ညောင်လေးပင်တွင် လေပြင်းကြောင့် နေအိမ် ၇၆ လုံး အမိုးလန်ပျက်စီး

ပဲခူးတိုင်းဒေသကြီး၊ ညောင်လေးပင်မြို့နယ်မှာ ဇူလိုင် ၈ ရက် မနက် ၁၁ နာရီက လေပြင်းတိုက်ခိုက်တာကြောင့် နေအိမ် ၇၆ လုံး အမိုးလန်ပျက်စီးခဲ့ပြီ ယာယီကယ်ဆယ်ရေး စခန်းတခု ဖွင့်ထားရတယ်လို့ မြို့မ ၁ ရပ်ကွက် အုပ်ချုပ်ရေးမှူးက ပြောပါတယ်။

လေပြင်းတိုက်ခက်တာကြောင့် ညောင်လေးပင်မြို့ မြို့မ ၁ ရပ်ကွက်ကန်တော်ဦး ၁ လမ်းမှာ နေအိမ်တွေ အမိုးလန်ပျက်စီးသွားခဲ့ပြီး ပြိုကျမှုတွေ ရှိတာကြောင့် ယာယီကယ်ဆယ်ရေး စခန်းတခုပါ ဖွင့်ထားရတာလို့ မြို့မ ၁ ရပ်ကွက်အုပ်ချုပ်ရေးမှူး ဦးသန်းကြွယ်က  ပြောပါတယ်။

“မိုးကလည်း အဆက်မပြတ်ရာ၊ အိမ်တွေကလည်းပြို အမိုးတွေက လန်ဆိုတော့ လူတွေက နေစရာမရှိ၊ ချက်စားစရာက မရှိဖြစ် နေတယ်။ ဒါကြောင့် သက်ဆိုင်ရာမြို့နယ်က လူကြီးတွေနဲ့ တိုင်ပင်ပြီး ယာယီကယ်ဆယ်ရေး စခန်းတခု ဖွင့်ထားလိုက်ရတာ။” 

မနက်ပိုင် မိုးရွာနေစဉ် အရှေ့မြောက်ဘက်က လေပြင်းတိုက်ခတ်တာကြောင့် အမိုးတခုလုံး လေထဲပါသွားကာ မိသားစုတွေ အသက်ဘေးက လွတ်အောင်ပြေးခဲ့ရကြောင်း၊ မိုးတွင်းကာလဖြစ်တာကြောင့် ပိုက်ဆံရှားပါးတဲ့အချိန်ဖြစ်ပြီး အိမ်ပြန်ပြုပြင်ဖို့ရာ အခက်အခဲတွေ ဖြစ်နေရတယ်လို့ ဦးလူလှက ပြောပါတယ်။

လေပြင်းတိုက်ခတ်တာကြောင့် ပြိုကျပျက်စီးခဲ့တာတွေကို လွှတ်တော်ကိုယ်စားလှယ်တွေ အန်အယ်လ်ဒီပါတီက အဖွဲ့ဝင်တွေ မီးသတ်၊ ရဲတပ်ဖွဲ့နဲ့ နယ်မြေခံတပ်ရင်းက တပ်မတော်သားတွေ ဝိုင်းဝန်း ကူညီရှင်းလင်းမှုတွေပြုလုပ်ပေးနေပါတယ်။

မြို့နယ်အတွင်းက တခြားရပ်ကွက်ကျေးရွာတွေပါ ထိခိုက်မှု ရှိမရှိ စုံစမ်းစစ်ဆေးမှုတွေ ပြုလုပ်နေပြီး လူနဲ့ တိရစ္ဆာန် ထိခိုက်သေဆုံးမှု မရှိခဲ့ပေမယ့် ပျက်စီးဆုံးရှုံးမှု တန်ဖိုးကို မသိရှိရသေးဘူးလို့ သိရပါတယ်။

သတင်း၊ ဓာတ်ပုံ – နေလင်းထိုက်