မန်ယူ ပရီးမီးယားလိဂ်ဖလား ဆွတ်ခူးနိုင်ရန် အချိန်ယူရမည်ဟု ဆိုးလ်ရှားပြော

ဓာတ်ပုံ - Reuters
မန်ချက်စတာယူနိုက်တက်အနေနဲ့ ပရီးမီးယားလိဂ် ချန်ပီယံဆု ရယူနိုင်ဖို့ အချိန်အများကြီး ယူရလိမ့်မယ်လို့ နည်းပြ ဆိုးလ်ရှားက ပြောလိုက်ပါတယ်။ ယူနိုက်တက်ဟာ မနေ့ညက ပရီးမီးယားလိဂ် နောက်ဆုံးပွဲစဉ်မှာ ကာဒစ်ကို ၂ ဂိုး ဂိုးမရှိနဲ့ ရှုံးပြီး ရမှတ် ၆၆ မှတ်နဲ့ အဆင့် ၆ နေရာမှာပဲ ရပ်တည်နိုင်ခဲ့တာပါ။ ချန်ပီယံ မန်စီးတီးနဲ့ဆိုရင် မန်ယူဟာ ၃၂ မှတ်တောင် ကွာဟပါတယ်။ မန်ယူဟာ နောက်ဆုံးကစားတဲ့ ပရီးမီးယားလိဂ် ၇ ပွဲမှာ ၁ ပွဲသာ အနိုင်ရခဲ့ပါတယ်။ မန်ယူနည်းပြ ဆိုးလ်ရှားကတော့ ချန်ပီယံဆုအတွက် ရေရှည် အချိန်အများကြီး ယူရမှာဖြစ်ပြီး အချိန်တိုအတွင်းမှာ ဆိုရင်တော့ အဆင့် ၄ ဝင်ရေးကိုပဲ အာရုံစိုက်ရမှာ ဖြစ်တယ်လို့ ဆိုထားပါတယ်။ မန်ယူအသင်းဟာ ဒီနှစ်ရာသီမှာ ၁၉ ပွဲပဲနိုင်ပြီး ၉ ပွဲသရေနဲ့ ၁၀ ပွဲရှုံးပြီး အဆင့် ၆ နဲ့ လာမယ့်ရာသီ ယူရိုပါလိဂ်ဝင်ခွင့်နဲ့ပဲ ကျေနပ်ခဲ့ရပါတယ်။ မန်ချက်စတာယူနိုက်တက်အသင်းဟာ ပရီးမီးယားလိဂ်ဖလားကို ၂၀၁၃ ခုနှစ်က နောက်ဆုံး ဆွတ်ခူးထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up