အမေရိကန်ရက်ပ်အဆိုတော် ပစ်သတ်ခံရ

Getty Images
အမေရိကန်နိုင်ငံ၊ နယူးယောက်မြို့က ရက်ပ်အဆိုတော် "Pop Smoke" လို့ လူသိများ တဲ့ ဘတ်ရှား ဘာရာခါ ဂျွန်ဆန်ဟာ ဖေဖော်ဝါရီ ၁၉ရက် မနက်က ကာလီဖိုးနီးယားပြည်နယ် ဟောလိဝုဒ်ဟီးလ်အရပ်က အိမ်တလုံးထဲမှာ အသေပစ်သတ်ခံရပါတယ်။  "Pop Smoke" သေဆုံးကြောင်းကို သူ့ရဲ့အဖွဲ့ Republic Records က တွစ်တာ လူမှုကွန်ရက်ပေါ်မှာ အတည်ပြုတင်ပြခဲ့ပါတယ်။  သူဟာ မနက် လေးနာရီခွဲလောက်မှာ အဲဒီအိမ်ထဲမှာရှိနေတုန်း မျက်နှာဖုံးတပ် သေနတ်သမား ၂ ယောက်က အိမ်ထဲ စီးနင်းဝင်ရောက်ပြီး သေနတ်နဲ့ အချက်ပေါင်းများစွာ ပစ်ခတ်ခဲ့တယ်လို့ သိရပါတယ်။  "Pop Smoke" ကို စေဒါစ်စီနိုင်းဆေးကုသရေးဌာနဆီ သယ်သွားခဲ့ပေမယ့် အဲဒီဆေး ရုံမှာ သေဆုံးခဲ့တယ်လို့ ငွေကြယ်ပွင့်တွေရဲ့သတင်းတွေကို တင်ဆက်လေ့ရှိသူ TMZ ဝက်ဆိုဒ်က ဖော်ပြထားပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up