ဇလုံတောင် ဘုရားဖူးယာဉ်တိမ်းမှောက်၊ လူ ၇ ဦးသေ ၁၂ ဦးဒဏ်ရာရ
2.7K
စစ်ကိုင်းတိုင်း၊ ပင်လည်ဘူးမြို့နယ် ဇလုံတောင်ဘုရားဖူး ပြန်လာတဲ့ယာဉ် တိမ်းမှောက်ခဲ့တာကြောင့် ယာဉ်ပေါ်ပါ အမျိုးသမီး ၇ ဦးသေဆုံးပြီး ၁၂ ဦးဒဏ်ရာရခဲ့တယ်လို့ ပင်လည်ဘူးမြို့မရဲစခန်းက ပြောပါတယ်။
ဖေဖော်ဝါရီ ၅ ရက်နေ့ညနေ ၅ နာရီလောက်က ပင်လည်ဘူးမြို့နယ် မိုင်းတုံးတားကြီးကျေးရွာ နဲ့ မိုင်းတုံးတားလေးကျေးရွာအကြားမှာ တိမ်းမှောက်ခဲ့တာ ဖြစ်ပါတယ်။
ယာဉ်မောင်း ဦးမောင်ဌေး မောင်းနှင်ပြီး ခရီးသည် ၂၁ ဦး လိုက်ပါလာတဲ့ယာဉ်ဟာ ဘရိတ်ပေါက်ကာ လမ်းဘေးချောက်ထဲ ပြုတ်ကျခဲ့တာဖြစ်ပြီး လူ ၇ ဦးသေ၊ ၁၂ ဦး ဒဏ်ရာရပြီး ၂ ဦးကတော့ ဘာမှမဖြစ်ခဲ့ဘူးလို့ ပင်လည်ဘူးမြို့မရဲစခန်းမှ တာဝန်ရှိသူတဦးက ပြောပါတယ်။
ယာဉ်မှောက်မှုနဲ့ ပတ်သက်ပြီး ပင်လည်ဘူးမြို့မရဲစခန်းမှာ ယာဉ်မောင်းကို ယာဉ်(ပ)၅/၂၀၂၀၊ ရာဇသတ်ကြီး ဥပဒေပုဒ်မ ၃၀၄-က/၃၃၈/၃၃၇ တို့နဲ့ အမှုဖွင့်အရေယူးထားတယ်လို့ သိရပါတယ်။
ငြိမ်းသူမင်း(ကလေးမြို့)
