ဂျော်ဂျီယာနိုင်ငံအပေါ် စီးပွားရေးအရ ပိတ်ဆို့ဒဏ်ခတ်ဖို့ တိုက်တွန်းတဲ့ ရုရှားလွှတ်တော်ရဲ့ ဆုံးဖြတ်ချက်ကို မထောက်ခံဘူးလို့ ရုရှားသမ္မတ ဗလာဒီမီယာ ပူတင်က ဇူလိုင် ၉ ရက် ရုပ်သံမိန့်ခွန်းမှာ ပြောကြားလိုက်ပါတယ်။ ဂျော်ဂျီယာအပေါ် ပြင်းထန်တဲ့ အရေးယူပိတ်ဆို့မှုတွေ ချမှတ်ဖို့ အစိုးရကို တိုက်တွန်းရေး ဆုံးဖြတ်ချက်ကို အင်္ဂါနေ့က ရုရှားလွှတ်တော်မှာ တညီတညွတ်တည်း အတည်ပြုခဲ့ကြပါတယ်။ ရုရှားနဲ့ ဂျော်ဂျီယာ နှစ်နိုင်ငံအကြား ဆက်ဆံရေး ပြည့်ပြည့်ဝဝ ပြန်ကောင်းဖို့ ကြိုးစားနေတာကြောင့် နှစ်နိုင်ငံဆက်ဆံရေးကို ပိုရှုပ်ထွေးစေမယ့် ပိတ်ဆို့ဒဏ်ခတ်တာတွေ လုပ်မှာမဟုတ်ဘူးလို့ ပူတင်က ပြောခဲ့တာပါ။ ဇွန်လက ရုရှားအမတ်တယောက် ဂျော်ဂျီယာလွှတ်တော်ကို လာလည်ခဲ့အပြီး ဂျော်ဂျီယာမြို့တော် တီဘလီစီမှာ ရုရှားဆန့်ကျင်ရေး ဆန္ဒပြသူတွေကြောင့် မငြိမ်မသက် ဖြစ်ခဲ့တာပါ။ အဲဒီအတွက် ရုရှားနဲ့ ဂျော်ဂျီယာတို့ အပြန်အလှန် ဝေဖန်ပြစ်တင်ခဲ့ကြပါတယ်။ ဒါ့ကြောင့် ရုရှားသမ္မတ ပူတင်ကာ ဂျော်ဂျီယာနိုင်ငံကို ပျံသန်းမယ့် ရုရှားလေကြောင်းခရီးစဉ်တွေကို ဇူလိုင် ၈ ရက်နေ့က စတင်ရပ်ဆိုင်းလိုက်ပြီး ဂျော်ဂျီယာနိုင်ငံထဲမှာ ရှိပြီးသား ရုရှနိုင်ငံသားတွေကို ပြန်ခေါ်ဖို့လည်း ပူတင်က အစိုးရကို အမိန့်ထုတ်ထားပါတယ်။