ဖမ်းဆီးရမိသည့် တရားခံပြေး ဦးစိုးထွန်းရှိန် မန္တလေးမြို့သို့ရောက်ရှိလာ
DVB
·
November 6, 2019
နိုင်ငံတော်ကို ရွှေအခွန်ကြွေးကျန် ပေးသွင်းဖို့ ကျန်ရှိမှုနဲ့ ထွက်ပြေးနေတဲ့ အမျိုးသားကြီးပွားတိုးတက်ရေး ကုမ္ပဏီပိုင်ရှင် ဦးစိုးထွန်းရှိန်ကို ထိုင်းနိုင်ငံမှာ ဖမ်းဆီးရမိပြီး နိုဝင်ဘာလ ၆ရက်နေ့လည်ပိုင်းက တာချီလိတ်မြို့သို့ လွှဲပြောင်းပေးခဲ့ပါတယ်။
နေ့လည် ၁၂ နာရီဝန်းကျင်မှာ တာချီလိတ်မြို့ကို မြန်မာ-ထိုင်း ချစ်ကြည်ရေးတံတား အမှတ်(၂)မှတဆင့် ထိုင်းအာဏာပိုင်တွေကလွှဲပြောင်းပေးခဲ့ပြီး တာချီလိတ်မြို့မှတဆင့် မန္တလေးမြို့သို့ လေယာဉ်နဲ့ ပို့ဆောင်ရာ မန္တလေး လေဆိပ်ကို ညနေ ၄နာရီခွဲလောက်မှာ ရောက်ရှိလာကြောင်းသိရပါတယ်။
ဦးစိုးထွန်းရှိန်ဟာ မန္တလေးတိုင်းဒေသကြီး၊ ရမည်းသင်းမြို့မရဲစခန်း(ပ) ၆၁/၂၀၁၈၊ မြန်မာ့သတ္တုတွင်းဥပဒေပုဒ်မ ၃၀(က)/ကျင့် ၅၁၂ အမှုနဲ့ အမှုဖွင့် တရားစွဲဆိုခံရထားရပြီး ထွက်ပြေးတိမ်းရှောင်နေတာဖြစ်ပါတယ်။
Photo - Kaung Zaw Hein / MPA