ရန်ကုန်လေထုညစ်ညမ်းမှု မိုးဇလကထုတ်ပြန်သည့် သတင်းသာ အမှန်ဟုဆို

ရန်ကုန်မြို့တော်စည်ပင် သတင်းစာရှင်းလင်းပွဲ
ရန်ကုန်မြို့ရဲ့ လေထုညစ်ညမ်းမှုအခြေအနေနဲ့ ပတ်သက်ပြီး နိုင်ငံတော်က တရားဝင်ခွင့်ပြုထားတဲ့ မိုးဇလဌာနက ထုတ်ပြန်ထားတဲ့ အချက်အလက်တွေသာ အမှန်လို့သာ ယူဆလို့ရတယ် ပတ်ဝန်းကျင်ထိန်းသိမ်းရေးနဲ့ သန့်ရှင်းရေးဌာနက ဌာနမှူး ဦးချိုထွန်းအောင်က ပြောပါတယ်။ ဒါ့အပြင် လေထုညစ်ညမ်းမှုတွေကို တိုင်းတာတဲ့အချိန်မှာ တနေရာတည်း တိုင်းတာလို့ မရသလို ၄၈ နာရီအထိ တိုင်းတာမှသာ အဖြေမှန်ကို ရရှိနိုင်တာဖြစ်တယ်လို့ ဖေဖော်ဝါရီ ၁၇ ရက်နေ့က ကျင်းပတဲ့ အပတ်စဉ် စည်ပင်သတင်းစာရှင်းလင်းပွဲမှာ ပြောခဲ့တာပါ။ ဒါ့အပြင် ရန်ကုန်မြို့တော်စည်ပင်နဲ့ ပတ်ဝန်းကျင်ထိန်းသိမ်းရေးနဲ့ သန့်ရှင်းရေးဌာနတို့က ပူးပေါင်းပြီး ရန်ကုန်မြို့ရဲ့ နေရာ ၄၇ မှာ တိုင်းတာနိုင်ဖို့ စီစဉ်နေတယ်လို့ စည်ပင်ရဲ့ အတွင်းရေးမှူး ဒေါ်လှိုင်မော်ဦးက ပြောပါတယ်။  အရပ်ဘက်အဖွဲ့အစည်းတွေက လေထုညစ်ညမ်းမှုအခြေအနေကို တိုင်းတာတဲ့အချိန်မှာ အချိန်ပြည့်တိုင်းတာတာမဟုတ်ဘူးဆိုတာ သိရှိရတယ်လို့ဆိုပါတယ်။ လက်ရှိမှာတော့ ရန်ကုန်မြို့ရဲ့ လေထုညစ်ညမ်းမှုအခြေအနေက အန္တရာယ်အဆင့်မှာ ရောက်ရှိနေတယ်လို့ အရပ်ဘက်အဖွဲ့အစည်းတွေက လေ့လာတွေ့ရှိထားပြီး အမေရိကန်သံရုံးနဲ့ Air Quality Yangon စတဲ့ အဖွဲ့အစည်းတွေက ရန်ကုန်ရဲ့ လေထုအခြေအနေကို တိုင်းတာနေတာလည်း ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up