မြန်မာဆယ်ကျော်သက်များ၏ ထက်ဝက်ခန့် အသက် ၁၄ နှစ် မတိုင်ခင် အရက်စသောက်နေ
ပိုင်စိုး
·
June 12, 2019
မြန်မာနိုင်ငံမှာ ဆယ်ကျော်သက်အရွယ်တွေရဲ့ ထက်ဝက်လောက်ဟာ အသက် ၁၄ နှစ် မတိုင်ခင် အရက်ကို စသောက်နေကြပြီလို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။
ဒီနေ့ နေပြည်တော်မှာပြုလုပ်တဲ့ ကျန်းမာရေးအဆင့်မြှင့် ကျောင်းလုပ်ငန်းတွေ အရှိန်အဟုန် မြှင့်တင်ရေး အမျိုးသားအဆင့် နှီးနှောဖလှယ်ပွဲမှာ ပြောကြားခဲ့တာပါ။
ဒါ့အပြင် ဆယ်ကျော်သက်အရွယ်တွေ ဆေးလိပ်သောက်တာ၊ ကွမ်းစားတာတွေ သိသိသာသာတိုးလာခဲ့သလို အရက်သောက်တာဟာ ၄ ဆလောက်အထိ တိုးလာခဲ့တယ်လို့လည်း ဆိုပါတယ်။
Myanmar Global School Health Survey –GSHS ကို ၂၀၀၇ နဲ့ ၂၀၁၆ ခုနှစ်တို့မှာ ပြုလုပ်ခဲ့ပြီး ရလဒ်တွေကို နှိုင်းယှဉ်ကြည့်ရင် ဆေးလိပ်သောက်သုံးတာဟာ ၂၀၀၇ ခုနှစ်မှာ ၂ ရာခိုင်နှုန်းရှိရာက ၂၀၁၆ ခုနှစ်မှာ ၆ ဒသမ ၆ ရာခိုင်နှုန်းထိတိုးလာပြီး ကွမ်းယာစတဲ့ အငွေ့မထွက်တဲ့ ဆေးရွက်ကြီးသုံးတာဟာ ၂၀၀၇ ခုနှစ်မှာ ၃ ဒသမ ၆ ရာခိုင်နှုန်းကနေ ၂၀၁၆ ခုနှစ်မှာ ၈ ရာခိုင်နှုန်း အထိ မြင့်တက်လာတယ်လို့ ပြောပါတယ်။
အရက်သောက်တာကတော့ ၂၀၀၇ ခုနှစ်မှာ ၁ ဒသမ ၄ ရာခိုင်နှုန်း ရှိရာကနေ ၂၀၁၆ ခုနှစ်မှာတော့ ၄ ဒသမ ၃ ရာခိုင်နှုန်းအထိ များလာတာကိုတွေ့ရပြီး ထက်ဝက်လောက်ဟာ အသက် ၁၄ နှစ်မတိုင်ခင် အရက်ကို စတင်သောက်သုံးကြတယ်လို့လည်း ဆိုပါတယ်။
အခု ၁၀ နှစ်တာကာလအတွင်း လူငယ်တွေ ကိုယ်လက်လှုပ်ရှားမှု လျော့နည်းလာတာကို တွေ့ရပြီး ၆ ယောက်မှာ တယောက်ဟာ ဗွီဒီယိုကြည့်တာ၊ ဂိမ်းကစားတာစတဲ့ screen time အသုံးပြုချိန် ပိုများလာတာကို တွေ့ရတယ်လို့ ဆိုပါတယ်။
၂၀၁၆ ခုနှစ်မှာ ဆောင်ရွက်ခဲ့တဲ့ Myanmar Global School Health Survey –GSHS အရ အသက် ၁၃ နှစ်နဲ့ ၁၇ နှစ်အကြား ဆယ်ကျော်သက်တွေမှာ အာဟာရချို့တဲ့မှုနှုန်း ၁၈ ရာခိုင်နှုန်းတွေ့ရပြီး ကိုယ်အလေးချိန်များတာနဲ့ အဝလွန်တာ ၁၀ ရာခိုင်နှုန်းခန့် တွေ့ရလို့ အာဟာရချို့တဲ့တာနဲ့ အာဟာရ လွန်ကဲတဲ့ ပြဿနာတွေ ဖြစ်နေတာကို တွေ့ရတယ်လို့လည်း ပြောပါတယ်။
၂၀၁၇ ခုနှစ် မြန်မာနိုင်ငံ အဏုအာဟာရနဲ့ အစာ စားသုံးမှု အခြေအနေ လေ့လာရေးစစ်တမ်းအရ အသက် ၁၅ နှစ်က ၁၉ နှစ်အကြား ဆယ်ကျော်သက်လူငယ်တွေရဲ့ ၁၈ ဒသမ ၈ ရာခိုင်နှုန်းက ပိန်လှီနေပြီး ၅ ဒသမ ၂ ရာခိုင်နှုန်းဟာ ကိုယ်အလေးချိန်များနေသလို ဆယ်ကျော်သက်အရွယ်တွေရဲ့ ၁၀ ယောက်မှာ တယောက်ဟာ ကမ္ဘာ့ကျန်းမာရေးအဖွဲ့ရဲ့ တနေ့မှာ အနည်းဆုံး ၁ နာရီ ကိုယ်လက်လှုပ်ရှားမှု ရှိသင့်တယ်ဆိုတဲ့ အကြံပြုချက်ကို မပြည့်ဘူးလို့လည်း ပြောပါတယ်။
ပြီးတော့ ဆယ်ကျော်သက် လူငယ် ၁၀ ယောက်မှာ ၁ ယောက်ဟာ အထီးကျန်ခံစား နေရတာကို တွေ့ရတယ်လို့လည်း အတိုင်ပင်ခံပုဂ္ဂိုလ်က ပြောသွားပါတယ်။
အခြေခံပညာကျောင်းတွေမှာ ဘဝအတွက်တာ ကျွမ်းကျင်စရာ ဘာသာရပ် သင်ကြားတာဟာ ဝန်ထမ်းနဲ့ သင်ကြားမှုအထောက်အကူပြုပစ္စည်းတွေ လိုအပ်နေသလို ဆရာ၊ ဆရာမတွေ၊ မိဘတွေရဲ့ စိတ်ပါဝင်စားမှု အားနည်းနေပြီး ကျောင်းကနေ ပေ ၁၀၀ အတွင်း ဆေးလိပ်မရောင်းဖို့၊ အသက် ၁၈ နှစ် မပြည့်သေးသူကို ဆေးလိပ် မရောင်းချဖို့ ဥပဒေပြဋ္ဌာန်းထားပေမယ့် အရေးယူတာ အားနည်းနေတယ်လို့လည်း ဒေါ်အောင်ဆန်းစုကြည်က ပြောပါတယ်။
ကျန်းမာရေးနဲ့ အားကစားဝန်ကြီးဌာနအနေနဲ့ ကျန်းမာရေးနဲ့ညီညွတ်တဲ့ ကျောင်းနဲ့ ကျောင်း ပတ်ဝန်းကျင်တွေ ပေါ်ထွန်းလာစေဖို့ မြန်မာနိုင်ငံတဝန်းလုံးက အခြေခံပညာကျောင်းတွေမှာ အကောင်အထည်ဖော်နေပေမယ့် ၂၀၁၈ ခုနှစ် စီမံခန့်ခွဲမှု အထောက်အကူပြု ကျန်းမာရေး သတင်းစနစ် အချက်အလက်တွေအရ အခြေခံပညာ ကျောင်းတွေရဲ့ ၄၂ ရာခိုင်နှုန်းပဲ ကျန်းမာရေး အဆင့်မြှင့် ကျောင်းလုပ်ငန်းစဉ်တွေကို ပြည့်မီအောင် ဆောင်ရွက်နိုင်ခဲ့ပါတယ်။
၂၀၁၄ ခုနှစ် သန်းခေါင်စာရင်းအရ မြန်မာနိုင်ငံမှာ အသက် ၁၅ နှစ်အောက် ဆယ်ကျော်သက်အရေအတွက် ၁၄ ဒသမ ၄ သန်းရှိပြီး ၁၅ နှစ်မှ ၂၄ နှစ်အကြား လူငယ် အရေအတွက် ၉ သန်းရှိနေပါတယ်။