ယူရို ၂၀၂၀ ခြေစစ်ပွဲ စပိန် ၃ – ၀ ဆွီဒင် (ရုပ်သံ)

ယူရို ၂၀၂၀ ခြေစစ်ပွဲအဖြစ် အုပ်စု အက်ဖ်က စပိန်နဲ့ ဆွီဒင်တို့ မနေ့ညကယှဉ်ပြိုင်ရာ စပိန်က ၃ ဂိုး ဂိုးမရှိနဲ့နိုင်ပြီး ရာနှုန်းပြည့် နိုင်ပွဲဆက်မှုနဲ့အတူ ထိပ်ဆုံးက ဦးဆောင်နေပါတယ်။ စပိန်အသင်းဟာ ရာမို့စ်၊ အစ္စကို၊ အဆန်စီယို၊ ရိုဒရီဂို၊ ဘတ်စ်ကက်တို့နဲ့ ဦးဆောင်ပွဲထွက်ခဲ့သလို ဆွီဒင်အသင်းကလည်း ဘာ့ဂ်၊ ဖောစ်ဘာ့ဂ်၊ လာဆင်၊ ဂျန်ဆန်နဲ့အတူ ဝါရင့်ဂိုးသမား အိုလ်ဆင်တို့က ဦးဆောင်လာခဲ့ပါတယ်။ အိမ်ရှင် စပိန်အသင်းဟာ ဒီပွဲမှာ ဆွီဒင်အသင်းကို စိတ်ကြိုက် ဖိအားပေး ကစားခဲ့ပြီး ဘောလုံးပိုင်ဆိုင်မှုရော ထိုးဖောက်ကန်သွင်းရာမှာပါ အပြတ် အသာရခဲ့ပါတယ်။ ဒါပေမယ့်လည်း အနိုင်ဂိုးတွေကိုတော့ ဒုတိယပိုင်းမှ သွင်းယူနိုင်ခဲ့ပြီး ၆၄ မိနစ်မှာ ပယ်နယ်တီကတဆင့် ရာမို့စ်က အဖွင့်ဂိုး၊ ၈၅ မိနစ်မှာလည်း ပယ်နယ်တီကနေပဲ မိုရာတာက ဒုတိယဂိုးနဲ့ ၈၇ မိနစ်မှာ လူစားဝင်ကစားသမား အိုယာဇာဘယ်လ်တို့က သွင်းယူပေးခဲ့ပါတယ်။ စပိန်အသင်းဟာ ယူရို ၂၀၂၀ ခြေစစ်ပွဲ လေးပွဲကစား လေးပွဲလုံးအနိုင်ရပြီး အုပ်စု ထိပ်ဆုံးက ဦးဆောင်နေပါတယ်။ ဆွီဒင်အသင်းကတော့ လေးပွဲကစား ၇ မှတ်နဲ့ ဒုတိယနေရာမှာ ရပ်တည်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up