တိုက်ကြီးတွင် စက်ရုံကြို/ပို့သုံးဘီးဆိုင်ကယ်တိမ်းမှောက်၊ ၁၇ ဦး ဒဏ်ရာရ

တိုက်ကြီးမြို့နယ်၊ ပုတ္တကျေးရွာကနေ မှော်ဘီ MGE အထည်ချုပ်စက်ရုံကို ကြို/ပို့ပြု လုပ်နေတဲ့ သုံးဘီးဆိုင်ကယ် ဒီနေ့မနက်ပိုင်းက တိမ်းမှောက်မှုဖြစ်ပွားခဲ့တာကြောင့် ၁၇ ဦး ဒဏ်ရာရရှိခဲ့တယ်လို့ သိရပါတယ်။ ယာဉ်မောင်း သန့်ဇင်အောင် မောင်းနှင်လာတဲ့ သုံးဘီးဆိုင်ကယ်မှာ ရန်ကုန်-ပြည်ကားလမ်း မိုင်တိုင်အမှတ် ၄၅ နဲ့ ၄၆ ကြားအရောက် အရှိန်မထိန်းနိုင်ဘဲ တိမ်းမှောက်ခဲ့တာပါ။ ယာဉ်တိမ်းမှောက်မူကြောင့် ယာဉ်မောင်း အပါအဝင် ယာဉ်ပေါ်လိုက်ပါလာတဲ့ စက်ရုံဝန်ထမ်း ၁၇ ဦး ထိခိုက်ဒဏ်ရာရရှိပြီး အမျိုးသမီး ၅ ဦးကတော့ စိုးရိမ်ရလို့ အင်းစိန်ဆေးရုံကို ပို့ဆောင်ကုသထားရပါတယ်။ ယာဉ်မောင်းအပါအဝင် အမျိုးသား ၃ ဦးနဲ့ အမျိုးသမီး ၉ ဦးကိုကတော့ တိုက်ကြီးဆေးရုံမှာ ဆေးကုသမှု ခံယူနေရပါတယ်။ သတင်း-မေသွယ်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up