A d v e r t i s e m e n t With Us

မိုးပျံရထားစီမံကိန်းဧရိယာထဲမှ အဆောက်အဦများ ပြင်ဆင်တိုးချဲ့ ရောင်းချပါက လျော်ကြေးမပေး

ရန်ကုန်မိုးပျံရထားလမ်းစီမံကိန်း အပိုင်း ၁ ဧရိယာထဲမှာရှိနေတဲ့ အဆောက်အဦတွေကို မေလ ၆ ရက်နေ့ နောက်ပိုင်းမှာ ပြင်ဆင်၊ တိုးချဲ့၊ ရောင်းချတာတွေ လုပ်မယ်ဆိုရင် လျော်ကြေးရမှာ မဟုတ်ဘူးလို့ မြို့တော်ဝန်က ကြေညာပါတယ်။ ရန်ကုန်မြို့ပြ လူထုရထားပို့ဆောင်ရေးစီမံကိန်း (YUMRT) အတွက် ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ကနေ သဘာဝ ပတ်ဝန်းကျင်နဲ့ လူမှုပတ်ဝန်းကျင် ထိခိုက်မှု ဆန်းစစ်တာတွေကို စစ်တမ်းကောက်ယူဖို့ ရှိပါတယ်။ ဒီအတွက် မေလ ၆ ရက်က စတင်မှာဖြစ်ပြီး ဒီနေ့နောက်ပိုင်းမှာ ဧရိယာထဲမှာရှိတဲ့ အဆောက်အဦတွေကို ပြုပြင်တာ၊ တိုးချဲ့တည်ဆောက်တာ၊ အသစ်တည်ဆောက်တာ၊ မြေယာလွှဲပြောင်းတာ၊ ရောင်းချတာတွေ လုပ်မယ်ဆိုရင် မြေယာလျော်ကြေးနဲ့ ပြန်လည်နေရာချထားရေး၊ ဂရုဏာကြေးပံ့ပိုးပိုးမယ့် အစီအစဉ်တွေ ရမှာမဟုတ်ဘူးလို့ ဆိုပါတယ်။ စစ်တမ်းကောက်ယူမယ့်နေ့ကိုတော့ ဇွန်လ ၃၀ ရက်အထိ သတ်မှတ်ထားပါတယ်။ စီမံကိန်းမှာ ကနဦးတည်ဆောက်မှာကတော့ လှိုင်သာယာ-ပါရမီလမ်းဖြစ်ပြီး လှိုင်သာယာဘူတာကနေ ရန်ကုန်- ပုသိမ်လမ်းအတိုင်း လှိုင်မြစ်ကိုဖြတ်ပြီး ပါရမီလမ်းအတိုင်း ပါရမီဘူတာအထိ ဖြစ်ပါတယ်။ စီမံကိန်းနယ်မြေကတော့ လှိုင်သာယာဘူတာပရဝုဏ်မှာ ၅၄ ဧကကျော်၊ ရန်ကုန်-ပုသိမ်လမ်းတလျှောက်မှာ ရထားလမ်းအလယ်မျဉ်းရဲ့ တဖက်တချက်စီ ၁၄ မီတာခွဲ (၄၇ ပေခွဲကျော်)၊ ပါရမီလမ်းတလျှောက်မှာ ရထားလမ်းအလယ်မျဉ်းရဲ့ တဖက်တချက်စီ ၁၁ မီတာ (၃၆ ပေကျော်) ဖြစ်ပါတယ်။ ဒီစီမံကိန်းကို ပို့ဆောင်ရေးနဲ့ ဆက်သွယ်ရေးဝန်ကြီးဌာန၊ ရန်ကုန်တိုင်း အစိုးရနဲ့ ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီတို့ ပူးပေါင်းလုပ်ဆောင်နေတာပါ။

A d v e r t i s e m e n t With Us

More News
Up