ကနန်းဒေသ၊ ကနန်းအလှ ပုံရိပ်များ
Aung Ko Latt
·
November 20, 2019
ကနန်းလူမျိုးတွေဟာ သက်မျိုးနွယ်အုပ်စုက ဆင်းသက်လာတဲ့လူမျိုးတွေဖြစ်ပြီး လူဦးရေ ၂၀၀၀၀ ကျော်သာ ရှိကြတော့တဲ့ လူနည်းစု တိုင်းရင်းသားတွေဖြစ်ပါတယ်။
ကနန်းလူမျိုးအများစုက မူးမြစ် မြစ်ဖျားခံရာ စစ်ကိုင်းတိုင်းအတွင်းက ပင်လည်ဘူး၊ ဗန်းမောက်မြို့နယ်တွေမှာ နေထိုင်ကြပြီး အင်းတော်၊ ဝန်းသို စတဲ့မြို့နယ်တွေမှာလည်း နေထိုင်ကြတယ်လို့ သိရပါတယ်။
လယ်ယာလုပ်ငန်းကိုသာ အဓိကလုပ်ကိုင်ကြပြီး တခြားဒေသ ပြင်ပထွက်ပြီး အလုပ်သွား လုပ်လေ့ သိပ်မရှိကြပါဘူး။ ဗုဒ္ဓဘာသာကိုသာ ယုံကြည်သက်ဝင်ကိုးကွယ်ကြပါတယ်။ မူးမြစ်ဖျား တလျောက်မှာ ကျေးရွာတွေတည်ကာ သဘာဝတောတောင်တွေက ကာရံထားပါတယ်။
ကနန်းဒေသက လမ်းပန်းဆက်သွယ်ရေး အနည်းငယ်ခက်ခဲပါတယ်။ အထူးသဖြင့် မိုးရာသီမှာ အခက်ခဲဆုံးလည်းဖြစ်ပါတယ်။ လူသူအရောက်အပေါက်နည်းသေးတဲ့အတွက် သဘာဝ အလှအပ ဓလေ့စရိုက်တွေကလည်း ရောယှက်ပျက်စီးမှုနည်းပါးပြီး ရှေးဟောင်းယဉ်ကျေးမှု ဓလေ့ထုံးစံတွေ လည်း ကျန်ရှိနေပါသေးတယ်။
ကနန်းလူမျိုးတွေက ကနန်းစကားကိုသာ အဓိကပြောဆိုကြပြီး ကနန်းစာပေးပေါ်ထွက်ရေး လည်း လုပ်ဆောင်နေပါတယ်။
ကနန်းဒေသကို ပင်လည်ဘူး၊ ဗန်းမောက်စတဲ့မြို့တွေကတဆင့် ကား၊ ဆိုင်ကယ်တွေနဲ့ သွားရောက်လည်ပတ်နိုင်ပါတယ်။