စိုက္ပ်ိဳးေရးေခ်းေငြ က်ပ္ ၈၄ ဘီလီယံအနက္ ရခိုင္ေတာင္သူမ်ား ၂၀ ဘီလီယံသာ ျပန္ဆပ္
Email This Story :
ျမန္မာ့လယ္ယာဖြံ႔ၿဖိဳးေရးဘဏ္ကေန မႏွစ္ကထုတ္ေခ်းထားတဲ့ စိုက္ပ်ိဳးေရးေခ်းေငြ က်ပ္ ၈၄ ဒသမ ၄ ဘီလီယံအနက္ ဘီလီယံ ၂၀ ေက်ာ္ ကိုသာ ရခိုင္ျပည္နယ္ရွိ ေတာင္သူေတြက ျပန္ဆပ္ႏိုင္ၾကတယ္လို႔ ရခိုင္ျပည္နယ္ဘဏ္ခြဲ တာဝန္ရွိသူေတြက ေျပာပါတယ္။
ရခိုင္ျပည္နယ္ ၿမိဳ႕နယ္ ၁၇ ခုက ေတာင္သူေပါင္း ၁၁၀၀၀၀ ေက်ာ္ကို ထုတ္ေခ်းခဲ့တာျဖစ္ၿပီး အဲဒီေခ်းေငြေတြကို ၅ လအတြင္း ျပန္ဆပ္ရမွာျဖစ္ေပမယ့္ တႏွစ္ၾကာျမင့္တဲ့ အခ်ိန္အထိ အမ်ားစုမွာ ျပန္မဆပ္ႏိုင္ေသးတာေၾကာင့္ လယ္ယာဖြံ႔ၿဖိဳးေရးဘဏ္အေနနဲ႔ ထိခိုက္ မႈေတြရွိေန တယ္လို႔ ျမန္မာ့လယ္ယာဖြံ႔ၿဖိဳးေရးဘဏ္ ရခိုင္ျပည္နယ္မန္ေနဂ်ာ ဦးေအးသိန္းကေျပာပါတယ္။
ေခ်းေငြျပန္မဆပ္ႏိုင္တဲ့ ေတာင္သူေတြကို ပထမဆုံးအေနနဲ႔ ဘဏ္ဥပေဒစည္း မ်ဥ္းစည္းကမ္းေတြအရ စည္း႐ုံးေကာက္ခံမွာျဖစ္ၿပီး လုံးဝစည္း႐ုံးလို႔ မရတဲ့သူေတြကိုေတာ့ ဥပေဒအရ အေရးယူေဆာင္ရြက္ေနတယ္လို႔ ဆိုပါတယ္။
လယ္ေျမမေကာင္းတာေၾကာင့္ စပါးအထြက္ႏႈန္းက်ဆင္းတာ၊ လယ္ေျမထဲကို ဆားငံေရဝင္ေရာက္တာ၊ အလုပ္သမားရွားပါးလို႔ အခေၾကးေငြပိုေပးရတာ စတဲ့အခက္ အခဲေတြကို ေတာင္သူလယ္သမားေတြအေနနဲ႔ ရင္ဆိုင္ေနရတာေၾကာင့္လည္း သတ္မွတ္ခ်ိန္ အတြင္း ျပန္ဆပ္ဖို႔ ၾကန္႔ၾကာေနၾကရတာ ျဖစ္ပါတယ္။
မႏွစ္က ဒီအခ်ိန္မွာဆိုရင္ ေခ်းေငြရဲ႕ ၅၀ ရာခိုင္ႏႈန္းေက်ာ္ကို ျပန္လည္ရရွိထားၿပီျဖစ္ေပမယ့္ ဒီႏွစ္မွာေတာ့ ၂၅ ရာခိုင္ႏႈန္းေလာက္သာ ျပန္လည္ ရရွိေသးတာ လည္း ျဖစ္ပါတယ္။
တႏွစ္ေခ်းထားတဲ့ ေငြကို ျပန္ဆပ္ႏိုင္သူေတြကိုသာ ျပန္လည္ထုတ္ေခ်းမွာျဖစ္လို႔ တတ္ႏိုင္တဲ့ ေတာင္သူေတြ ျပန္ဆပ္ၾကဖုိ႔လိုအပ္ၿပီး ျပန္ဆပ္ႏိုင္တဲ့ ေတာင္သူေတြကို ထပ္မံ ေခ်းယူခြင့္ျပဳတယ္လို႔လည္း ျမန္မာ့လယ္ယာဖြံ႔ၿဖိဳးေရးဘဏ္က သိရပါတယ္။
ဝဏၰခြာညိဳ
-
သတင်းဓာတ်ပုံ
-
နွေရာသီကို ကဗျာများဖြင့် အလှဆင်ထားသည့် ရေနံချောင်းကောလိပ် (ဓာတ်ပုံ)
-
ရခိုင်စစ်ပွဲများရပ်တန့်ရေး ကျောင်းသားသမဂ္ဂများစုပေါင်းဆန္ဒပြ
-
မင်္ဂလာတောင်ညွန့်တွင် နောက်ဖေးလမ်းကြားဥယျာဉ် ဖွင့်လှစ် (ဓာတ်ပုံ)
-
မဟာဗန္ဓုလပန်းခြံတွင် ဓာတ်ပုံပြပွဲ ပြုလုပ် (ဓာတ်ပုံ)
-
ရန်ကုန်ယုဝတီခရစ်ယာန်အသင်း နှစ် ၄၀ ပြည့် ကျင်းပ (ဓာတ်ပုံ)
-
-
