H1N1 ရာသီတုပ်ကွေး ဗိုင်းရပ်စ်ဟာ တုပ်ကွေးမျိုးစိတ်အသစ်ဖြစ်ပြီး အဖြစ်များတဲ့ ရိုးရိုးတုပ်ကွေးရောဂါနဲ့ လက္ခဏာချင်း ဆင်တူပါတယ်။ ဝက်တွေမှာ ရှင်သန်နေထိုင်နိုင်တဲ့ virus ပိုးဖြစ်ပေမယ့် သေချာကိုင်တွယ် ချက်ပြုတ်ထားတဲ့ ဝက်သားနဲ့ တခြားစားသောက်ကုန်တွေ စားရုံနဲ့တော့ မကူးစက်နိုင်ပါဘူး။ လူလူချင်းသာ ကူးစက်ပါတယ်။ ရောဂါလက္ခဏာတွေက အများအားဖြင့် ဆင်တူပေမယ့် ဝက်တုပ်ကွေးကတော့ အသက်ရှူလမ်းကြောင်း လက္ခဏာတွေအပြင် ဝမ်းလျှောတာနဲ့ ပျို့အန်တာတွေပါ ဖြစ်နိုင်ပါတယ်။ H1N1 ရာသီတုပ်ကွေးက ရိုးရိုးတုပ်ကွေးထက် အဆုတ်ထဲကို ပိုနက်ရှိုင်းစွာ ကူးစက်ရောက်ရှိနိုင်ပါတယ်။ လက္ခဏာတွေက –

• ချမ်းတုန်ခြင်း
• ချောင်းဆိုးခြင်း
• မောပန်းအားကုန်ခြင်း
• ဝမ်းလျှောခြင်း
• ဖျားခြင်း
• ခေါင်းကိုက်ခြင်းနဲ့ ခန္ဓာကိုယ်နာကျင်ကိုက်ခဲခြင်း
• လည်ချောင်းနာခြင်း
• နှာစေးနှာပိတ်ခြင်း
• မူးဝေအော့အန်ခြင်းတို့ ဖြစ်ပါတယ်။

ဘယ်လိုကူးစက်နိုင်သလဲ ရောဂါရှိနေသူက ချောင်းဆိုး၊ နှာချေလိုက်တဲ့အခါ လေထုထဲရောက်လာတဲ့ အမှုန်တွေကနေ ကူးတာပါ။ တုပ်ကွေးဗိုင်းရပ်စ်ပါတဲ့ လေတွေကို ရှူရှိုက်မိတဲ့အခါ ဒါမှမဟုတ် ဗိုင်းရပ်စ်ကပ်ငြိကျန်နေတဲ့ မျက်နှာပြင်တခုခုဆီကနေ မျက်လုံး၊ နှာခေါင်းနဲ့ ပါးစပ် စတာတွေဆီကို ကူးစက်ရရှိနိုင်ပါတယ်။ လက္ခဏာမပြခင် တရက်မှာတည်းက ကူးစက်ပိုးက ပျံ့နှံ့သွားနိုင်ပြီး နေမကောင်းဖြစ်ပြီး ၇ ရက်လောက်ထိ ကူးစက်ပျံ့နှံ့သွားနိုင်ပါတယ်။ ဗိုင်းရပ်စ်ပိုးက သက်မဲ့အရာဝတ္ထုတွေမှာ ဒါမှမဟုတ် လက်မှာ ကပ်ငြိရင် မိနစ်ပိုင်းလေးပဲ အသက်ရှင်နိုင်တယ်။ ဒါပေမယ့် ဆက်ပြန့်ပွားဖို့ လုံလောက်တဲ့ အချိန်အတိုင်းအတာ ဖြစ်နေတယ်။ ဥပမာ ကိုယ့်ရုံးခန်းထဲက တယောက်ယောက် နှာချေလိုက်တယ်၊ ချောင်းဆိုးလိုက်တယ် ဆိုပါစို့။ စားပွဲ သို့မဟုတ် မျက်နှာပြင် တနေရာရာမှာ နှာရည် သို့မဟုတ် တံတွေးတွေစင်မယ်၊ ဒါကို ထိတွေ့မိရာက လွယ်လွယ်ကူးစက်နိုင်ပါတယ်။ လက်ဆွဲနှုတ်ဆက်ရာကနေလည်း ကိုယ့်လက်ကို ရောဂါပိုး ရရှိနိုင်တယ်၊ ကိုယ့်မျက်လုံး ပွတ်မိမယ်ဆိုရင် ပြီးပြီပဲ။ အကောင်းဆုံးက လက်ဆေးပါ။ ဒီတော့ ဘယ်လိုကာကွယ်လို့ရမလဲ (၁) နေမကောင်းဖြစ်ရင် အိမ်မှာပဲနေပါ။ နေမကောင်းဖြစ်တဲ့အခါ ၂၄ နာရီအတွင်းတော့ အိမ်မှာပဲနားနေပြီး တခြားသူကို မကူးအောင် ဂရုစိုက်ပါ။ (၂) လက်မကြာခဏဆေးပါ။ ရောဂါပိုးတွေရန်က ကာကွယ်နိုင်ဖို့ အလွယ်ဆုံးနည်းလမ်းပါ။ ဆပ်ပြာနဲ့ဆေးပါ၊ ဒါမှမဟုတ်ရင် လက်သန့်ဆေးရည်သုံးပါ။ ကြမ်းပြင်၊ မျက်နှာပြင်နဲ့ အသုံးအဆောင်တွေမှာ ရောဂါရှိသူဆီက နှာချေ ချောင်းဆိုးရာကနေ ထွက်လာတဲ့ ဗိုင်းရပ်စ်တွေ ကပ်နေနိုင်တယ်။ (၃) နှာချေချောင်းဆိုးတာ ထိန်းပါ။ နှာချေချောင်းဆိုးတိုင်း အဝတ်နဲ့အုပ်ဆိုးတဲ့ အကျင့်ကိုလုပ်ပါ။ နှာခေါင်းစည်းသုံးလည်း ရပါတယ်။ လုံးဝ လက်မအားရင် တံတောင်ဆစ်နဲ့ပဲဖြစ်ဖြစ် ကာပြီးဆိုးပါ။ (၄) သန့်ရှင်းမှုကို ဂရုစိုက်ပါ။ သုံးပြီးသား တစ်ရှူးတွေ သေချာစွန့်ပစ်ပါ။ လက်မသန့််ဘဲ နှာခေါင်း၊ ပါးစပ်နှင့် မျက်လုံးတွေကို မထိမိပါစေနဲ့ (virus ပိုးက စားပွဲ၊ တယ်လီဖုန်း စတဲ့ မျက်နှာပြင်တွေမှာ ကောင်းစွာ အသက်ရှင်နေနိုင်တာကြောင့် ဖြစ်ပါတယ်။) (၅) လူများလွန်းတဲ့နေရာတွေ မလိုအပ်ဘဲ မသွားပါနဲ့။ ကိုယ့်မှာ ကိုယ်ခံအားနည်းနေတဲ့ အခါမျိုးဆို ကူးစက်ခံရ လွယ်နိုင်ပါတယ်။ အသက် ၅ နှစ်အောက်ကလေးတွေ၊ ၆၅ နှစ်အထက် သက်ကြီးပိုင်းတွေ၊ နာတာရှည် မကျန်းမာသူတွေ၊ ကိုယ်ဝန်ဆောင်တွေ၊ ပန်းနာရင်ကျပ်၊ နှလုံးတို့လို ရောဂါရှိသူတွေဟာ ဘယ်တုပ်ကွေးကိုမဆို ကူးစက်ခံရလွယ်တဲ့သူတွေဖြစ်လို့ ပိုသတိထားသင့်ပါတယ်။ (၆) အာဟာရပြည့်အောင်စားပါ။ ပြည့်ဝစွာ အနားယူပါ။ ဒီလို အာဟာရပြည့်အောင် စားသောက်ပြီး ကောင်းကောင်းအနားယူမှ ကိုယ်ခံအားကောင်းပြီး ရောဂါပိုးကို ထိထိရောက်ရောက် တိုက်ထုတ်နိုင်ပါလိမ့်မယ်။ (၇) နေမကောင်းရင် နှာခေါင်းစည်း (mask) တွေတပ်ထားပါ။ ကိုယ့်ဆီကနေ သူများကို မကူးစက်ဖို့အပြင် ကိုယ်အားနည်းနေတဲ့အချိန်မှာ တခြားရောဂါပိုးတွေ ထပ်မဝင်စေဖို့ နှာခေါင်းစည်း တပ်ထားတာ အကောင်းဆုံးဖြစ်ပါတယ်။ H1N1 ဖြစ်တဲ့အခါ ကိုယ်ခံအားကောင်းတဲ့သူတွေမှာ ကုသမှုခံယူပြီး သက်သာသွားသူတွေ ရှိပေမယ့် ပြင်းထန်ရင်တော့ အသက်ဆုံးရှုံးနိုင်ပါတယ်။ ကုသတဲ့အခါ ဗိုင်းရပ်စ်ဆန့်ကျင်ဆေး oseltamivir (Tamiflu) and zanamivir ကို အကြံပေး ထောက်ခံထားပါတယ်။ ရောဂါပိုးက ဆေးယဉ်သွားနိုင်တဲ့ အတွက်ကြောင့် တုပ်ကွေးနောက်ဆက်တွဲတွေ ရနိုင်ခြေများသူတွေမှာပဲ သုံးလေ့ရှိပါတယ်။ ကျန်းမာရေးကောင်းတဲ့လူ အနေနဲ့တော့ ဝက်တုပ်ကွေး ကူးခဲ့ရင်တော့ ခုခံအားနဲ့ ပြန်တိုက်နိုင်မှာ ဖြစ်ပါတယ်။ ရေးသားသူ -  Yun Sandi Nan Mon ဆေးပညာပိုင်းဆိုင်ရာ တည်းဖြတ်သူ - Dr. Thurein Hlaing Win ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။