တာချီလိတ်တွင် ပွိုင့် ၅ စက်သေနတ်ကျည်များ ဖမ်းမိ

ရှမ်းပြည်နယ် တာချီလိတ်မြို့နယ်မှာ ပွိုင့် ၅ စက်သေနတ်ကျည် ၃၉၇ တောင့် ဖမ်းဆီးရမိခဲ့တယ်လို့ ပြည်ထဲရေးက ထုတ်ပြန်ပါတယ်။ ဇွန် ၂၀ ရက်နေ့ မွန်းတည့် ၁၂ နာရီက မယ်ယန်းနယ်စပ်ကုန်သွယ်ရေး ရဲတပ်ဖွဲ့နဲ့ တာဝန်ရှိသူတွေဟာ တာချီလိတ်မြို့နယ်၊ မယ်ယန်းပူးပေါင်းစစ်ဆေးရေးဂိတ်မှာ တာချီလိတ်ဘက်မှ မိုင်းယန်းမြို့ဘက်ကို ဦးဆမ်ပျန်း မောင်းနှင်လာတဲ့ Probox ယာဉ်အား စစ်ဆေးရာမှာ သိမ်းဆည်းမိခဲ့တာပါ။ ယာဉ်နောက်ခန်းအတွင်း ကတ်ထူစက္ကူပုံး ၂ ပုံးနဲ့ ထည့်ထားတဲ့ ပွိုင့် ၅ စက်သေနတ်ကျည် ၃၉၇ တောင့်၊ တရုတ်ငွေ ၁၁၅၀၀ ယွမ်၊ ထိုင်းငွေ ၈၇၀၀၀ ဘတ်၊ ၅ မူးသားခန့် ရွှေလက်စွပ် ၁ ကွင်း၊ လက်ကိုင်ဖုန်း ၂ လုံးတို့နဲ့အတူ တွေ့ရှိသိမ်းဆည်းရမိခဲ့တယ်လို့ ဆိုပါတယ်။ ဦးဆမ်ပျန်းအား တာချီလိတ်မြို့မရဲစခန်းက (ပ)၃၃၉/၂၀၁၉၊ ရှမ်းလက်နက်အမိန့် ၁၂(ဂ)နဲ့ အမှုဖွင့်စစ်ဆေးနေတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up