Live
Home
မြန်မာသတင်း
မုံရွာတွင် ကျင်းပသည့် ၄ ပွင့်ဆိုင်တွေ့ဆုံပွဲ လူစိတ်ဝင်စားမှု နည်းပါး
Aung Ko Latt
·
August 13, 2019
စစ်ကိုင်းတိုင်းအစိုးရအဖွဲ့၊ တိုင်းအန်အယ်ဒီပါတီ တာဝန်ရှိသူတွေ၊ ဒေသခံ လွှတ်တော်ကိုယ်စားလှယ်တွေနဲ့ မုံရွာမြို့ခံ ပြည်သူလူထုတို့ လေးပွင့်ဆိုင် တွေ့ဆုံပွဲကို အစိုးရ သက်တမ်းအတွင်း ပထမဆုံးအကြိမ်အဖြစ် ဒီနေ့ ကျင်းပခဲ့ပါတယ်။ ဒီတွေ့ဆုံပွဲကို လူဦးရေ ၁၀၀၀ ဝန်းကျင် တက်ရောက်နိုင်အောင် စီစဉ်ခဲ့ပေမယ့် ၁၇၀ ဝန်းကျင်ခန့်သာ တက်ရောက်ခဲ့ကြပါတယ်။ တွေ့ဆုံပွဲနဲ့ပတ်သက်ပြီး စစ်ကိုင်းတိုင်း ဝန်ကြီးချုပ် ဒေါက်တာမြင့်နိုင်က "ပြည်သူတွေနဲ့ ထိတွေ့ပြီးတော့ ပြည်သူ တင်မြှောက်တဲ့အစိုးရ ဖြစ်တဲ့အတွက် ပြည်သူကို ဗဟိုပြုပြီးတော့ လာခြင်း ဖြစ်ပါတယ်။ ကျနော်တို့ဟာ ရွေးကောက်ပွဲနဲ့ ဝေးနေတာကြာပါပြီ။ ဒီလိုလုပ်ရကောင်းမှန်းလည်း ကျနော် ကောင်းကောင်း မသိသေးပါဘူး။ ကျနော်တို့ခေါင်းဆောင် ဒေါ်အောင်ဆန်းစုကြည်က ထိတွေ့ပါဆိုလို့ သူ့ရဲ့ ညွှန်ကြားချက်အရ ထိတွေ့တာပါ။ ကျနော် ရောက်လေရာ အထက်ပိုင်းမှာ ထိတွေ့ပြီးပါပြီ။ အခုကြည့်ပါ။ ကျနော် လာတုန်းက လူများတယ်။ အခု မရှိကြတော့ဘူး။ ပြီးသွားတာနဲ့ ပြန်သွားကြတယ်။ ဒါတွေဟာ တာဝန်ခံမှု၊ တာဝန်ယူမှုနဲ့အတူ လုပ်ချင်ပါတယ်"လို့ ပြောပါတယ်။ တွေ့ဆုံပွဲကို တက်ရောက်လာတဲ့ ဒေသခံပြည်သူတွေအထဲက ၁၀ ယောက်ကျော်က သိလို မေးလိုတာတွေကို မေးမြန်းခဲ့ကြပြီး တချို့က မေးခွင့်မရတာတွေလည်း ရှိခဲ့သလို မေးသမျှ ပြန်လည်မဖြေကြားတာတွေလည်း ရှိခဲ့ပါတယ်။ တချို့ကတော့ အခုလို တွေ့ဆုံပွဲတွေကို သက်တမ်းကုန်ခါနီးမှ လုပ်လာတဲ့အပေါ်မှာ အားမလိုအားမရတာတွေလည်းရှိပြီး ကျန်သေးတဲ့ သက်တမ်းမှာ မကြာခဏတွေ့ဆုံပြီး ပြည်သူ့အသံကို နားထောင်ပေးစေချင်တယ်လို့လည်း ပြောဆိုခဲ့ပါတယ်။ ဒီလိုဖြစ်ရတာက တာဝန်ယူမှု၊ တာဝန်ခံမှုမရှိတာ၊ စီစဉ်မှု ညံ့ဖျင်းတာနဲ့ ပါတီပါလာတာတွေကြောင့် ဖြစ်တယ်လို့ မုံရွာမြို့ခံ နိုင်ငံရေးလေ့လာသုံးသပ်သူတွေက ပြောပါတယ်။ Helper for Perfect Democracy (HPD) အဖွဲ့ဦးဆောင်သူ ဦးစိုးဝင်းဆွေက "အဓိကကတော့ အစိုးရအဖွဲ့အနေနဲ့ တာဝန်ယူမှု တာဝန်ခံမှု နည်းတယ်လို့ ထင်တယ်။ ပြည်သူတွေ တင်ပြတာကို နားထောင်ရုံပဲ နားထောင်ပြီး အရေးယူ ဖြေရှင်းပေးမှုအပိုင်းကျတော့ နည်းတယ်။ ဆိုတော့ သွားလည်း မထူးပါဘူးကွာဆိုတဲ့ အမြင်တွေဖြစ်ပြီး မသွားကြတာ။ နောက်တချက်က လေးပွင့်ဆိုင်တွေ့ဆုံပွဲဆိုပြီး ပါတီနဲ့တွဲလုပ်တာ။ ပါတီကြိုက်တဲ့သူ ရှိတယ်။ မကြိုက်တဲ့သူ ရှိတယ်။ ရွေးကောက်ပွဲ နီးလာလို့ လုပ်တာပါ။ လူထုအတွက် လုပ်တာ မဟုတ်ပါဘူး ဆိုတဲ့ အမြင်တွေလည်း ရှိတယ်။ အဲဒါကြောင့် စိတ်ဝင်စားမှု နည်းတာလို့ ထင်ပါတယ်။ ကျနော်လည်း အစိုးရကို မေးချင်တာတွေရှိတယ်။ ဒါပေမဲ့ အခုနကပြောသလို ပါတီနဲ့ တွဲလုပ်တာကို သဘောမကျဘူး" လို့ ပြောပါတယ်။ လူထု တွေ့ဆုံပွဲကို မုံရွာမြို့နယ်မှာ ၂ ရက်ခွဲပြီး နေရာ ၄ နေရာမှာ ပြုလုပ်နေတာပါ။ မြို့ပေါ်မှာ ပြုလုပ်တဲ့ပွဲအတွက်လည်း ရပ်ကွက်တချို့မှာ အသံချဲ့စက်နဲ့ ကြိုတင်ကာ ရပ်ကွက်အတွင်း လှည့်လည်ကြေညာပေးခဲ့ပါသေးတယ်။ ဒါပေမဲ့လူစိတ်ဝင်စားမှုမှာတော့ ထင်သလောက်မများခဲ့ပါဘူး။ အမျိုးသားဒီမိုကရေစီအဖွဲ့ချုပ်ပါတီဝင် ဦးနေဦးကလည်း "အစိုးရနဲ့ အမတ်တွေက လူထုကို တွေ့ဆုံချင်တာ ဖြစ်တယ်။ အဲဒါကို ပါတီက ဦးဆောင်လုပ်တဲ့အပေါ်မှာလည်း လူစိတ်ဝင်စားမှု နည်းတယ်။ နောက်တချက်က ဦးဆောင်ကျင်းပတဲ့ အဖွဲ့အစည်းရဲ့ စီစဉ်ပုံတွေ ညံ့ဖျင်းတာလည်း ပါပါတယ်။ နောက်တချက်က အားလုံး ပြောနေကြတဲ့အတိုင်းပဲ ပြောသာပြော အော်သာအော် လုပ်ပေးတာက နည်းတယ်လေ။ တိုင်းရဲ့ လုပ်ပိုင်ခွင့်ကန့်သတ်ထားတဲ့အတွက် လုပ်ပေးနိုင်တာကိုပဲ အာမခံစေချင်တယ်။ ဟိုလူ မှတ်ထား၊ ဒီလူ မှတ်ထားဆိုပြီး ဘာမှဖြစ်မလာတာတွေက များလာတဲ့အချိန်မှာ လူထုရဲ့ စိတ်ဝင်စားမှုကလည်း နည်းသွားတာ"လို့ ပြောပါတယ်။ အခုလို တွေ့ဆုံပွဲတွေကို မုံရွာပြီးရင် ရွှေဘို၊ စစ်ကိုင်း စတဲ့မြို့ကြီးတွေမှာလည်း လုပ်ဆောင်သွားဖို့ အစီအစဉ် ရှိပါတယ်။ ~~~~~~~~~~~~~~~~~~~~~~~~~~~~~~~~~~~~~~~~~~~ Zawgyi_version မုံ႐ြာတြင္ က်င္းပသည့္ ၄ ပြင့္ဆိုင္ေတြ႕ဆုံပြဲ လူစိတ္ဝင္စားမႈ နည္းပါး စစ္ကိုင္းတိုင္းအစိုးရအဖြဲ႕၊ တိုင္းအန္အယ္ဒီပါတီ တာဝန္ရွိသူေတြ၊ ေဒသခံ လႊတ္ေတာ္ကိုယ္စားလွယ္ေတြနဲ႔ မုံ႐ြာၿမိဳ႕ခံ ျပည္သူလူထုတို႔ ေလးပြင့္ဆိုင္ ေတြ႕ဆုံပြဲကို အစိုးရ သက္တမ္းအတြင္း ပထမဆုံးအႀကိမ္အျဖစ္ ဒီေန႔ က်င္းပခဲ့ပါတယ္။ ဒီေတြ႕ဆုံပြဲကို လူဦးေရ ၁၀၀၀ ဝန္းက်င္ တက္ေရာက္ႏိုင္ေအာင္ စီစဥ္ခဲ့ေပမယ့္ ၁၇၀ ဝန္းက်င္ခန႔္သာ တက္ေရာက္ခဲ့ၾကပါတယ္။ ေတြ့ဆုံပြဲနဲ႔ပတ္သက္ၿပီး စစ္ကိုင္းတိုင္း ဝန္ႀကီးခ်ဳပ္ ေဒါက္တာျမင့္ႏိုင္က "ျပည္သူေတြနဲ႔ ထိေတြ႕ၿပီးေတာ့ ျပည္သူ တင္ေျမႇာက္တဲ့အစိုးရ ျဖစ္တဲ့အတြက္ ျပည္သူကို ဗဟိုျပဳၿပီးေတာ့ လာျခင္း ျဖစ္ပါတယ္။ က်ေနာ္တို႔ဟာ ေ႐ြးေကာက္ပြဲနဲ႔ ေဝးေနတာၾကာပါၿပီ။ ဒီလိုလုပ္ရေကာင္းမွန္းလည္း က်ေနာ္ ေကာင္းေကာင္း မသိေသးပါဘူး။ က်ေနာ္တို႔ေခါင္းေဆာင္ ေဒၚေအာင္ဆန္းစုၾကည္က ထိေတြ႕ပါဆိုလို႔ သူ႔ရဲ႕ ၫႊန္ၾကားခ်က္အရ ထိေတြ႕တာပါ။ က်ေနာ္ ေရာက္ေလရာ အထက္ပိုင္းမွာ ထိေတြ႕ၿပီးပါၿပီ။ အခုၾကည့္ပါ။ က်ေနာ္ လာတုန္းက လူမ်ားတယ္။ အခု မရွိၾကေတာ့ဘူး။ ၿပီးသြားတာနဲ႔ ျပန္သြားၾကတယ္။ ဒါေတြဟာ တာဝန္ခံမႈ၊ တာဝန္ယူမႈနဲ႔အတူ လုပ္ခ်င္ပါတယ္"လို႔ ေျပာပါတယ္။ ေတြ႕ဆုံပြဲကို တက္ေရာက္လာတဲ့ ေဒသခံျပည္သူေတြအထဲက ၁၀ ေယာက္ေက်ာ္က သိလို ေမးလိုတာေတြကို ေမးျမန္းခဲ့ၾကၿပီး တခ်ိဳ႕က ေမးခြင့္မရတာေတြလည္း ရွိခဲ့သလို ေမးသမွ် ျပန္လည္မေျဖၾကားတာေတြလည္း ရွိခဲ့ပါတယ္။ တခ်ိဳ႕ကေတာ့ အခုလို ေတြ႕ဆုံပြဲေတြကို သက္တမ္းကုန္ခါနီးမွ လုပ္လာတဲ့အေပၚမွာ အားမလိုအားမရတာေတြလည္းရွိၿပီး က်န္ေသးတဲ့ သက္တမ္းမွာ မၾကာခဏေတြ႕ဆုံၿပီး ျပည္သူ႔အသံကို နားေထာင္ေပးေစခ်င္တယ္လို႔လည္း ေျပာဆိုခဲ့ပါတယ္။ ဒီလိုျဖစ္ရတာက တာဝန္ယူမႈ၊ တာဝန္ခံမႈမရွိတာ၊ စီစဥ္မႈ ညံ့ဖ်င္းတာနဲ႔ ပါတီပါလာတာေတြေၾကာင့္ ျဖစ္တယ္လို႔ မုံ႐ြာၿမိဳ႕ခံ ႏိုင္ငံေရးေလ့လာသုံးသပ္သူေတြက ေျပာပါတယ္။ Helper for Perfect Democracy (HPD) အဖြဲ႕ဦးေဆာင္သူ ဦးစိုးဝင္းေဆြက "အဓိကကေတာ့ အစိုးရအဖြဲ႕အေနနဲ႔ တာဝန္ယူမႈ တာဝန္ခံမႈ နည္းတယ္လို႔ ထင္တယ္။ ျပည္သူေတြ တင္ျပတာကို နားေထာင္႐ုံပဲ နားေထာင္ၿပီး အေရးယူ ေျဖရွင္းေပးမႈအပိုင္းက်ေတာ့ နည္းတယ္။ ဆိုေတာ့ သြားလည္း မထူးပါဘူးကြာဆိုတဲ့ အျမင္ေတြျဖစ္ၿပီး မသြားၾကတာ။ ေနာက္တခ်က္က ေလးပြင့္ဆိုင္ေတြ႕ဆုံပြဲဆိုၿပီး ပါတီနဲ႔တြဲလုပ္တာ။ ပါတီႀကိဳက္တဲ့သူ ရွိတယ္။ မႀကိဳက္တဲ့သူ ရွိတယ္။ ေ႐ြးေကာက္ပြဲ နီးလာလို႔ လုပ္တာပါ။ လူထုအတြက္ လုပ္တာ မဟုတ္ပါဘူး ဆိုတဲ့ အျမင္ေတြလည္း ရွိတယ္။ အဲဒါေၾကာင့္ စိတ္ဝင္စားမႈ နည္းတာလို႔ ထင္ပါတယ္။ က်ေနာ္လည္း အစိုးရကို ေမးခ်င္တာေတြရွိတယ္။ ဒါေပမဲ့ အခုနကေျပာသလို ပါတီနဲ႔ တြဲလုပ္တာကို သေဘာမက်ဘူး" လို႔ ေျပာပါတယ္။ လူထု ေတြ႕ဆုံပြဲကို မုံ႐ြာၿမိဳ႕နယ္မွာ ၂ ရက္ခြဲၿပီး ေနရာ ၄ ေနရာမွာ ျပဳလုပ္ေနတာပါ။ ၿမိဳ႕ေပၚမွာ ျပဳလုပ္တဲ့ပြဲအတြက္လည္း ရပ္ကြက္တခ်ိဳ႕မွာ အသံခ်ဲ႕စက္နဲ႔ ႀကိဳတင္ကာ ရပ္ကြက္အတြင္း လွည့္လည္ေၾကညာေပးခဲ့ပါေသးတယ္။ ဒါေပမဲ့လူစိတ္ဝင္စားမႈမွာေတာ့ ထင္သေလာက္မမ်ားခဲ့ပါဘူး။ အမ်ိဳးသားဒီမိုကေရစီအဖြဲ႕ခ်ဳပ္ပါတီဝင္ ဦးေနဦးကလည္း "အစိုးရနဲ႔ အမတ္ေတြက လူထုကို ေတြ႕ဆုံခ်င္တာ ျဖစ္တယ္။ အဲဒါကို ပါတီက ဦးေဆာင္လုပ္တဲ့အေပၚမွာလည္း လူစိတ္ဝင္စားမႈ နည္းတယ္။ ေနာက္တခ်က္က ဦးေဆာင္က်င္းပတဲ့ အဖြဲ႕အစည္းရဲ႕ စီစဥ္ပုံေတြ ညံ့ဖ်င္းတာလည္း ပါပါတယ္။ ေနာက္တခ်က္က အားလုံး ေျပာေနၾကတဲ့အတိုင္းပဲ ေျပာသာေျပာ ေအာ္သာေအာ္ လုပ္ေပးတာက နည္းတယ္ေလ။ တိုင္းရဲ႕ လုပ္ပိုင္ခြင့္ကန႔္သတ္ထားတဲ့အတြက္ လုပ္ေပးႏိုင္တာကိုပဲ အာမခံေစခ်င္တယ္။ ဟိုလူ မွတ္ထား၊ ဒီလူ မွတ္ထားဆိုၿပီး ဘာမွျဖစ္မလာတာေတြက မ်ားလာတဲ့အခ်ိန္မွာ လူထုရဲ႕ စိတ္ဝင္စားမႈကလည္း နည္းသြားတာ"လို႔ ေျပာပါတယ္။ အခုလို ေတြ႕ဆုံပြဲေတြကို မုံ႐ြာၿပီးရင္ ေ႐ႊဘို၊ စစ္ကိုင္း စတဲ့ၿမိဳ႕ႀကီးေတြမွာလည္း လုပ္ေဆာင္သြားဖို႔ အစီအစဥ္ ရွိပါတယ္။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024