ချောက်စည်ပင် လုပ်ငန်းတင်ဒါရွေးချယ်မှု ကျေနပ်မှု မရှိသဖြင့် ပြန်လည်ပြုလုပ်

မကွေးတိုင်း၊ ချောက်မြို့စည်ပင်သာယာရေးအဖွဲ့က ကားကြီးကွင်းသစ် မြေနေရာ ပြုပြင်ခြင်းလုပ်ငန်းအတွက် တင်ဒါလေလံ ခေါ်ဆိုမှုမှာ ကျေနပ်မှုမရှိကြောင်း တိုင်ကြားမှုကြောင့် တိုင်းစည်ပင်သာယာရေး ဝန်ကြီး ဦးဆောင်ကြီးကြပ်ပြီး ဒီကနေ့ မနက်ပိုင်းက ဒုတိယအကြိမ် ပြန်လည်ပြုလုပ်ခဲ့ရပါတယ်။ မကွေးတိုင်း စီမံကိန်း၊ ဘဏ္ဍာရေးနှင့် စည်ပင်သာယာရေးဝန်ကြီး ဦးဇော်မင်းက “ဒီမှာ လေလံပစ်တဲ့ဟာ တရားမျှတမှုတွေ မရှိပါဘူး။ အမှတ်ပေးတာတွေက မမှန်မကန် ဖြစ်ပါတယ်။ ကျနော့်ဆီကို လာတိုင်တယ်။ ကျနော် ဒီကလူတွေ မခေါ်ဘဲနဲ့ (တင်ဒါ) အထုတ်တွေ အကုန်ယူပြီးတော့ ကျနော်တို့ တိုင်းရုံးမှာ တိုင်းစည်ပင်အင်ဂျင်နီယာ၊ အခြား အင်ဂျင်နီဟာတွေနဲ့ တွေ့ပြီး တိုင်ပင်ဆွေးနွေးမှု ပြုလုပ်ပြီးတော့ ပြန်လည်သုံးသပ်မှု ပြုလုပ်ပြီးမှ ပြန်လာတာ ဖြစ်ပါတယ်။ လာပြီးနည်းနည်းလေး ဦးဆောင်ကြီးကြပ်ပေးမယ်။ ဒီနေ့ တင်ဒါကို ထိရောက် အဆုံးသတ်လို့ ရအောင် ပြုလုပ်တာဖြစ်ပါတယ်” လို့ ပြောပါတယ်။ လုပ်ငန်းတင်ဒါ ခေါ်ဆိုရာမှာ နည်းပညာရမှတ်နဲ့ စျေးနှုန်းရမှတ် နှစ်ခုပေါင်း ရမှတ်တို့နဲ့ ရွေးချယ် ဆုံးဖြတ်ချက် ပြုလုပ်ခဲ့ပြီး ကုမ္ပဏီတွေက တင်ပြတဲ့ လုပ်ငန်းတင်ဒါတွေနဲ့ ရွေးချယ်မှုက ရရှိတဲ့ ရမှတ်တွေကို မကွေးတိုင်းအစိုးရအဖွဲ့ဆီကို ဆက်လက်တင်ပြပေးသွားမယ်လို့ သိရပါတယ်။ ကားကြီးကွင်းသစ် တည်ဆောက်ဖို့အတွက် အမှတ် ၁၀ အေးစေတီရပ်ကွက် အရှေ့တောင်ဘက်ရှိ ကွင်းအမှတ် ၂၂၉၂ ကွင်း၊ ကျွန်းဘိုပင်ကွင်းကို ကားကြီးကွင်းမြေနေရာအဖြစ် ရွေးချယ်ခဲ့ပြီး မြေနေရာ ပြုပြင်တာနဲ့ အဝင်အထွက်လမ်း မြေတွေ မြေပြုပြင်ဖို့အတွက် လုပ်ငန်းတင်ဒါ လေလံခေါ်ဆိုတာ ဖြစ်ပါတယ်။ သြဂုတ် ၁၅ ရက်နေ့က ကုမ္ပဏီ ၉ ခုရဲ့ တင်ဒါလျှောက်ထားမှုတွေကို လက်ခံစစ်ဆေးခဲ့ပြီး ကုမ္ပဏီ ၄ ခုမှာ နည်းပညာသတ်မှတ်ချက် အားနည်းတာကြောင့် တင်ဒါခေါ်ဆိုမှုမှာ နည်းပညာအမှတ် ရရှိတဲ့ ကုမ္ပဏီ ၅ ခုရဲ့ ဈေးနှုန်း လုပ်ငန်းတင်ဒါတွေကိုသာ ရွေးချယ်ခဲ့တယ်လို့ ချောက်မြို့စည်ပင်သာယာရေးအဖွဲ့က သိရပါတယ်။ စည်ပင်သာယာရေးကော်မတီ လူမှုစီးပွားကိုယ်စားလှယ် ဦးလှမင်းက “ပထမအကြိမ် ပြုလုပ်ခဲ့တဲ့ တင်ဒါဖွင့်ပွဲမှာ လုပ်ငန်းကုမ္ပဏီ ၉ ခု ပါဝင်ယှဉ်ပြိုင်ခဲ့ပြီး အမြင့်ဆုံး ကြမ်းခင်းဈေး ကျပ်သိန်း ၇၈၀၊ အနှိပ်ဆုံး ကြမ်းခင်းစျေး ကျပ်သိန်း ၇၀၀ သတ်မှတ်ထားရှိရာ စျေးနှုန်းရမှတ် အမြင့်ဆုံးပေးထားတဲ့ ကုမ္ပဏီက အဆိုပြု ကြမ်းခင်းစျေးဖြစ်နေပြီး အဲဒီ ကုမ္ပဏီက စျေးနှုန်းရမှတ် တွက်ချက်နည်းမှာ သုညအမှတ် ရရှိကြောင်း၊ အခြားကုမ္ပဏီ ၄ ခုမှာ အောက်ဆုံးကြမ်းခင်းစျေး မမီတဲ့အတွက် နည်းပညာအောင်မြင်သော ကုမ္ပဏီ ၅ ခုလုံး တင်ဒါ မအောင်မြင်ကြောင်း တင်ပြနေအချိန်မှာ ကုမ္ပဏီတွေ တိုင်တန်းတာကြောင့် စည်ပင်ဝန်ကြီးက ဦးဆောင်ကြီးကြပ်မှု ပြုလုပ်ပြီး ဒုတိယအကြိမ် တင်ဒါပြန်လည် ရောင်းချတာ” လို့ ပြောပါတယ်။ ကိုလင်း(ချောက်) ~~~~~~~~~~~~~~~~~~~~~~~~~~~~~~~~~~~~~~~~~~~~~~ Zawgyi_version ေခ်ာက္စည္ပင္ လုပ္ငန္းတင္ဒါေ႐ြးခ်ယ္မႈ ေက်နပ္မႈ မရွိသျဖင့္ ျပန္လည္ျပဳလုပ္ မေကြးတိုင္း၊ ေခ်ာက္ၿမိဳ႕စည္ပင္သာယာေရးအဖြဲ႕က ကားႀကီးကြင္းသစ္ ေျမေနရာ ျပဳျပင္ျခင္းလုပ္ငန္းအတြက္ တင္ဒါေလလံ ေခၚဆိုမႈမွာ ေက်နပ္မႈမရွိေၾကာင္း တိုင္ၾကားမႈေၾကာင့္ တိုင္းစည္ပင္သာယာေရး ဝန္ႀကီး ဦးေဆာင္ႀကီးၾကပ္ၿပီး ဒီကေန႔ မနက္ပိုင္းက ဒုတိယအႀကိမ္ ျပန္လည္ျပဳလုပ္ခဲ့ရပါတယ္။ မေကြးတိုင္း စီမံကိန္း၊ ဘ႑ာေရးႏွင့္ စည္ပင္သာယာေရးဝန္ႀကီး ဦးေဇာ္မင္းက “ဒီမွာ ေလလံပစ္တဲ့ဟာ တရားမွ်တမႈေတြ မရွိပါဘူး။ အမွတ္ေပးတာေတြက မမွန္မကန္ ျဖစ္ပါတယ္။ က်ေနာ့္ဆီကို လာတိုင္တယ္။ က်ေနာ္ ဒီကလူေတြ မေခၚဘဲနဲ႔ (တင္ဒါ) အထုတ္ေတြ အကုန္ယူၿပီးေတာ့ က်ေနာ္တို႔ တိုင္း႐ုံးမွာ တိုင္းစည္ပင္အင္ဂ်င္နီယာ၊ အျခား အင္ဂ်င္နီဟာေတြနဲ႔ ေတြ႕ၿပီး တိုင္ပင္ေဆြးေႏြးမႈ ျပဳလုပ္ၿပီးေတာ့ ျပန္လည္သုံးသပ္မႈ ျပဳလုပ္ၿပီးမွ ျပန္လာတာ ျဖစ္ပါတယ္။ လာၿပီးနည္းနည္းေလး ဦးေဆာင္ႀကီးၾကပ္ေပးမယ္။ ဒီေန႔ တင္ဒါကို ထိေရာက္ အဆုံးသတ္လို႔ ရေအာင္ ျပဳလုပ္တာျဖစ္ပါတယ္” လို႔ ေျပာပါတယ္။ လုပ္ငန္းတင္ဒါ ေခၚဆိုရာမွာ နည္းပညာရမွတ္နဲ႔ ေစ်းႏႈန္းရမွတ္ ႏွစ္ခုေပါင္း ရမွတ္တို႔နဲ႔ ေ႐ြးခ်ယ္ ဆုံးျဖတ္ခ်က္ ျပဳလုပ္ခဲ့ၿပီး ကုမၸဏီေတြက တင္ျပတဲ့ လုပ္ငန္းတင္ဒါေတြနဲ႔ ေ႐ြးခ်ယ္မႈက ရရွိတဲ့ ရမွတ္ေတြကို မေကြးတိုင္းအစိုးရအဖြဲ႔ဆီကို ဆက္လက္တင္ျပေပးသြားမယ္လို႔ သိရပါတယ္။ ကားႀကီးကြင္းသစ္ တည္ေဆာက္ဖို႔အတြက္ အမွတ္ ၁၀ ေအးေစတီရပ္ကြက္ အေရွ႕ေတာင္ဘက္ရွိ ကြင္းအမွတ္ ၂၂၉၂ ကြင္း၊ ကြၽန္းဘိုပင္ကြင္းကို ကားႀကီးကြင္းေျမေနရာအျဖစ္ ေ႐ြးခ်ယ္ခဲ့ၿပီး ေျမေနရာ ျပဳျပင္တာနဲ႔ အဝင္အထြက္လမ္း ေျမေတြ ေျမျပဳျပင္ဖို႔အတြက္ လုပ္ငန္းတင္ဒါ ေလလံေခၚဆိုတာ ျဖစ္ပါတယ္။ ၾသဂုတ္ ၁၅ ရက္ေန႔က ကုမၸဏီ ၉ ခုရဲ႕ တင္ဒါေလွ်ာက္ထားမႈေတြကို လက္ခံစစ္ေဆးခဲ့ၿပီး ကုမၸဏီ ၄ ခုမွာ နည္းပညာသတ္မွတ္ခ်က္ အားနည္းတာေၾကာင့္ တင္ဒါေခၚဆိုမႈမွာ နည္းပညာအမွတ္ ရရွိတဲ့ ကုမၸဏီ ၅ ခုရဲ႕ ေဈးႏႈန္း လုပ္ငန္းတင္ဒါေတြကိုသာ ေ႐ြးခ်ယ္ခဲ့တယ္လို႔ ေခ်ာက္ၿမိဳ႕စည္ပင္သာယာေရးအဖြဲ႕က သိရပါတယ္။ စည္ပင္သာယာေရးေကာ္မတီ လူမႈစီးပြားကိုယ္စားလွယ္ ဦးလွမင္းက “ပထမအႀကိမ္ ျပဳလုပ္ခဲ့တဲ့ တင္ဒါဖြင့္ပြဲမွာ လုပ္ငန္းကုမၸဏီ ၉ ခု ပါဝင္ယွဥ္ၿပိဳင္ခဲ့ၿပီး အျမင့္ဆုံး ၾကမ္းခင္းေဈး က်ပ္သိန္း ၇၈၀၊ အႏွိပ္ဆုံး ၾကမ္းခင္းေစ်း က်ပ္သိန္း ၇၀၀ သတ္မွတ္ထားရွိရာ ေစ်းႏႈန္းရမွတ္ အျမင့္ဆုံးေပးထားတဲ့ ကုမၸဏီက အဆိုျပဳ ၾကမ္းခင္းေစ်းျဖစ္ေနၿပီး အဲဒီ ကုမၸဏီက ေစ်းႏႈန္းရမွတ္ တြက္ခ်က္နည္းမွာ သုညအမွတ္ ရရွိေၾကာင္း၊ အျခားကုမၸဏီ ၄ ခုမွာ ေအာက္ဆုံးၾကမ္းခင္းေစ်း မမီတဲ့အတြက္ နည္းပညာေအာင္ျမင္ေသာ ကုမၸဏီ ၅ ခုလုံး တင္ဒါ မေအာင္ျမင္ေၾကာင္း တင္ျပေနအခ်ိန္မွာ ကုမၸဏီေတြ တိုင္တန္းတာေၾကာင့္ စည္ပင္ဝန္ႀကီးက ဦးေဆာင္ႀကီးၾကပ္မႈ ျပဳလုပ္ၿပီး ဒုတိယအႀကိမ္ တင္ဒါျပန္လည္ ေရာင္းခ်တာ” လို႔ ေျပာပါတယ္။ ကိုလင္း(ေခ်ာက္)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up