ကျိုက်မရောက ဒေါင်ဒင်အင်း ငါးဖမ်းပွဲတော် (ဓာတ်ပုံသတင်း)
DVB
·
January 16, 2020
မွန်ပြည်နယ်၊ ကျိုက်မရောမြို့နယ်ထဲက ဒေါင်ဒင်အင်းငါးဖမ်းပွဲတော်ကို ဇန်နဝါရီ ၁၆ ရက် မနက်ပိုင်းက ကျင်းပနေပါတယ်။
ဒေါင်ဒင်အင်းငါးဖမ်းပွဲတော်ကို ဘိုးစဉ်ဘောင်ဆက်ကတည်းက တနှစ်တခါ ပုံမှန်ကျင်းပလာ ခဲ့ကြတာဖြစ်ပြီး အင်းအနီးအနားကျေးရွာတွေဖြစ်တဲ့ ငပုအင်းကျေးရွာ၊ ကျုံကွယ်ကျေးရွာနဲ့ ကော့စပ်ကျေးရွာတွေက နှစ်စဉ်အလှည့်ကျစနစ်နဲ့ ကျင်းပကြတာပါ။
ကော့စပ်ကျေးရွာအုပ်ချုပ်ရေးမှူး ဦးစောမြင့်ဝေက “ဒီငါးဖမ်းပွဲတော်ဆိုတာက ရေအခြေအနေကို ကြည့်ပြီးလုပ်ရပါတယ်။ ၂၀၁၇ ခုနှစ်နောက်ပိုင်းလောက်ကစပြီး လူမှုကွန်ရက် စာမျက်နှာတွေက တဆင့် လူသိများလာတာပါ။ ဖွင့်ပွဲကတရက်ပဲဆိုပေမယ့် အင်းထဲကရေခမ်းပြီး ငါးကုန်တဲ့အထိ လာရောက်ဖမ်းဆီးခွင့်ပြုထားပါတယ်” လို့ ဒီဗွီဘီကိုပြောပါတယ်။
အဲ့ဒီငါးဖမ်းပွဲတော်ကိုကျင်းပနိုင်ဖို့ ရှေးဦးစွာရိုးရာဓလေ့အရ ဘုရင့်နန်းတော်တွေ၊ ဆင်ထိန်းနေရာတွေ၊ ဆင်ချည်တိုင်တွေကိုပြုလုပ်ပေးရပြီး ငါးဖမ်းပွဲတော်စတင်ကျင်းပချိန်ကနေ တန်ခူးလအင်းရေခန်းတဲ့အထိ မည်သူမဆိုလာရောက်ဖမ်းဆီးနိုင်တယ်လို့ သိရပါတယ်။
သတင်း၊ ဓာတ်ပုံ - ယူမင်းစိုး