ရှေးဟောင်း ပါဝမ်ယဉ်ကျေးမှု တက်တူးပညာကို ပြန်အသက်သွင်း (ရုပ်သံ)

ရှေးဟောင်း ပါဝမ်ယဉ်ကျေးမှု တက်တူးပညာကို ထိုင်ဝမ် တက်တူးပညာရှင်တဦးက ပြန်အသက်သွင်းနေပါတယ်။ ထိုင်ဝမ်နိုင်ငံမှာ ဒုတိယအကြီူးဆုံး တိုင်းရင်းသား မျိုးနွယ်စုဖြစ်တဲ့ ပါဝမ်တွေရဲ့ ရိုးရာတက်တူးပညာဟာ စက်မဲ့ တက်တူးထိုးပညာဖြစ်ပါတယ်။ အဲဒီပညာဟာ ပထမ  ဂျပန် ကိုလိုနီတွေ၊ နောက်တော့ တရုတ်အမျိုးသားဝါဒီ အစိုးရတွေရဲ့ ဆယ်စုနှစ်ချီ တားမြစ်မှုကြောင့် ပျောက်ကွယ်လုနီးပါး ဖြစ်ခဲ့ပါတယ်။ အခုအခါမှာတော့ ထိုင်ဝမ်တက်တူးပညာရှင် တယောက်ဟာ ဂျပန် စာအုပ်တအုပ်ကနေ ပါဝမ်ရိုးရာ တက်တူးပညာကို တွေ့ရှိပြီး ပျောက်ဆုံးရိုးရာပညာကို ပြန်အသက်သွင်းနေပါတယ်။ “ကျနော်တို့ ပါဝမ်ယဉ်ကျေးမှုမှာ တွင်းအောင်းမြွေပွေးဟာ ဘိုးဘွားတွေရဲ့ ၀ိညာဉ်နဲ့ အစောင့်အရှောက်နတ်တွေကို ကိုယ်စားပြုပါတယ်။ နေမင်းရယ်၊ မြွေရယ်၊ လင်းယုန်ထီးတွေဟာ အစောင့်အရှောက်နတ်တွေပါပဲ။ ပြောရရင် အတော်လေး ထူးခြားပါတယ်။ ဒီတြိဂံပုံစံတွေဟာ လင်းယုန်တောင်ပံတွေကို ကိုယ်စားပြုပါတယ်။” “ရှေးမျိုးနွယ်စုတခုစီမှာ သူတို့ကိုယ်ပိုင်တက်တူး ပုံစံတွေကို လက်ဆင့်ကမ်းကြတဲ့ တက်တူးပညာရှင်တွေ ရှိကြမယ်လို့ ကျနော်မျှော်လင့်ပါတယ်။” လို့ ပါဝမ်ရိုးရာ တက်တူးပညာရှင်  ပါသီဒရေးစ်က ပြောပါတယ်။ “အစပိုင်း တက်တူးအစက် ချတုန်းကတော့ မနာပါဘူး။ အခု လိုင်းဖော်နေချိန်မှာတော့ နာတယ်” လို့ ရိုးရာတက်တူးထိုးသူတဦးက ပြောပါတယ်။ လက်နဲ့ရိုက်ပြီး ထိုးတဲ့ တက်တူးပညာဟာ ဆာမိုအာ၊ ဖိလစ်ပိုင်၊ ဟာဝိုင်အီနဲ့ ပစိဖိတ်ကျွန်းတွေက တိုင်းရင်းသားယဉ်ကျေးမှု တချို့မှာ ဒီကနေ့တိုင် ရှင်သန်နေပါတယ်။ ဒါကြောင့် ထိုင်ဝမ်တိုင်းရင်းသား မျိုးနွယ်စုတွေဟာလည်း  ပါဝမ်တက်တူးပညာကို ကမ္ဘာကျော်အောင်လုပ်ပြီး အစဉ်အဆက် လက်ဆင့်ကမ်း ထိန်းသိမ်းသင့်တယ်လို့  တက်တူးပညာရှင် ပါသီဒရေးစ်က ယုံကြည်နေပါတယ်။

More News
Up