နိုင်ငံပိုင်ဘဏ်စနစ် လျင်မြန်စွာ ၀န်ဆောင်မှုပေးနိုင်ရေး ကြိုးစားနေဟုဆို

နိုင်ငံတ၀န်း ဘဏ်ခွဲပေါင်း ၃၀၀ ကျော် ဖွင့်လှစ်ထားတဲ့ နိုင်ငံပိုင်ဘဏ်တွေမှာ ဧပြီ ၂ ရက်က စပြီး ငွေသွင်း၊ ငွေထုတ်နဲ့ ငွေလွှဲလုပ်ငန်းတွေကို အဆင့်ပေါင်းများစွာ လျှော့ချပြီး အလွယ်တကူ ထုတ်ယူနိုင်အောင် လုပ်ဆောင်တော့မှာ ဖြစ်ပါတယ်။ ဒါ့အပြင် ဘယ်ဘဏ်မှာပဲ ငွေစုထားထား ရောက်ရှိနေတဲ့ဒေသက နီးစပ်ရာ ဘဏ်တွေမှာ ငွေထုတ်ယူနိုင်အောင်လည်း လုပ်ဆောင်ထားပြီးဖြစ်တယ်။ ပုဂ္ဂလိကဘဏ်တွေလိုပဲ ခရီးဦးကြို ကူညီလုပ်ဆောင်ပေးမယ့် ဧည့်ကြိုဝန်ထမ်းတွေ ထားရှိလုပ်ဆောင်ပေးသွားတော့မယ် လို့ မြန်မာ့စီးပွားရေးဘဏ် ဒု-အထွေထွေမန်နေဂျာ ဦးအောင်ကျော်စိုးက ပြောပါတယ်။ ဦးအောင်ကျော်စိုးကို ဒီဗွီဘီက ဆက်သွယ်မေးမြန်းထားပါတယ်။ ငွေသွင်းငွေထုတ်ကိစ္စ နည်းနည်းပြောပြပေးပါ။ “မြန်မာ့စီးပွားရေးဘဏ်ကနေ နိုင်ငံတော်ကချမှတ်နေတာက ပြည်သူကိုဗဟိုပြုတဲ့ဝန်ဆောင်မှုလုပ်ငန်း ဆိုပြီး ပြုပြင်ပြောင်းလဲဖို့လုပ်နေပါတယ်။ လုပ်ငန်းမြန်မြန် ပြီးစေဖို့အတွက် ငွေသွင်းငွေထုတ်မှာ လုပ်ငန်းအဆင့်တွေ ၀န်ဆောင်ပြီး ဖြေလျော့ပေးမှာဖြစ်တယ်။ အရင် မြန်မာ့စီးပွားရေးဘဏ်မှာ ငွေသွင်းရာမှာ ပေးသွင်းငွေကို မှတ်တမ်းလွှာ သို့မဟုတ် ချလန်နဲ့အတူ ငွေသွင်းကောင်တာမှာပေးလို့ရတယ်။ ဒါပြီးရင် ငွေကြေးမှတ်တမ်း၊ စာရင်းဌာနမှတ်တမ်း အဆင့်ဆင့် တင်သွင်းပြီးမှသာ အရာရှိကလက်မှတ်ရေးထိုးပြီးမှ ငွေသွင်းမှုပြီးပါတယ်။ ဒါကြောင့် အချိန်ကြာတယ်၊ လုပ်ငန်းအဆင့်တွေများပါတယ်။ ငွေထုတ်တဲ့နေရာမှာလည်း အရင်ကောင်တာစာရေးက ငွေထုတ်မယ်ဆိုရင် စစ်ဆေးအကူအညီပေးမယ်။ ဌာနစိတ်အသီးသီးမှာရှိတဲ့ မှတ်တမ်းမှာလည်း အဆင့်ဆင့်ရေးသွင်းတာတွေ။ ဒါပြီးရင် အရာရှိက ငွေထုတ်မယ့်သူကို လူတွေ့စစ်ဆေးတာတွေ၊ ပြန်လက်မှတ်ထိုးခိုင်းတာတွေ အဆင့်ဆင့်ပြီးလုပ်ပြီးမှ ငွေကြေးကောင်တာမှာ ထုတ်လို့ရတဲ့ အနေအထားဖြစ်ပါတယ်။ ဒါပေမယ့် ဧပြီလ ၄ ရက် ၂၀၁၃ ကစပြီးတော့ အရာရှိက သူ့နေရာမှာမနေတော့ဘဲ ငွေသွင်းကောင်တာမှာ မှတ်တမ်းမှတ်ရာနဲ့အတူ ကောင်တာမှာ တခါတည်း ငွေသွင်းငွေထုတ်သူတွေကို စောင့်ပြီးတော့ တခါထဲလူစစ်၊ တခါထဲ ထုတ်ပေးမှာဖြစ်လို့ မြန်မြန်ဆန်ဆန် လုပ်နိုင်တော့မှာဖြစ်ပါတယ်။ ဒါက ငွေသွင်း၊ ငွေထုတ်နဲ့ ပတ်သက်တဲ့ ဖြေလျှော့မှုပါ။ ဆိုလိုတာက အရင်က မှတ်တမ်းအဆင့်ဆင့်သွင်းပြီးမှ ချလန်ထွက်တယ်။ လူတွေ့အဆင့်ဆင့်စစ်ပြီးမှ ငွေထုတ်ပေးတယ်။ အခု အဲဒါတွေကို ဘဏ်ပိတ်ချိန်မှ ပြန်လုပ်မယ့်သဘော။ လူကို ငွေအရင်ထုတ်ပေးမှာဖြစ်တယ်။” “ငွေလွှဲကိစ္စလည်း အတူတူပါပဲ။ အရင် မှတ်တမ်းအဆင့်ဆင့် ရေးသွင်းတယ်၊ စစ်ဆေးတယ်၊ အရာရှိက အတည်ပြုလက်မှတ်ထိုးတယ်။ အရင် အဆင့်ဆင့်လုပ်ပြီးမှရပေမယ့် အခု လာတာနဲ့ ငွေလွှဲလက်မှတ်ရောက်တာနဲ့ တပြိုင်တည်း ထုတ်မယ့်သူမလာခင် ကြိုတင်တွက်ချက်ထားမယ်။ လုံခြုံမှုဝန်ထမ်းတွေ၊ လုံခြုံမှုစနစ်တွေ အကုန် တွက်ချက်ပြီးတော့မှ အဆင်သင့်စောင့်ဆိုင်းမှာဖြစ်တယ်။ ငွေလွှဲသူလာထုတ်တဲ့အချိန်ကျ ကြိုတင်တွက်ချက်ထားမှုတွေအရ ငွေထုတ်မိန့် တခါတည်း ချထားပြီး ကောင်တာမှာတခါတည်း ထုတ်ပေးမှာဖြစ်တယ်။ ငွေလွှဲသူရဲ့ လုပ်ငန်းအဆင့်ဆင့်တွေကိုတော့ ဘဏ်ပိတ်ချိန်မှ ဆောင်ရွက်မှာဖြစ်တယ်။ ဒါကြောင့် ငွေလွှဲရာမှာလည်း အရင်လို စစ်ဆေး၊ မှတ်တမ်းသွင်းပြီးမှ ဆောင်ရွက်တာမဟုတ်ဘဲ ကြိုတင်လုပ်နိုင်တာကို လုပ်ထားမယ်။ မလုပ်နိုင်တာကိုလည်း ဘဏ်ပိတ်ချိန်မှလုပ်မယ်။ ဒီလိုအားဖြင့် လျင်မြန်မှန်ကန်အောင် ဆောင်ရွက်ပေးမှာဖြစ်တယ်။” တနိုင်ငံလုံးမှာရှိတဲ့ ဘဏ်ခွဲတွေအားလုံးမှာ အလားတူ ဆောင်ရွက်ပေးမှာပေါ့။ “ဟုတ်ပါတယ်။ ဧပြီ ၂ ရက်နေ့ စဆောင်ရွက်မှာပါ။ ဧပြီ ၁ ရက် ဘဏ်ပိတ်ရက်ဖြစ်လို့ ၂ ရက်နေ့က စဆောင်ရွက်ပေးမှာပါ။” တနိုင်ငံလုံးမှာ မြန်မာ့စီးပွားရေးဘဏ် ဘဏ်ခွဲ ဘယ်လောက်လောက်ရှိပါလဲ။ “၃၀၀ ကျော်ရှိပါတယ်။ ၀န်ထမ်းအားဖြင့် ၈ ထောင်ကျော်ရှိပါတယ်။” ပြင်ပပညာရှင်တယောက်ကို မေးကြည့်တော့ သူဒီနေ့ပဲ ဘဏ်သွားခဲ့တယ်။ အရင်ကနဲ့မတူတော့ဘူးတဲ့။ မြန်တဲ့အပြင် ၀န်ထမ်းတွေ ဧည့်သည်ကိုဆက်ဆံတာ အရင်နဲ့တောင်မတူတော့ဘူး။ အခုကတည်းက ပြောင်းလဲနေတာတွေ့တယ်ပြောတယ်။ ၀န်ထမ်းပိုင်း ဆိုင်ရာတွေပါ ပြောင်းလဲထားတာပါလား။ “၀န်ထမ်းပိုင်းဆိုင်ရာတွေကိုလည်း ယဉ်ကျေးပျူငှာမှုရှိအောင် အစည်းအဝေးတွေမှာ သတိပေး စည်းရုံးထားတာရှိပါတယ်။ ရန်ကုန်ဘဏ်တွေမှာဆိုရင် မကြာမီမှာ ဧည့်ကြိုသီးသန့် ၀န်ထမ်း ၃-၄ ယောက် တာဝန်ချပြီး လာတဲ့ဧည့်သည်တွေကို ပုဂ္ဂလိကဘဏ်များနည်းတူ စ၀င်လာကတည်းက လှိုက်လှိုက်လှဲလှဲ ပျူပျူငှာငှာနဲ့ နှုတ်ဆက် ခရီးဦးကြိုပြုပြီး လိုအပ်တဲ့ ဘဏ်လုပ်ငန်းအဆင့်ဆင့်တွေကို ညွှန်ပြ ပြသ ဆောင်ရွက်ပေးဖို့ အစီအစဉ်ရှိပါတယ်။ အရင်ကတော့ ဧည့်ကြိုတာဝန်ကို ဘဏ်ဝန်ထမ်းများထဲက ပြန်တာဝန်ချတာဖြစ်လို့ ဘဏ်ဝန်ထမ်းများက ပြင်ပအလုပ်လည်းရှိတော့ ဧည့်ကြိုတာဝန်ကလည်းလုပ်ရတော့ ဧည့်ကြိုကောင်တာမှာပဲ ဆွေးနွေးတာ၊ အတိုးတွက်တာ၊ ပြင်ပ တာဝန်လုပ်နေတာရှိတော့ ဧည့်သည်ကို အပြည့်အ၀ ပျူပျူငှာငှာ အပြည့်အ၀ ၀န်ဆောင်မှုပေးနိုင်ဖို့ ခက်ခဲပါတယ်။ အခုကတော့ သီးသန့်ရွေးချယ်ခန့်အပ်ထားတဲ့ ၀န်ထမ်းအမျိုးသမီးငယ်တွေကနေ သေချာလေ့ကျင့်ပေးထားပြီး သပ်သပ်ရပ်ရပ် ၀တ်စားဆင်ယင်ပြီး ပျူပျူငှာငှာနဲ့ ဖော်ရွေစွာနဲ့ ဧည့်သည်ကို ၀န်ဆောင်မှုတွေ ပေးဖို့ အစီအစဉ် ဧပြီလမှာပဲ စတင်တော့မှာပါ။” အစိုးရဘဏ်တွေက အခုချိန်လောက်ဆိုရင် ကွန်ပျူတာ networkingနဲ့ သွားဖို့ ကောင်းပြီပေါ့။ ဦးအောင်ကျော်စိုးတို့ အစိုးရပိုင်ဘဏ်အနေနဲ့ network ချိတ်ပြီးသွားဖို့ ကွန်ပျူတာစနစ်နဲ့ ဘယ်တော့လောက် ဖြစ်နိုင်မလဲ။ “ကျနော်တို့ လက်ရှိတော့ ဆောင်ရွက်နေပါတယ်။ ဘဏ်လုပ်ငန်းစနစ်တခုလုံးကို ပြည့်ပြည့်စုံစုံ ကွန်ပျူတာစနစ်နဲ့သွားဖို့ ဆောင်ရွက်နေပါတယ်။ ဘယ်တော့ပြီးမလဲဆိုတာတော့ ကျနော့်အနေနဲ့ ဘတ်ဂျက်ရရှိမှုအပေါ်လည်း မူတည်တဲ့အတွက် ကိုယ့်အားလည်း ကိုယ်ကိုးရမယ်။ ပညာရှင်အပိုင်း၊ လေ့ကျင့်မှုအပိုင်းတွေလည်း ရှိတဲ့အတွက်ကြောင့် အတိအကျ ပြောနိုင်စွမ်း မရှိတာ ဖြစ်ပါတယ်။” အစိုးရဘဏ်တွေကို အရင်တုန်းက ပြည်သူတွေက သိပ်မဆက်ဆံချင်ကြဘူး။ ကြာတယ်၊ ၀န်ထမ်းတွေရဲ့ ဆက်ဆံရေးက မကောင်းဘူးဆိုပြီး ပုဂ္ဂလိကဘဏ်တွေမှာ လုပ်ကြတာ များတယ်။ အခု အစိုးရဘဏ်တွေ ပြောင်းနေပြီဆိုတာနဲ့ပတ်သက်ပြီး ပြောပြပေးပါ။ “အစိုးရဘဏ်များနဲ့ ပုဂ္ဂလိကဘဏ်များကတော့ အနည်းငယ်ကွာခြားမှု ရှိပါတယ်။ ပုဂ္ဂလိကဘဏ်ဆိုတာကတော့ အဓိကအားဖြင့် စီးပွားရေးဆောင်ရွက်တာကြောင့်မို့လို့ အကျိုးအမြတ်ရှိတဲ့ လုပ်ငန်းကိုသာ ရွေးချယ်ပြီး ဆောင်ရွက်ရတဲ့ အနေအထားဖြစ်ပါတယ်။ အစိုးရဘဏ်အနေနဲ့ကတော့ ငွေကြေးအကျိုးအမြတ်တခုတည်း ရရှိရေးကို ဦးတည်ဆောင်ရွက်လို့ မရဘူး။ မြန်မာပြည်တနံတလျားမှာ ဘဏ်ခွဲပေါင်း ၃၀၀ ကျော်နဲ့ လုပ်နေပါတယ်။ ဝေးလံခေါင်ဖျားတဲ့ဒေသတွေပါ မကျန် ငွေကြေးအားဖြင့် အကျိုးအမြတ်မယူဘဲနဲ့ ပင်စင်လုပ်ငန်း၊ တပ်ရင်းတပ်ဖွဲ့တွေ လစာထုတ်တဲ့ လုပ်ငန်းတို့၊ အစိုးရ ယန္တရားကြီးတခုလုံး ငွေကြေးလည်ပတ်ဖို့ ကိစ္စတွေကို ကျနော်တို့အနေနဲ့ ဆောင်ရွက်ရတာ ဖြစ်ပြီး အလုပ်တာဝန်တွေ များပြားတဲ့အတွက် ကြန့်ကြာမှုတွေ ရှိခဲ့တယ်ဆိုတာ ရိုးရိုးသား ၀န်ခံရမှာ ဖြစ်ပါတယ်။ “ဒါပေမယ့် ခေတ်ကောင်းလာတဲ့အချိန်မှာတော့ ဒါတွေကို အကြောင်းပြပြီးတော့ အရင်လိုပဲ ဆက်သွားနေလို့ကတော့ ဈေးကွက်စီးပွားရေးစနစ်မှာ ကျနော်တို့ အဆင်မပြေတော့ပါဘူး။ ဒါကြောင့် ကျနော်တို့ဘဏ်အနေနဲ့ ပုဂ္ဂလိကဘဏ်တွေလိုပဲ အများပြည်သူကို သစ်သစ်လွင်လွင်၊ တောက်တောက်ပပ၊ လျင်လျင်မြန်မြန်၊ သွက်သွက်လက်လက် ၀န်ဆောင်မှု ပေးနိုင်ဖို့အတွက် ရှိသမျှနည်းလမ်းတွေနဲ့ ကျနော်တို့ ရှာဖွေပြီး ဆောင်ရွက်လျက်ရှိပါတယ်။ “နောက်ဆုံး နိဂုံးချုပ်အနေနဲ့ လုပ်ငန်းတခု ကျနော် ပြောချင်ပါတယ်။ အရင်တုန်းက ငွေစုဘဏ်စာရင်းတခု ရန်ကုန်မှာ ဖွင့်မယ်ဆိုရင် ငွေစုဘဏ်ခွဲ ၁ ဆိုပါတော့၊ အဲမှာပဲ ထုတ်လို့ရတယ်။ အခု ၁၈ ရက် ၃ လကစပြီးတော့ ခရိုင်ဘဏ်ခွဲအဆင့် အားလုံးပေါင်း ၆၈ ဘဏ်ရှိပါတယ်။ အဲဒါကတော့ ရန်ကုန်ကစုထားတဲ့သူဟာ မန္တလေးရောက်လို့ ငွေလိုတဲ့အတွက် ထုတ်မယ်ဆိုရင် ထုတ်လို့ ရပါတယ်။ အလားတူ တဘဏ်မှာ စုထားတဲ့ငွေကို မြစ်ကြီးနားမှာထုတ်မယ်၊ တောင်ကြီးမှာထုတ်မယ် စသဖြင့် ၁၀ မိနစ်၊ ၁၅ မိနစ်အတွင်း ရရှိအောင် ကျနော်တို့ လုပ်ငန်းအသစ်တခုလည်း ဆောင်ရွက်နေတဲ့အကြောင်း တင်ပြလိုပါတယ်။”

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up