ဖားကန့်တွင် မြေစာပြိုကျပြီး မြေတူးယာဉ်မောင်းသူ ၁ ဦး သေဆုံး
877
ကချင်ပြည်နယ်၊ ဖားကန့်မြို့နယ်၊ ဆွတ်ငိုင်ယန်ကျေးရွာရှိ ယူနတီကုမ္ပဏီလုပ်ကွက်မှာ မတ်လ ၅ ရက် မနက်က မြေစာပြိုကျပြီး မြေတူးယာဉ်နဲ့အတူ ယာဉ်မောင်းသူ တဦး မြေစာဖုံး သေဆုံးခဲ့တယ်လို့ ရှာဖွေရာမှာ ပါဝင်တဲ့ မီးသတ်တာဝန်ရှိသူတဦးက ပြောပါတယ်။
ယူနတီကုမ္ပဏီလုပ်ကွက်မှာ ကျောက်မျက်တူးဖော်ရေးလုပ်ငန်း လုပ်ဆောင်နေစဉ် အမြင့်ပေ ၄၀၀ လောက်ရှိတဲ့ ကမ်းပါးယံမြေစာပြိုကျခဲ့ပြီး မြေတူးယာဉ်မောင်း ဦးစိုးနိုင်နဲ့ အတူ VOLVOL-700 အမျိုးအစားယာဉ်တို့ကို မြေစာတွေဖုံး ပျောက်ဆုံးခဲ့တာပါ။
ပျောက်ဆုံးနေတဲ့ မြေတူးယာဉ်နဲ့ ယာဉ်မောင်းတို့ကို ယူနတီကျောက်မျက်တူးဖော်ရေး ဝန်ထမ်းတွေနဲ့ ဖားကန့်မြို့နယ် မီးသတ်ဖွဲ့ဝင်တွေက ကူညီရှာဖွေပေးခဲ့ပြီး မတ်လ ၅ ရက် မနက် ၉ နာရီအချိန်မှာ ယာဉ်မောင်းဦးစိုးနိုင်ရဲ့ ရုပ်အလောင်းကို ရှာဖွေတွေ့ရှိခဲ့ပါတယ်။
ယာဉ်မောင်းဦးစိုးနိုင်ရဲ့ ရုပ်အလောင်းကို ဖားကန့်ပြည်သူ့ဆေးရုံကို ပို့ဆောင်ခဲ့ပြီး ဖားကန့် မြို့နယ်ရဲစခန်းက ရဲဆေးစာမှတ်တမ်းရယူထားပါတယ်။
သတင်း - မုန်းမုန်းမင်း၊ ဓာတ်ပုံ - ဝင်းနိုင်
