မုဒိမ်းမှုနှင့် ကင်းလွတ်ခွင့် အတွေးအမြင် (သို့မဟုတ်) တာဝန်ယူတတ်သော လူ့အဖွဲ့အစည်း

မင်္ဂလာနံနက်ခင်းပါလို့ မခံစားရလေအောင် အိပ်ရာကနိုးတာနဲ့ ပထမဆုံး ကြားသိရတဲ့ သတင်းတွေထဲမှာ “မုဒိမ်းမှု” ဆိုတာ မပါတဲ့မနက်ခင်း မရှိသလောက်ဖြစ်နေတဲ့ မြန်မာ့လူ့အသိုင်းအဝိုင်းဟာ မုဒိမ်းမှုကို ယဉ်ပါးလာပြီလို့ ဆိုနိုင်ပါတယ်ု မြန်မာနိုင်ငံရဲတပ်ဖွဲ့က ထုတ်ပြန်ထားတဲ့ ပြစ်မှုဆိုင်ရာ ကိန်းဂဏန်းကိုကြည့်ရင် ၂၀၁၇ ခုနှစ်မှာ မုဒိမ်းမပေါင်း (၁၄၀၅) မှုရှိခဲ့ပြီး ၂၀၁၈ ခုနှစ်မှာ (၁၅၈၃) မှုအထိ တိုးမြင့်လာခဲ့ပါတယ်။ ဒါဟာ ရဲစခန်းအထိ မရောက်ရှိခဲ့တဲ့ အဖြစ်အပျက်တွေ မပါဝင်သေးဘူးလို့ ဆိုရမှာပါ။ ပြီးခဲ့တဲ့ မေလလယ်မှာ နေပြည်တော်က Wisdom Hill မူကြိုကျောင်းမှာ ဖြစ်ပွားခဲ့တဲ့ အသက် (၃) နှစ် မပြည့်သေးတဲ့ သမီးငယ် ဗစ်တိုးရီးယား မုဒိမ်းမှု ကျူးလွန်ခံရမှုအပြီး ဇွန်လလယ်လောက်မှာ ရန်ကုန်တိုင်း၊ မြောက်ဥက္ကလာမြို့နယ်၊ ရွှေပေါက်ကံက အသက် (၁) နှစ် (၈) လအရွယ် သမီးငယ် Grace ရဲ့အမှု ထပ်ဖြစ်ခဲ့ပါတယ်။ တခါ အခု ဇူလိုင်လ ပထမပတ်မှာပဲ ဧရာဝတီတိုင်းမှာ အသက် (၁၄) နှစ်အရွယ် မိန်းကလေးကို ပထွေးနဲ့ ခဲအိုက ကျူးလွန်တဲ့ မုဒိမ်းမှုနဲ့ မအူပင်မြို့က အသက် (၅) နှစ်အရွယ် KG ကျောင်းသူ သမီးငယ်လေးကို ကျူးလွန်တဲ့ မုဒိမ်းမှုတွေ ဆက်တိုက်ဆိုသလို ထွက်ပေါ်လာခဲ့ပါတယ်။ ဒီလို သက်ငယ်မုဒိမ်းမှုတွေ ခပ်စိပ်စိပ် တိုးပွားဖြစ်ပေါ်လာချိန်မှာ လျော့ရဲနေတဲ့ မြန်မာနိုင်ငံရဲ့ တရားရေးစနစ်ကို မေးခွန်းထုတ်မှုတွေ ပိုမိုမြင့်မားလာတာနဲ့အတူ ထက်ကြပ်မကွာ လိုက်လာတဲ့  မရိုးနိုင်တဲ့ ကောက်ချက်ဟောင်းကြီးကတော့ မုဒိမ်းမှုဆိုတာ “အမျိုးသမီးတွေရဲ့ ဝတ်စားဆင်ယင်မှု” ကြောင့် ဖြစ်ရတယ်ဆိုတဲ့ ကောက်ချက်ပါပဲ။ ဒီကောက်ချက်ဟာ လူတန်းစား အလွှာအသီးသီးမှာရှိတဲ့ အမျိုးသား (ယောက်ျားများ) အများစုဆီက မုဒိမ်းမှုတခု ဖြစ်ပေါ်လာတိုင်း မရိုးနိုင်အောင် အဖန်တလဲလဲ ထွက်ပေါ်လာတဲ့ လွဲမှားတဲ ကောက်ချက်ဟောင်းကြီး ဖြစ်ပါတယ်။ “အဖော်အချွတ်မယ်တွေကြောင့်ပေါ့… တော်တော်များများ အဖော်ချွတ်တွေပြကြတော့ ယောက်ျားလေးတွေက ထ,လာကြတာပေါ့လေ..စိတ်။ ကျေန်ာကတော့ မကျွေးဘဲနဲ့ မပြပါနဲ့လို့ ပြောချင်ပါတယ်။ တခြားပြဿနာတွေ ဖြစ်ကုန်မယ်။” ဒါကတော့ ဇူလိုင်လ (၉) ရက်နေ့က Myanmar Celebrity TV ရဲ့ အင်တာဗျူးတခုမှာ သရုပ်ဆောင် အမျိုးသားတဦးက မုဒိမ်းမှုဖြစ်ရတာနဲ့ ပတ်သက်ပြီး ဖြေကြားခဲ့တာ ဖြစ်ပါတယ်။ သူ့ဘေးနားမှာ ရပ်နေတဲ့ အခြားအမျိုးသားနှစ်ဦးကလည်း ဒီအဖြေအပေါ် တော်တော်လေး သဘောကျဟန်နဲ့ ရယ်(ရီ) နေခဲ့ကြပါတယ်။ “အမျိုးသမီးတွေရဲ့ ဝတ်စားဆင်ယင်မှုတွေကြောင့် မုဒိမ်းမှု ပိုများလာတာ” ဆိုတဲ့ ကောက်ချက်ဆွဲမှုကို ဒီသရုပ်ဆောင်တဦးတည်းက လုပ်နေတာတော့ မဟုတ်ပါဘူး။ မြန်မာ့လူ့အသိုင်းအဝိုင်းရု့ လူတန်းစား အလွှာအသီးသီးမှာ ဒီယုံကြည်မှုတွေ စိမ့်ဝင် အမြစ်တွယ်နေတယ်လို့ ပြောရပါမယ်။ ဒီကောက်ချက်ဆွဲမှုကို လူ့ကျင့်ဝတ်စည်းမျဉ်းအရ အထပ်ထပ်အခါခါ ပြန်လည်သုံးသပ်ရမှာဖြစ်ပြီး ဒီကောက်ချက်ဟာ တဖက်မှာ မုဒိမ်းမှုတွေ ဖြစ်ပေါ်လာအောင် အားပေးနေတဲ့ အန္တရာယ်အကြီးဆုံးနဲ့ သက်ရောက်မှုအကြီးဆုံးသော အဓိက အထောက်အကူ ဖြစ်နေတယ်ဆိုတာ သတိပြုဖို့ လိုအပ်လာပါတယ်။ ဒီကောက်ချက်ဟာ ယောက်ျားတယောက် စိတ်ထ,လာတဲ့အခါ ဘာကြောင့်ပဲ စိတ်ထ,ထ၊ ဘယ်အချိန်ပဲ စိတ်ထ,ထ၊ ဘယ်သူ့ကိုမဆို၊ ဘယ်အရွယ်ကိုမဆို အသိတရားမဲ့ ကျူးလွန်ခွင့်ရှိတယ်၊ ဒါမှမဟုတ် ဒီလိုကျူးလွန်တာဟာ “သူတို့အမှားမဟုတ်ဘူး” လို့ သွယ်ဝိုက်ပြီး ပြောလိုက်တာပါ။ ဒီသဘောတရားက မုဒိမ်းတရားခံဟာ ကျူးလွန်သူမဟုတ်ဘဲ လျှပ်ပေါ်လော်လီ ဝတ်စားတဲ့ အမျိုးသမီးတွေသာ တရားခံဖြစ်တယ်လို့ ဆိုလိုတာပါ။ တနည်းအားဖြင့် မုဒိမ်းသမားတွေဘက်ကနေ လုံးလုံး အကာအကွယ် ပေးလိုက်တာလည်း ဖြစ်ပါတယ်။ ဒီအတွေး ဒီအမြင်ဟာ မုဒိမ်းသမားတွေကို ရွံမုန်းစရာ တရားခံဘဝကနေ ဒီလို ကျူးလွန်မိအောင် တွန်းပို့ခံလိုက်ရတဲ့ သနားစရာ သားကောင်တွေအဖြစ် အသွင်ပြောင်းပေးတဲ့ အတွေးအမြင်သာ ဖြစ်ပါတယ်။ ဒီအတွေးအမြင်ဟာ သားယောက်ျားလေး မွေးဖွားစဉ်ကတည်းက “ယောက်ျားပဲ ဒီလောက်တော့ရှိမှာပေါ့” “ယောက်ျားကတော့ စားမှာပေါ့” ဆိုတဲ့ အားပေးမှုတွေ၊ “ဂန်ဒူးတော့ မဖြစ်စေရဘူး၊ နှာဘူးပဲ အဖြစ်ခံလိုက်မယ်” ဆိုတဲ့ လိင်ပိုင်းဆိုင်ရာ ခံစားမှုနဲ့ ပတ်သက်ပြီး ယောက်ျားတွေကို အတားအဆီးမဲ့၊ တာဝန်မဲ့၊ လွတ်လပ်ခွင့်ပေးထားတဲ့ လူမှုအသိုင်းအဝိုင်းကြောင့်လို့ လက်ညှိုးထိုးရပါတော့မယ်။ လူမှန်းသိတတ်စ အရွယ်ကတည်းက သမီးမိန်းကလေးတွေကို သူတို့မျိုးပွားအင်္ဂါနဲ့ ပတ်သက်ပြီး ဘယ်လိုနေ၊ ဘယ်လိုထိုင်ဆိုပြီး လိင်ကိစ္စကို ဘာဆိုဘာမှန်း မသိတတ်သေးတဲ့ လူမမယ် အရွယ်မှာတင် ဘောင်းဘီတွေ၊ စကတ်တွေကို လုံအောင်ဖုံးခိုင်း၊ တာဝန်ယူခိုင်းနေတဲ့ အချိန်မှာ သားယောက်ျားလေးတွေကိုတော့ လူမမယ် အရွယ်ကတည်းက ကိုယ့်အင်္ဂါကိုယ်ကိုင်ပြီး ဂုဏ်ယူစရာပစ္စည်း၊ အနိုင်ယူစရာ ပစ္စည်းတခုအနေနဲ့ ထုတ်ပြစရာ လုပ်ခဲ့ကြတယ်။ အရွယ်ရောက်လာတာနဲ့အမျှ လိင်ကိစ္စနဲ့ပတ်သက်ရင် သူတို့တာဝန် သူတို့ယူတတ်ဖို့ နားလည်အောင် လုပ်ရမယ့်အစား “ယောက်ျားလေးပဲ ဒီလောက်တော့ရှိမှာပေါ့” ဆိုတဲ့ ကင်းလွတ်ခွင့်တွေကို အမျိုးသမီးတွေ အပါအဝင် လူ့အဝန်းအဝိုင်းကြီး တခုလုံးက သားယောက်ျားလေးတွေကို ပေးအပ်ခဲ့တဲ့ ဆုလာဘ်တွေကနေ နောက်ဆုံးမှာတော့ မုဒိမ်းသမားတွေကို အကာအကွယ်ပေးတဲ့ အတွေးအမြင်တွေ အခုလို ပေါက်ဖွားလာတာပဲ ဖြစ်ပါတယ်။ အမျိုးသားတယောက်ဟာ ဘယ်အရာကိုပဲမြင်မြင်၊ ဘာကြောင့်ပဲ လိင်စိတ်ထထ၊ ဘယ်သူ့ကိုမှ ကိုယ်ထိလက်ရောက် ကျူးလွန်ဖို့၊ မုဒိမ်းကျင့်ပြီး အာသာဖြေဖို့ အခွင့်မရှိပါဘူး။ ဒါဟာ စံချိန်စံညွှန်းပြည့် လူ့ကျင့်ဝတ်ဖြစ်ပါတယ်။ သူ့ရဲ့ လိင်ကိစ္စဟာ သူ့တာဝန်သာ ဖြစ်ပါတယ်။ သူ့ကျူးလွန်မှုတွေအတွက် သူတာဝန်ခံရပါမယ်။ ဒီအချက်ကိုလည်း လူ့ကျင့်ဝတ်ကို စောင့်ထိန်းတဲ့ လူမှုအသိုင်းအဝိုင်းက လက်ခံရပါမယ်။ “မကျွေးရင် မပြပါနဲ့” ဆိုတဲ့ စကားအပေါ် ထောက်ပြရမယ်ဆိုရင် အနည်းဆုံးတော့ “ပြတယ်ဆိုတာ ကြည့်ဖို့” ပါပဲ။ ပြတာကို လိင်ပိုင်းဆိုင်ရာ ကျူးလွန်ခွင့် ပေးတယ်လို့ တွေးထင်ရင် ဒါဟာ ကိုယ်လိုရာဆွဲတွေးတဲ့ မုဒိမ်းအတွေးအခေါ်ပါ။ ပြလိုက်တာနဲ့ စားလို့ရမယ် (သို့မဟုတ်) ကျူးလွန်မယ်၊ ဒါဟာ ပြစ်ဒဏ်က ကင်းလွတ်ခွင့်ရှိတယ ဆိုတဲ့ မုဒိမ်းကျင့်ခွင့်လိုင်စင်ရတာ မဟုတ်ပါဘူး။ တကယ်က (အချို့) အမျိုးသားတွေအတွက် လိင်စိတ်ထကြွရတဲ့ အကြောင်းက အဖော်အချွတ်၊ မလုံ့တလုံတွေက အဓိကကျသလားဆိုတော့ မဟုတ်ပြန်ပါဘူး။ ထဘီဝတ်ထားပြီး အတွင်းခံဘောင်းဘီ အရာပေါ်ရင်တောင် (သို့မဟုတ်) ရင်အုံကြီးရင် (သို့မဟုတ်) တင်ကြီးရင် (သို့မဟုတ်) ဘာပဲပေါ်ပေါ်၊ ဘာပဲဖုံးထားဖုံးထား၊ အသားလှုပ်လည်းတမျိုး၊ ပြားချပ်ရင်လည်းတမျိုး၊ ဖောင်းကြွရင်တမျိုး၊ ဖောင်းဖောင်းပိန်ပိန်၊ ဖော်ဖော်ဖုံးဖုံး အကြောင်းအရာမျိုးစုံနဲ့ မမြင်ရင်လည်း မြင်အောင်ကြည့်ပြီး လိင်ပိုင်းဆိုင်ရာ နှုတ်အာသာဖြေစရာ၊ မျက်စိအာသာဖြေစရာ၊ စိတ်အာသာဖြေစရာ ဖြစ်နေရတာပါ။ ဒီနေရာမှာ ယောက်ျားချင်း မုဒိမ်းကျင့်တဲ့အမှုတွေ၊ ယောက်ျားငယ်လေးတွေကို မုဒိမ်းကျင့်တဲ့ ဖြစ်ရပ်တွေ ထည့်မပြောသေးပါဘူး။ ဒါကြောင့် မုဒိမ်းမှုဖြစ်ခြင်းမှာ သူတပါးရဲ့ ဝတ်စားဆင်ယင်မှုနဲ့ ဆွဲဆောင်မှုထက် ကျူးလွန်သူရဲ့ အကျင့်စာရိတ္တ၊ ကျူးလွန်သူရဲ့ စောင့်စည်းမှု၊ ကျူးလွန်သူရဲ့ သူ့ကိုယ်သူ တာဝန်ယူမှု ဆိုးရွားစွာ ပျက်ယွင်းခြင်းသာ အဓိကပါပဲ။ ဒီနေရာမှာ ထောက်ပြချင်တာက မုဒိမ်းမှုဖြစ်တာဟာ “ဝတ်စားဆင်ယင်မှု” ကြောင့်ပါလို့ မုဒိမ်းသမားတွေကို အကာအကွယ်ပေးတဲ့ အတွေးအမြင်မျိုး ရှိနေသရွေ့ ဒီလူ့အဖွဲ့အစည်းမှာ အမျိုးသမီးတွေအတွက်၊ ကလေးငယ်တွေအတွက်၊ မိသားစုတွေအတွက် လုံခြုံတဲ့ လူမှုအသိုင်းအဝိုင်းကို မဖန်တီးနိုင်ဘူး ဆိုတာကိုပါ။ ဒီအတွေးအခေါ်ဆိုးကြီး ရှိနေသရွေ့ သေချာပါတယ်၊ မုဒိမ်းမှုအတွက် တရားမျှတရေးကို တနိုင်ငံလုံး တောင်းဆိုလို့ အကောင်းဆုံး တရားဥပဒေကြီး ပေါ်လာပါစေဦး၊ မုဒိမ်းကောင်ကို အကာအကွယ်ပေးတဲ့ လူမှုအသိုင်းအဝိုင်းကြီး ရှိနေဦးမှာဖြစ်ပြီး အဲဒီတရားမျှတရေးကို တောင်းဆိုတဲ့ လူ့အသိုင်းအဝိုင်းကြီးထဲကပဲ မုဒိမ်းသမားတွေကို ထပ်တလဲလဲ မွေးထုတ်နေဦးမှာ ဖြစ်ပါတယ်။ ဗစ်တိုးရီးယားမဟုတ်တဲ့ နောက်ထပ် ကလေးငယ်လေးတွေလည်း အမည်ဝှက်အမျိုးမျိုးနဲ့ မုဒိမ်းသမားတွေရဲ့ သားကောင်တွေအဖြစ် ထပ်ပြီး ပေါ်လာဦးမှာဖြစ်ပါတယ်။ တရားမျှတရေး ဖော်ဆောင်ဖို့ ကြန့်ကြာနေတဲ့၊ လွဲမှားနေတဲ့ တရားရေးစနစ်ဟာ မြန်မာတနိုင်ငံလုံးကို မုဒိမ်းကျင့်နေတယ်လို့ ရှုမြင်ရင် မုဒိမ်းသမားတွေကို အကာအကွယ်ပေးနေတဲ့ “မကျွေးရင်မပြနဲ့” ဆိုတဲ့ အယူအဆဟာလည်း မုဒိမ်းသမားတွေကို မွေးထုတ်ပေးနေတယ်ဆိုတာ လက်ခံရပါမယ်။ ဒီနေရာမှာ သက်ငယ်မုဒိမ်းအတွက် တရားမျှတမှုရရှိဖို့ တရားဥပဒေမှာ တာဝန်ရှိတယ် ဆိုတာကို လက်ခံရင် ကျူးလွန်သူကို မျက်နှာသာပေးနေတဲ့ အမြင်အစွဲတွေ၊ ကျားမရေးရာ မညီမျှမှု၊ ကျားဦးစားပေး အတွေးအခါ် ဆုပ်ကိုင်ထားမှုတွေ ကြီးစိုးနေတဲ့ ဒီလူ့အသိုက်အဝန်းကြီးမှာလည်း မလျော့တဲ့ တာဝန်တွေ ရှိနေတယ်ဆိုတာ လက်ခံဖို့ လိုအပ်ပါတယ်။ တရားမျှတတဲ့ တရားဥပဒေတရပ် ပေါ်လာဖို့ လူမှုအသိုင်းအဝိုင်းကြီးက ပြောင်းလဲလို့ ရပါတယ်။ ဒါပေမယ့် ဒီ လူမှုအသိုင်းအဝိုင်းမှာ အသံတိတ် အသက်ဝင်နေတဲ့ မုဒိမ်းကျင့်ခွင့် အယူအဆတွေကို ပြောင်းလဲဖို့ကတော့ လူတဦးချင်းစီက တာဝန်ယူမှရမှာ ဖြစ်ပါတယ်။ ကိုယ့်ရဲ့သမီးတွေ၊ သားတွေ၊ ကိုယ့်ရဲ့မိသားစုတွေနဲ့ ကိုယ်ကျင်လည်တဲ့ ပတ်ဝန်းကျင်မှာ မုဒိမ်းမှုကြောင့် အလုပ်မဖြစ်သေးတဲ့ တရားရေးစနစ်ကို လက်ညှိုးထိုးနေကြသလို မုဒိမ်းမှုကို အားပေးနေတဲ့ လွဲမှားတဲ့ အယူအဆ၊ အတွေးအခေါ်တွေ လက်ဆင့်ကမ်း ဆွဲကိုင်လာကြသူတွေထဲမှာ ကိုယ်တိုင်ပါနေမလား ဆိုတာကိုလည်း ပြန်လည်စစ်ဆေးလို့ အမြန်ဆုံး ပြုပြင်ပြောင်းလဲခြင်းဟာ မုဒိမ်းမှုပပျောက်ရေး လမ်းစဖြစ်ကြောင်း တင်ပြလိုက်ရပါတယ်။ မယ်လွန်း (hiburma.net ဝက်ဘ်ဆိုက်မှ ပြန်လည်ဖော်ပြသည်။)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up