Email This Story :
မိတ္ထီလာ-ကျောက်ပန်းတောင်းလမ်း၊ မိတ္ထီလာမြို့နယ်၊ ဂွေ့ကြီးရွာ ဘုန်းတော်ကြီးကျောင်းရှေ့မှာ နိုဝင်ဘာ ၆ ရက်ညနေက ယာဉ်တိုက်မှုဖြစ်ပြီး အမျိုးသား ၃ ဦးနဲ့ အမျိုးသမီး ၁၇ ဦးဒဏ်ရာရပြီး အမျိုးသမီး ၁ ဦးသေဆုံးသွားတယ်လို့ မိတ္ထီလာမြို့မရဲစခန်းက ပြောပါတယ်။
မိတ္ထီလာဘက်ကို မောင်းလာတဲ့ လိုက်ထရပ်ကားတစီးက အရှိန်မထိန်းနိုင်ပဲ စလစ်ဖြစ်ကာ တဖက်ယာဉ်ကြောရှိ မျက်နှာချင်းဆိုင်လာနေတဲ့ ကင်တာ ၆ ဘီးကားရဲ့ ခါးပိုင်းကို ဝင်ရောက်တိုက်မိခဲ့တာပါ။
ယာဉ်တိုက်မှုမှာ ကင်တာကား တိမ်းမှောက်သွားခဲ့တာကြောင့် လိုက်ထရပ်ကားပေါ်ပါသူ ၂ဦး ဒဏ်ရာရပြီး ကင်တာကားပေါ်လိုက်ပါလာသူ ၁၈ ဦး ဒဏ်ရာရကာ အခင်းဖြစ်နေရာတင် ကျွန်းစုရွာနေ အသက် ၄၃နှစ်အရွယ် အမျိုးသမီး တဦး သေဆုံးသွားပါတယ်။
မိတ္ထီလာမြို့မရဲစခန်း တာဝန်ကျရဲအရာရှိက “ကင်တာကားက စျေးလိုက်လာတဲ့ကားပါ။ အမျိုးသမီး ၁ ဦး သေဆုံးသွားတယ်။ ဒဏ်ရာရတာ အမျိုးသမီးတွေ များတယ်။ မိတ္ထီလာဆေးရုံ ပို့ပေးရတယ်”လို့ ပြောပါတယ်။
မိတ္ထီလာမြို့မရဲစခန်းက လိုက်ထရပ်ကား ယာဉ်မောင်း ထူးထူးကျော်ကို ယာဉ်မဆင်မခြင်မောင်းပြီး လူသေဆုံးမှု၊ ပြင်းထန်ဒဏ်ရာရမှု၊ သာမန်ဒဏ်ရာရမှု ရာဇသတ်ကြီးပုဒ်မ ၃၀၄-က/၃၃၈/၃၃၇ တို့နဲ့ အမှုဖွင့်ထားပါတယ်။
သတင်း-မောင်မောင်လင်း
-
သတင်းဓာတ်ပုံ
-
နွေရာသီကို ကဗျာများဖြင့် အလှဆင်ထားသည့် ရေနံချောင်းကောလိပ် (ဓာတ်ပုံ)
-
ရခိုင်စစ်ပွဲများရပ်တန့်ရေး ကျောင်းသားသမဂ္ဂများစုပေါင်းဆန္ဒပြ
-
မင်္ဂလာတောင်ညွန့်တွင် နောက်ဖေးလမ်းကြားဥယျာဉ် ဖွင့်လှစ် (ဓာတ်ပုံ)
-
မဟာဗန္ဓုလပန်းခြံတွင် ဓာတ်ပုံပြပွဲ ပြုလုပ် (ဓာတ်ပုံ)
-
ရန်ကုန်ယုဝတီခရစ်ယာန်အသင်း နှစ် ၄၀ ပြည့် ကျင်းပ (ဓာတ်ပုံ)
-
-
