ဖူးကတ်တွင် မြန်မာအချင်းချင်း ဓားထိုးမှုဖြစ်၊ ၂ ဦးသတိလစ်မေ့မျောပြီး စိုးရိမ်ရ 

ပြီးခဲ့တဲ့ ဇူလိုင် ၂ ရက်ညပိုင်းက ထိုင်းနိုင်ငံ ဖူးကတ်ခရိုင်  အလုပ်သမားစခန်းတခုမှာ ဓားထိုးခံရတဲ့ မြန်မာနိုင်ငံသား ၂ ဦးဟာ ဆေးရုံမှာ သတိလစ်မေ့မြောနေပြီး အသက်အန္တရာယ်စိုးရိမ်ရတယ်လို့ သည်ဖူးခက်နယူးစ်သတင်းမှာ ဒီကနေ့ ဖော်ပြပါတယ်။      ဒီအဖြစ်အပျက်ဟာ ဖူးကတ်ခရိုင် ထလန်မြို့နယ်က အလုပ်သမားစခန်းထဲမှာ ဖြစ်ခဲ့တာဖြစ်ပြီး ဓားနဲ့ထိုးခဲ့သူဟာလည်း မြန်မာနိုင်ငံသားပဲဖြစ်တယ်လို့ ဆိုပါတယ်။      ထလန်ဆေးရုံကို ရောက်ရှိလာပြီး သတိလစ်မေ့မြောနေတဲ့ လူနာတွေရဲ့ အကြောင်းကိုတော့ ဆေးရုံတာဝန်ရှိသူတွေက ရဲတွေကို ည ၁၀ နာရီလောက်မှာ အ ကြောင်းကြားခဲ့ပါတယ်။      ဒေသတွင်း ကယ်ဆယ်ရေးလုပ်သားတွေနဲ့ မျက်မြင်သက်သေတွေက ဓားနဲ့ ထိုးခံ ရသူတွေကို ဆေးရုံကို ခေါ်ဆောင်လာခဲ့တာဖြစ်ပြီး ကိုယ်တွင်းပိုင်း အရေးကြီးတဲ့ အင်္ဂါတွေကိုပါ ထိခိုက်သွားခဲ့တာကြောင့် ၀ဇီယဖူးကတ်ဆေးရုံကို ထပ်မံလွှဲပြောင်းခဲ့ရတာပါ။      ထလန်မြို့နယ်ရဲတပ်ဖွဲ့တာဝန်ရှိသူတဦးဖြစ်တဲ့ ဆိုပနတ်နာရာအိုက “အခင်းဖြစ်တဲ့ စခန်းဆီတပ်ဖွဲ့ဝင်တွေကို စေလွှတ်ပြီး ကနဦးစုံစမ်းစစ်ဆေးမှုတွေအရ မြန်မာအမျိုးသား ၄ ဦးဟာ အရက်အတူ ၀ိုင်းဖွဲ့သောက်ခဲ့ကြပြီးနောက်မှာ ကတောက်ကဆ ဖြစ်ခဲ့ကြပြီး သူတို့ထဲက ၁ ဦးက နောက် ၂ ဦးကို ဓားနဲ့ထိုးခဲ့တာဖြစ်တယ်”လို့ ပြောပါတယ်။      ရဲတွေက အခင်းဖြစ်တဲ့ နေရာကို ရောက်ရှိချိန်မှာတော့ ဒီအမှုမှာ ပါဝင်သူ မြန်မာ ၂ ဦးက နေရာကနေ ထွက်ပြေးတိမ်းရှောင်သွားခဲ့ကြပြီဖြစ်တယ်လို့ မျက်မြင်သက်သေ တွေက ထွက်ဆိုပါတယ်။      ဒါပေမယ့် မျက်မြင်သက်သေတွေကို ဘာသာစကားအခက်အခဲနဲ့ စကားပြန်မရှိတာမို့ အသေးစိတ်စစ်ဆေးမေးမြန်းတာတွေ မလုပ်နိုင်ခဲ့ဘူးလို့ ရဲက ဆိုပါတယ်။      လက်ရှိမှာတော့ ရဲတွေက ပြစ်မှုကျူးလွန်သူတွေကို ဆက်လက်စုံစမ်းဖော်ထုတ်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up