အမရပူရမြို့နယ်တွင် ဆီတင်ဆီချ ဆိပ်ခံတံတား ဖွင့်လှစ်
1.4K
မြန်မာနိုင်ငံ အထက်ပိုင်းကို စက်သုံးဆီသိုလှောင်ဖြန့်ဖြူးဖို့ ရည်ရွယ်ချက်နဲ့ မန္တလေးတိုင်းဒေသကြီး ဆီတင်ဆီချဆိပ်ခံတံတားနဲ့ စက်သုံးဆီ သိုလှောင်ကန်ဖွင့်ပွဲကို အမရပူရမြို့နယ် အိုးတုတ္တန်းလမ်းသစ်မှာ ဇွန် ၂ ရက်နေ့က ပြုလုပ်ခဲ့ပါတယ်။
မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က “ဒီပရော့ဂျက်တခုကို ကျနော့်ဆီ စာတင်တဲ့ အချိန်မှာ စိုးလည်း စိုးရိမ်တယ်၊ ကြောက်လည်း ကြောက်တယ်။ ဘာကြောင့်လဲဆိုတော့ ဒီနေ့ ဒီမိုကရေစီခေတ်မှာ ပွင့်လင်းမြင်သာမှု ရှိရမယ်၊ တာဝန်ယူမှု တာဝန်ခံမှုရှိရမယ်။ ဒီလိုစက်သုံးဆီနဲ့ ပတ်သက်လာလို့ရှိရင် တခုခုဖြစ်သွားရင် ကျနော်တို့က တာဝန်ခံရမှာပါ။ အထူး သဖြင့် ဒီနေရာဟာ အချက်အချာကျတဲ့ နေရာပါ။ တနည်းအားဖြင့် တံတားဦးရှေးဟောင်းနယ်မြေနဲ့ နီးတယ်။ ဧရာဝတီ၊ ဒုတ္ထဝတီမြစ်ငယ်မြစ်တို့ ဆုံတဲ့နေရာဖြစ်တဲ့အတွက် တော်တော်ကို သတိထားရပါတယ်။” လို့ ပြောပါတယ်။
ဒီစီမံကိန်းဟာ တံတားဦးရှေးဟောင်းနယ်မြေနဲ့နီးတာကြောင့် သဘာဝပတ်ဝန်းကျင် ထိန်းသိမ်းရေးသမားတွေက ကန့်ကွက်လာနိုင်တာကြောင့် သဘာဝပတ်ဝန်းကျင် ထိန်းသိမ်းရေးအစီအမံတွေနဲ့ စနစ်တကျ တည်ဆောက်ဖို့ ညွှန်ကြားခဲ့တယ်လို့ ဆိုပါတယ်။
ရွှေကြက်ယက်ဆိပ်ကမ်းမှာ ဆီကုန်တင်ကုန်ချ လုပ်နေတာ မီးဘေးအန္တရာယ်အတွက် စိုးရိမ်ရတဲ့အနေအထားကြောင့် ဒီစီမံကိန်းကို လုပ်ဆောင်တာလို့ ဆိုပါတယ်။
“ဒီစီမံကိန်း ဂါလန် ၂ သန်းဆံ့၊ အလုံးရေ ၃၄ လုံး တည်ဆောက်သွားမှာဖြစ်တယ်။ ဒီက ကားတွေ စက်သုံးဆီရရှိဖို့အတွက် ဒီနေရာကနေ အထက်ဗမာပြည်တခုလုံးကို ဖြန့်ဖြူးမှာပါ။ စနစ်ကျတဲ့ ဖြန့်ဖြူးမှုမျိုးနဲ့ ဖြန့်ဖြူးသွားမှာဖြစ်တယ်။”
ဒီစီမံကိန်းကို မြန်မာ့စွမ်းအင်ကဏ္ဍဖွံ့ဖြိုးတိုးတက်ရေး အများပိုင်ကုမ္ပဏီက အမရပူရမြို့နယ် အိုးတုတ္တန်းလမ်း အနောက်ဘက် ဧရာဝတီမြစ်နဲ့ ဒုဌ၀တီမြစ်အနီး မြေ ၄၁.၁၀ဧက အကျယ်ရှိ မြေနေရာမှာ ၂၀၁၅ ခုနှစ်က စတင်တည်ဆောက်ခဲ့တာပါ။
ဆီတင်ဆီချဆိပ်ခံတံတားနဲ့ စက်သုံးဆီ သိုလှောင်ကန်ဖွင့်ပွဲကို မန္တလေးတိုင်းဒေသကြီး ၀န်ကြီးချုပ်ဒေါက်တာ ဇော်မြင့်မောင်၊ လျှပ်စစ်နဲ့ စွမ်းအင်ဝန်ကြီးဌာန ဒုဝန်ကြီးဒေါက်တာထွန်းနိုင်၊ MESDP Co.,Ltd မှ ဥက္ကဋ္ဌ ဒေါက်တာဝင်းမြင့် နယ်စပ်ရေးရာဝန်ကြီးနဲ့ တိုင်းဒေသကြီးအစိုးရက တာဝန်ရှိသူတွေ တက်ရောက်ခဲ့ကြပါတယ်။
