A d v e r t i s e m e n t With Us

ကိုကိုးကျွန်းတောင်ဘက်တွင် အင်အား ၄ ဒသမ ၇ အဆင့်ရှိ ငလျင်လှုပ်

ရန်ကုန်တိုင်းအတွင်းက ကိုကိုးကျွန်းတောင်ဘက်မှာ  ဒီနေ့မနက် အစောပိုင်းက အင်အား ၄ ဒသမ ၇ အဆင့်ရှိ မြေငလျင်တခု လှုပ်ခဲ့ပါတယ်။ နိုဝင်ဘာ ၃၀ ရက် မြန်မာစံတော်ချိန် (၀၀) နာရီ၊ (၂၀) မိနစ်၊ (၂၀) စက္ကန့်အချိန်က ရန်ကုန်တိုင်း ကိုကိုးကျွန်းမြို့နယ်ရဲ့ တောင်ဘက် ၂၆ မိုင်ခန့်အကွာ မြန်မာ့ပင်လယ်ပြင်ကို ဗဟိုပြုပြီး အင်အားရစ်(ခ်)တာစကေး ၄ ဒသမ ၇ အဆင့်ရှိ အင်အားအနည်းငယ်ရှိသော မြေငလျင်တခု လှုပ်ရှားသွားတယ်လို့ ကမ္ဘာအေး မြေငလျင်စခန်းက သတင်းထုတ်ပြန်ပါတယ်။ နိုဝင်ဘာ ၂၈ ရက်ကလည်း မန္တလေးတိုင်း သပိတ်ကျင်းမြို့နယ်ရဲ့ အရှေ့မြောက်ဘက် ၂၃ မိုင်ခန့်အကွာကို ဗဟိုပြုပြီး အင်အားရစ်(ခ်)တာစကေး ၅ ဒသမ ၄ အဆင့်ရှိတဲ့ ငလျင်တခု လှုပ်ခတ်ခဲ့လို့  သပိတ်ကျင်းမြို့က လူနေအိမ်နဲ့ ဘုန်းကြီးကျောင်းတချို့ ထိခိုက်မှု ရှိခဲ့ပါတယ်။

A d v e r t i s e m e n t With Us

More News
Up