သာစည်တွင် ခရီးသည်တင်ကားနှင့် ထောက်ပို့တပ်ကား တိုက်မိ၊ ၁ ဦးသေဆုံး ၁၁ ဦးဒဏ်ရာရ
DVB
·
May 17, 2019
တောင်ကြီး-မိတ္ထီလာလမ်း မိုင်တိုင် ၃၈/၄ နဲ့ ၅ အကြား သာစည်မြို့နယ် ရေပေါင်းဆုံရွာအနီးမှာ မေ ၁၆ ရက်နေ့လယ်က ခရီးသည်တင်ကားနဲ့ ထောက်ပို့တပ်ကားတို့ တိုက်မိရာ ၁ ဦးသေဆုံး၊ ၁၁ ဦး ဒဏ်ရာရသွားတယ်လို့ ယင်းမာပင်ရွာရဲစခန်းက ပြောပါတယ်။
ယာဉ်မောင်း စိုးမင်းထွေးက မောင်းလာတဲ့ မကွေး-တောင်ကြီး ခရီးသည်တင်ကားကို တပ်သား အောင်ဇော်မင်း (ခ) ဒိန်းဒေါင် မောင်းလာတဲ့ ထောက်ပို့တပ်ကားက လမ်းအကွေ့မှာ ခရီးသည်တင်ကားရဲ့ ဘယ်ဘက်ခြမ်းနောက်ဘက်အား တိုက်မိခဲ့တာပါ။
ခရီးသည်တင်ကားပေါ်ပါ အမျိုးသား ၇ ဦး၊ အမျိုးသမီး ၅ ဦး ဒဏ်ရာရကြပြီး ရှားတောရွာ ချောက်မြို့နယ်နေ ဒေါ်မြင့်မြင့်သန်း (၅၀ နှစ်) ကတော့ အခင်းဖြစ်နေရာမှာ သေဆုံးသွားပါတယ်။
ယင်းမာပင်ရွာရဲစခန်း တာဝန်ကျရဲအရာရှိက "ခရီးသည်ကားက ယာဉ်မောင်းပါ ၁၂ ဦး ဒဏ်ရာရတယ်။ အမျိုးသမီး ၁ ဦးကတော့ နေရာတင် သေဆုံးသွားတယ်။ ယင်းမာပင်တိုက်နယ်ဆေးရုံ ပို့ပေးရတယ်" လို့ ပြောပါတယ်။
ရေပေါင်းဆုံရွာခံတဦးက "ကားတွေကတော့ နှစ်စီးလုံး စုတ်ပြတ်ကုန်တာပဲ။ အရှိန်တွေပါကြတယ်၊ ခရီးသည်တွေ ဒဏ်ရာရကုန်တယ်"လို့ ပြောပါတယ်။
ထောက်ပို့တပ်ကားပေါ်ပါ တပ်ကြပ်ကြီး အောင်ဝင်း နဲ့ ယာဉ်မောင်း တပ်သားအောင်ဇော်မင်း (ခ) ဒိန်းဒေါင်တို့ကတော့ ဒဏ်ရာမရကြဘူးလို့ ဆိုပါတယ်။
သာစည်မြို့နယ် ယင်းမာပင်ရွာ ရဲစခန်းက တပ်သားအောင်ဇော်မင်း (ခ) ဒိန်းဒေါင်ကို ယာဉ်မဆင်မခြင်မောင်းနှင်မှုကြောင့် လူသေဆုံးမှု ရာဇသတ်ကြီးပုဒ်မ-၃၀၄(က) ပြင်းထန်ဒဏ်ရာရရှိမှု ရာဇသတ်ကြီး ပုဒ်မ-၃၃၈၊ သာမန်ဒဏ်ရာရစေမှုရာဇသတ်ကြီး ပုဒ်မ-၃၃၇ တို့နဲ့ အမှုဖွင့်ထားတယ်လို့ သိရပါတယ်။
သတင်း-မောင်မောင်လင်း
