဈေး စျေးနေ့ဆိုပြီး သတ်မှတ်ကြပြီး အဲစျေးနေ့မှာ စျေးဝယ်ထွက်ကြကာ စျေးသည်တွေကလည်း စျေးနေ့အလိုက် စျေးပတ်ရောင်း ကြပါတယ်။
COVID-19 ကာကွယ်ထိန်းချုပ်ရေးအတွက် အဲဒီသတ်မှတ်တဲ့ စျေးနေ့တွေ မရောင်းဖို့ ညနေအစားအသောက်ရောင်းတဲ့ ညစျေးတွေကို ပိတ်ဖို့ ညွန်ကြားစာထုတ်ပြန်လိုက်တာပါ။
ရှမ်းပြည်နယ် အစိုးရအနေနဲ့ COVID-19 ကာကွယ်ထိန်းချုပ်ရေးအတွက် မြို့ဝင်မြို့ထွက်တွေ စစ်ဆေးတာ၊ ဆေးဖျန်းတာ၊ စျေးတွေမှာ စျေးဖျန်းတာ၊ ပြည်တော်ပြန်တွေ အတွက် ၁၄ ရက် စောင့်ကြည့်တာတွေ ပြုလုပ်နေပြီး ပြည်သူတွေအနေနဲ့ ကိုယ့်အိမ်ထဲ ကိုယ်နေဖို့ကိုလည်း ဦးကိုကိုလွင်က တိုက်တွန်းပြောဆိုလိုက်ပါတယ်။
ခွန်ရာဇာ
ခွန်ရာဇာ
