အလုပ်အကိုင်များ ဖန်တီးပေးမည်ဟု အင်ဒိုနီးရှား သမ္မတ ဂျိုကိုဝီဒိုဒို ကတိပြု

အင်ဒိုနီးရှားနိုင်ငံရဲ့ ဧပြီလ ရွေးကောက်ပွဲမှာ ပြန်ပြီးရွေးကောက်ခံခဲ့ရတဲ့ လက်ရှိသမ္မတ ဂျိုကိုဝီဒိုဒိုက ဒုတိယမြောက် သမ္မတသက်တမ်းအတွက် ကတိကဝတ်တွေကို ဇူလိုင် ၁၄ ရက်နေ့က လုထုစုဝေးပွဲမှာ ထုတ်ဖော် ပြောကြားခဲ့ပါတယ်။

ထောက်ခံသူတွေ ထောင်ချီတက်ရောက်လာတဲ့ လူထုစုဝေးပွဲမှာ သမ္မတ ဝီဒိုဒိုက အလုပ်အကိုင်တွေ ဖန်တီးပေးဖို့၊ နိုင်ငံတွင်း ရင်းနှီးမြှုပ်နှံမှု အခွင့်အလမ်းတွေ လမ်းဖွင့်ပေးသွားဖို့နဲ့ ဗျူရိုကရေစီစနစ်ကို ဖယ်ထုတ်သွားဖို့ ကတိပြုခဲ့ပါတယ်။

ဒါ့အပြင် နိုင်ငံတွင်း လူသားအရင်းအမြစ် တိုးတက်ရေး စီမံကိန်းတွေကိုလည်း အကောင်အထည် ဖော်သွားဖို့ သူက ဆက်ပြောခဲ့ပါတယ်။

အင်ဒိုနီးရှားဟာ အရှေ့တောင်အာရှမှာ စီးပွားရေး အင်အားအကြီးဆုံး နိုင်ငံပါ။ ဧပြီလ ရွေးကောက်ပွဲမှာ အနိုင်ရခဲ့တဲ့ သမ္မတ ဝီဒိုဒိုဟာ အောက်တိုဘာလကစပြီး ဒုတိယ သမ္မတသက်တမ်းကို စပြီးထမ်းဆောင်မှာ ဖြစ်ပါတယ်။