ကျောက်တန်းရွာ ပစ်ခတ်မှုဖြစ်စဉ် ကွင်းဆင်းစုံစမ်းစစ်ဆေးတွေ့ရှိချက် ကော်မရှင်ထုတ်ပြန်

တွေ့ဆုံမေးမြန်းချက်တွေအရ ခေတ္တထိန်းသိမ်းထားသူတွေထဲက  ရွာသားတဦးက ထွက်ပြေးဖို့ ကြိုးစားခဲ့တာကြောင့် လုံခြုံရေးတပ်ဖွဲ့က သေနတ်နဲ့ အပေါ်ကို ပစ်ခတ်မှု စတင်ခဲ့ တာလို့ ယေဘုယျအားဖြင့် ထွက်ဆိုခဲ့ကြတယ်လို့ ဆိုပါတယ်။

ခြောက်လှန့်ပစ်ခတ်စဉ်မှာ ထိန်းသိမ်းထားသူတွေထဲက စိတ်မနှံ့သူ တဦးက အော်ဟစ်လို့ ရုတ်ရုတ်သဲသဲ ဖြစ်သွားတာကြောင့် လုံခြုံရေးတာဝန် ကျသူတွေက  ပစ်ခတ်ခဲ့ကြောင်း၊ ထွက်ပြေးဖို့ ကြိုးစားသူတွေကို ဟန့်တားဖို့ လုံခြုံရေးတာဝန်ကျသူတွေက အပေါ်ကို ထောင်ပြီး ခြောက်လှန့်ပစ်ခတ်ခဲ့ပေမယ့် တချို့က ကင်းအဖွဲ့ရှိရာကို ပြေးဝင်လာလို့ ပစ်ခတ်ခံရတယ်လို့ ဆိုပါတယ်။

ဒီဖြစ်စဉ်မှာ အေအေ အဖွဲ့ဝင်တွေဟာ ကျေးရွာထဲမှာ ရွာသားတွေနဲ့  ရောနှောဖုံးကွယ်နေ တယ်လို့ သတင်းရလို့ စိစစ်ဖော်ထုတ်ဖို့ ဆောင်ရွက်ရာကနေ ဖြစ်ပွားခဲ့တာလို့ သိရတဲ့အကြောင်း လည်းကော်မရှင်ရဲ့ ထုတ်ပြန်ချက်မှာ ဖော်ပြပါတယ်။

လုံခြုံရေးတပ်ဖွဲ့ဝင်တွေက ကျေးရွာသားတချို့အပေါ် သံသယရှိသလို ပစ်ခတ်မှုဖြစ်စဉ် ကြောင့် ကျေးရွာသားတွေဘက်ကလည်း လုံခြုံရေးတပ်ဖွဲ့ဝင်တွေအပေါ် စိုးရိမ်ကြောက်ရွံ့မှုတွေ ဖြစ်ပေါ်နေကြတာကြောင့် လုံခြုံရေးတပ်ဖွဲ့ဝင်တွေနဲ့ ဒေသခံရွာသားတွေအကြား အပြန်အလှန် ယုံကြည်မှု ပြန်လည်တည်ဆောက်နိုင်ဖို့ ကြိုးပမ်းဆောင်ရွက်သင့်တယ်လို့ ကော်မရှင်က အကြံပြု ပါတယ်။

ဒါ့အပြင် နောင်မှာအလားတူဖြစ်ရပ်မျိုး မဖြစ်ပွားစေဖို့အတွက် သက်ဆိုင်သူတွေက ဂရုပြု ဆောင်ရွက်သင့်တယ်လို့လည်း မြန်မာနိုင်ငံ အမျိုးသားလူ့အခွင့်အရေးကော်မရှင်က တိုက်တွန်းထားပါတယ်။

ဒီဖြစ်စဉ်မှာ သေဆုံးသွားတဲ့ ရွာသားတွေကတော့ ဦးသံခဲအောင်၊ ဦးဇော်လတ်၊ မောင်သန်းဦး၊ ဦးခမွီးချေ၊ ဦးထွန်းရွှေဝင်း နဲ့ ဦးမောင်ဝင်းတို့ ဖြစ်​​ကြပါတယ်။ ကျောက်​တန်း​မှာ အေအေနဲ့ ပက်သက်တယ်ဆိုပြီး သံသယနဲ့ ထိန်းသိမ်းစစ်ဆေးနေတဲ့ ရွာသား ၂၇၀ ကျော်ကိုတော့ တပ်မတော်က ပြန်လွှတ်ပေးခဲ့ပြီး ဒီထဲကတချို့ကိုတော့ ရဲတပ်ဖွဲ့ထံ လွှဲပြောင်း ပေးထားပါတယ်။

ကျောက်တန်းကျေးရွာမှာ ပစ်ခတ်မှု ဖြစ်ပွားပြီး လူ ၆ ဦးသေဆုံးခဲ့တာနဲ့ ပတ်သက်လို့ သက်ဆိုင်သူတွေကို ဥပဒေနဲ့အညီ စစ်ဆေးနေပြီး ဥပဒေနဲ့ ညီညွတ်ခြင်းမရှိပါက ပြင်းပြင်းထန်ထန် အရေးယူမယ်လို့ ကာကွယ်ရေးဝန်ကြီး ဒုဗိုလ်ချုပ်ကြီး စိန်ဝင်းက ပြောထားပါတယ်။