သည်းသည်းမည်းမည်းရွာလိုက်တဲ့မိုးနဲ့ မိုးရာသီတောင်ရောက်လာပြန်ပြီနော်။ မိုးရာသီက နွေရဲ့ပူပြင်းတဲ့ဒဏ်ကို သက်သာစေတယ်ဆိုပေမယ့် မိုးရာသီမှာအဖြစ်များတဲ့ ရောဂါတွေရဲ့ ပြဿနာကလည်းရှိနေတယ်။ ခြင်ကြောင့်ဖြစ်တဲ့ရောဂါတွေနဲ့ယင်ကြောင့်ဖြစ်တဲ့ရောဂါတွေက မဖိတ်ခေါ်ဘဲကို မိုးရာသီနဲ့အတူ လိုက်ပါလာတတ်ပါတယ်။ မိုးရာသီက ပော်ျရွှင်စရာတွေ စိတ်ကြည်နူးစရာတွေနဲ့ပြည့်စုံနေတဲ့ရာသီပါ။ ဒီလိုမျိုး ပျော်ရွှင်ကြည်နူးစရာကောင်းတဲ့ ရာသီမှာ ကိုယ်တိုင်ရော မိသားစုမှာပါရောဂါကင်းပြီး ပျော်ရွှင်ချင်တယ်ဆိုရင် ဒီဆောင်းပါးလေးကိုဖတ်ကြည့်ပါ။

သွေးလွန်တုပ်ကွေး (Dengue Fever) ဆိုတာ

သွေးလွန်တုပ်ကွေးရောဂါ ဆိုတာက ခြင်ကနေတဆင့် ကူးစက်ခံရတဲ့ရောဂါတစ်မျိုးပါ။ ကမ္ဘာပေါ်မှာရှိတဲ့ အပူပိုင်းဇုန်နဲ့သမပိုင်းဇုန်ဒေသတွေမှာ ရောဂါအဖြစ်များပါတယ်။ သွေးလွန်တုပ်ကွေးရောဂါဆိုတဲ့နေရာမှာလည်း “ Break-Bone” Fever လို့ခေါ်တဲ့ အပျော့စားသွေးလွန်တုပ်ကွေးရောဂါ နဲ့ Dengue Hemorrhagic Fever လို့ခေါ်တဲ့ အပြင်းစားသွေးလွန်တုပ်ကွေးရောဂါဆိုပြီး နှစ်မျိုးရှိပါတယ်။ -“ Break-Bone” Fever (အပျော့စားသွေးလွန်တုပ်ကွေးရောဂါ) ခံစားရတဲ့အခါ ဒီဝေဒနာခံစားရတဲ့အခါ

• အဖျားတက်တာ
• အရေပြားမှာ အနီရောင် အဖုအပိမ့်တွေထွက်တာ
• ကြွက်သားနဲ့အဆစ်တွေနာကျင်ကိုက်ခဲမှုတွေ ကိုခံစားရနိုင်ပါတယ်။

– Dengue Hemorrhagic Fever (အပြင်းစားသွေးလွန်တုပ်ကွေးရောဂါ) ခံစားရတဲ့အခါ ဒီဝေဒနာခံစားရတဲ့အခါ

• သွေးထွက်လွန်မယ်
• အဖျားတက်မယ်
• သွေးပေါင်ချိန်ကျတာလိုမျိုးဝေဒနာတွေခံစားရနိုင်ပါတယ်။ အဆိုးဆုံးအနေနဲ့ကတော့ အသက်သေဆုံးသည်အထိဖြစ်နိုင်ပါတယ်။

သွေးလွန်တုပ်ကွေးဖြစ်တဲ့အခါ အခုလိုလက္ခဏာတွေခံစားရနိုင်ပါတယ်

သွေးလွန်တုပ်ကွေးခံစားနေရသူအများစု အထူးသဖြင့်တော့ ကလေးငယ်တွေ နဲ့ ဆယ်ကျော်သက်တွေမှာ ရောဂါသိပ်မပြင်းထန်ဘူးဆိုရင် ရောဂါလက္ခဏာတွေက သိသိသာသာမတွေ့ရတတ်ပါဘူး။ ခြင်ကိုက်ခံရပြီး ပြီးချင်းမှာလည်း ရောဂါလက္ခဏာတွေမပြတတ်ပါဘူး။ ရောဂါပိုးသယ်ဆောင်ထားတဲ့ ခြင်ကိုက်ခံရပြီး ၄ ရက်ကနေ ၇ ရက်အတွင်းမှာမှ ရောဂါလက္ခဏာစပြီး ပြတတ်တာဖြစ်ပါတယ်။ သွေးလွန်တုပ်ကွေးရောဂါဖြစ်တဲ့အခါ –

• ခေါင်းကိုက်မယ်
• ကြွက်သားတွေ၊ အရိုးအဆစ်တွေ နာကျင်ကိုက်ခဲမယ်
• မအီမသာဖြစ်မယ်
• အော့အန်မယ်
• မျက်လုံးအနောက်ဘက်က နာကျင်မယ်
• ဂလင်းတွေ ရောင်ရမ်းမယ်
• အရေပြားမှာ အနီရောင်အဖုအပိမ့်တွေထွက်မယ်

အရမ်းပြင်းထန်လာမယ်ဆိုရင်တော့ –

• ဗိုက်ထဲကနာကျင်မယ်
• အဆက်မပြတ်အော့အန်နေမယ်
• သွားဖုံးနဲ့နှာခေါင်းက သွေးထွက်မယ်
• ဆီးသွားရင်သွေးပါမယ်၊ ဝမ်းသွားရင်သွေးပါမယ်၊ အန်တဲ့အခါ သွေးစတွေပါလာမယ်
• အရေပြားအောက်မှာသွေးယိုစိမ့်မှုဖြစ်ပြီး အညိုအမဲစွဲသလို အကွက်တွေဖြစ်မယ်
• အသက်ရှုရခက်မယ်
• အသက်ရှုတာအရမ်းမြန်နေမယ်
• ခန္ဓာကိုယ်က အေးစက်နေမယ်
• ခြေကုန်လက်ပန်းကျမယ်
• အိပ်မပျော်ဘဲ စိတ်မတည်ငြိမ်တာမျိုးဖြစ်နေမယ်။ ဒီလိုအခြေအနေမျိုးဖြစ်နေပြီဆိုရင်တော့ နီးစပ်ရာဆေးရုံဆေးခန်းကို အမြန်ဆုံးသွားပြဖို့လိုအပ်ပါတယ်။ အရေးပေါ် အခြေအနေဖြစ်တာကြောင့် အခန့်မသင့်ရင် အသက်အန္တရာယ်ထိခိုက်နိုင်ပါတယ်။

သွေးလွန်တုပ်ကွေးကို ဒီလိုကာကွယ်လို့ရပါတယ်

သွေးလွန်တုပ်ကွေးကို ကာကွယ်နိုင်တဲ့ ကာကွယ်ဆေးရယ်လို့မရှိသေးပါဘူး။ ရောဂါကိုကာကွယ်နိုင်မယ့် အကောင်းဆုံးသောနည်းလမ်းက ခြင်ကိုက်မခံရအောင်ဂရုစိုက်တာနဲ့ ရောဂါပိုးရှိတဲ့နေရာတွေကိုရှောင်ကြဉ်တာပါ။ ခြင်ကိုက်မခံရအောင်ကာကွယ်မှုက အထိရောက်ဆုံးသော ရောဂါကာကွယ်နည်းပါ။ ဖြစ်နိုင်ရင် လူထူထပ်တဲနေ့ရာတွေကိုရှောင်ရှားပါ – လူထူထပ်တဲ့နေရာတွေက ရောဂါပိုးအလွယ်တကူ ကူးစက်ပြန့်နှံ့နိုင်တာကြောင့် လူထူထပ်တဲ့နေရာတွေကိုရှောင်ကြဉ်တာကလည်း ရောဂါကာကွယ်တဲ့နည်းလမ်းတစ်ခုပါ။ အိပ်စက်ချိန်မှာ ခြင်ထောင်ဖြင့်အိပ်စက်ပါ – နေ့ဘက်မှာဖြစ်ဖြစ် ညဘက်မှာဖြစ်ဖြစ် အိပ်စက်တဲ့အခါတိုင်း ခြင်ထောင်ထောင်အိပ်တတ်တဲ့ အကျင့်ကိုမွေးမြူပါ။ ဒီအကျင့်က သွေးလွန်တုပ်ကွေးတင်မဟုတ်ဘဲ ခြင်ကြောင့်ဖြစ်တဲ့ရောဂါတိုင်းကို ကာကွယ်ပြီးသားဖြစ်ပါတယ်။ နေအိမ်တွင်းကို ခြင်မဝင်နိုင်အောင်လုပ်ဆောင်ပါ – နေဝင်ချိန်နဲ့ညဘက်တွေမှာ လေအေးပေးစနစ်ဖွင့်ထားပြီး ခြင်မဝင်နိုင်အောင် သေချာစီမံထားတဲ့ နေရာမှာနေပါ။ နေအိမ်မှာ ခြင်လုံဇကာတပ်ဆင်ပြီး ခြင်မဝင်ရောက်နိုင်အောင် ဂရုစိုက်လုပ်ဆောင်တာမျိုးတွေလုပ်ဆောင်ပြီး နေအိမ်ကို ခြင်ကင်းစင်ဇုန်အဖြစ်ဖန်တီးပါ။ လုံခြုံစွာဝတ်ဆင်ပါ – ခြင်ကိုက်ခံရတာမျိုးမဖြစ်စေဖို့အတွက် ညနေဘက်နဲ့ညဘက်အချိန်တွေမှာ အင်္ကျီလက်ရှည်၊ဘောင်းဘီရှည်တွေဝတ်ဆင်ပြီး ခြင်ကိုက်မခံရအောင်ကာကွယ်ပေးပါ။ ခြင်နိုင်ဆေးသုံးပါ – ဒါကတော့ အသုံးအများဆုံးသော ခြင်ကာကွယ်နည်းလမ်းတစ်ခုပါ။ ခြင်ကိုကာကွယ်ဖို့အတွက် နေအိမ်တွင်းမှာ ခြင်ဆေးထွန်းလို့ရသလို ခြင်ဆေးဖြန်းဆေးကို အသုံးပြုလို့လည်းရပါတယ်။ နေအိမ်ဝန်းကျင်ကို သန့်ရှင်းအောင်ထားပါ – နေအိမ်ပတ်ဝန်းကျင်မှာ အမှိုက်တွေသန့်ရှင်းနေအောင်ထားပေးပါ။ ခြင်ခိုအောင်းနိုင်တဲ့နေရာတွေကိုရှင်းလင်းပါ။ သွေးလွန်တုပ်ကွေးရောဂါပိုးသယ်ဆောင်ထားတဲ့ ခြင်တွေက အိမ်အတွင်းပိုင်းနဲ့ အိမ်အနီးတဝိုက်ကနေရာတွေမှာနေထိုင်ပြီး  ကားတာယာအဟောင်းလိုမျိုး မိုးရေတွေဝပ်နေနိုင်တဲ့နေရာတွေထဲမှာ ပေါက်ဖွားနိုင်တာကြောင့် နေအိမ်ပတ်ဝန်းကျင်က ခြင်ခိုအောင်းနိုင်တဲ့နေရာတွေကို ရှင်းလင်းထားပါ။ ခြင်မကိုက်တဲ့လူးဆေးလူးပေးပါ – သွေးလွန်တုပ်ကွေးအပါအဝင် ခြင်ကြောင့်ဖြစ်တဲ့ရောဂါတွေကို မဖြစ်အောင်ကာကွယ်ဖို့ဆိုရင် အရင်ဆုံးလုပ်ရမှာက ခြင်မကိုက်အောင်ဂရုစိုက်ဖို့ပါ။ ကိုယ်တိုင်မှာရော မိမိချစ်ရသူတွေမှာပါ မတော်တဆခြင်ကိုက်ခံရတာမျိုး မဖြစ်စေဖို့အတွက် ကြိုတင်ကာကွယ်တဲ့အနေနဲ့ အရေပြားမှာ ခြင်မကိုက်အောင်လူးတဲ့ဆေးလေးလူးပေးပါ။ တစ်ကိုယ်ရည်သန့်ရှင်းရေးဂရုစိုက်ပါ – ခန္ဓာကိုယ်မှာ ချွေးနံ့ကင်းစင်နေမယ်ဆိုရင် ခြင်ကိုက်ခံရတာသက်သာပါတယ်။ ဒါကြောင့် ခြင်ကိုက်ခံရတာနဲ့ ရောဂါဘယတွေဘေးကနေ ကင်းဝေးစေဖို့ဆိုရင် တစ်ကိုယ်ရည်သန့်ရှင်းမှုကို ဂရုစိုက်ဖို့လိုပါမယ်။ သွေးလွန်တုပ်ကွေးအပါအဝင် ခြင်ကြောင့်ဖြစ်တဲ့ရောဂါတွေကင်းဝေးပြီး သာယာကြည်နူးစရာကောင်းတဲ့ မိုးရာသီကို ပိုင်ဆိုင်နိုင်ကြပါစေ။