Homeမြန်မာသတင်း
တိုက်ပွဲများကြောင့် ဘူးသီးတောင်မြို့နယ်ရှိ စာသင်ကျောင်းအချို့တွင် စတုတ္ထတန်းနှင့် အဋ္ဌမတန်း စာမေးပွဲ မစစ်ဆေးနိုင်
တိုက်ပွဲများကြောင့် ဘူးသီးတောင်မြို့နယ်ရှိ စာသင်ကျောင်းအချို့တွင် စတုတ္ထတန်းနှင့် အဋ္ဌမတန်း စာမေးပွဲ မစစ်ဆေးနိုင်
DVB
·
February 27, 2020
ရခိုင်ပြည်နယ်၊ ဘူးသီးတောင်မြို့နယ်အတွင်း တပ်မတော်နဲ့ အေအေတို့ တိုက်ပွဲဖြစ်ပွားခဲ့လို့ ကျေးရွာ ၉ ရွာက စာသင်ကျောင်း ၉ ကျောင်းမှာ အခုနှစ် အတန်းတင်အစိုးရစစ် စတုတ္ထတန်းနဲ့ အဋ္ဌမတန်း စာမေးပွဲတွေကို မစစ်ဆေးနိုင်ကြောင်း ဘူးသီးတောင်မြို့နယ် ပညာရေးမှူးရုံးကနေ သိရပါတယ်။
အဲ့ဒီ ကျောင်းသူကျောင်းသားတွေ အနေနဲ့ နီးစပ်ရာကျေးရွာတွေရှိ စာသင်ကျောင်းတွေနဲ့ ဘူးသီးတောင်မြို့ပေါ်က ကျောင်းတွေမှာ သွားရောက်ဖြေဆိုရမှာ ဖြစ်ပါတယ်။
ကျောင်းဖွင့်လှစ် စာမေးပွဲးမစစ်ဆေးနိုင်တဲ့ စာသင်ကျောင်း ၉ ကျောင်းကတော့ (အ.မ.က) စပါးထား၊ (အ.မ.က)ကွမ်းတောင်၊ (မူလွန်)စံဂိုးထောင်၊ (အ.မ.က)ဥယာဉ်သာ၊ (လခွဲ) နွားရုံတောင်၊ (အ.မ.က)ကံပြင်၊ (မူလွန်)ပြင်ချောင်း၊ (အမက)သျှရှားတောင်၊ (အ.မ.က)(ခွဲ) အလယ်ချောင်း(ခမီ)တို့ ဖြစ်ပါတယ်။
၂၀၁၉/၂၀၂၀ ပညာသင်နှစ် စတုတ္ထတန်း အတန်းတင်အစိုးရစစ်စာမေးပွဲကို ဖေဖော်ဝါရီ ၂၄ ရက်မှ ၂၈ ထိ စစ်ဆေးသွားမှာဖြစ်ပြီး အဋ္ဌမတန်း စာမေးပွဲကိုတော့ ဖေဖော်ဝါရီ ၂၄ ရက်က စတင်ပြီး မတ်လ ၃ ရက်နေ့မှာ ပြီးစီးမှာဖြစ်ပါတယ်။
