တက္ကသိုလ်ဝင်စာမေးပွဲ ရမှတ် ပြန်စစ်ပေးရန် လျှောက်ထားနိုင်

တက္ကသိုလ်ဝင်စာမေးပွဲမှာ ရမှတ်တွေဟာ မျှော်လင့်သလိုမရဘူးဆိုရင် ပြန်စစ်ပေးဖို့ လျှောက်ထားနိုင်ပြီး ဒီနှစ်မှာတော့ စစ်ဆေးခကို အရင်ကထက် ၅ ဆ တိုးမြှင့်လိုက်ပါတယ်။ အမှတ်စာရင်းတွေ စထုတ်ပေးပြီး ၂ ပတ်အကြာမှာ စတင်လျှောက်ထားနိုင်မယ်လို့ မြန်မာနိုင်ငံ စာစစ်ဦးစီးဌာနက ထုတ်ပြန်ပါတယ်။ ရမှတ်တွေ ဖြည့်သွင်းရာမှာ မှားတာရှိရင် အမှတ်စာရင်းကို ပြင်ဆင်တာ၊ လိုအပ်ရင် အောင်စာရင်းကို ပြင်ဆင်ပေးတာတွေ လုပ်ပေးမယ်လို့ မြန်မာနိုင်ငံစာစစ်ဦးစီးဌာန ဒုညွှန်ကြားရေးမှူး ဒေါက်တာ မြတ်စိုးအောင်ကပြောပါတယ်။ “အမှားတွေ့တာ တော်တော်နည်းပါတယ်။ တသိန်းမှာ တယောက်မရှိဘူးလို့ ပြောရမယ်။ အရင်ကတော့ တော်တော်လျှောက်ကြတယ်။ ခု နောက်ပိုင်းတော့ အယောက် ၄၀၀ ဝန်းကျင်လောက်ပဲ လျှောက်ကြတယ်” လို့ ပြောပါတယ်။ ပြန်စစ်ဆေးခ တဘာသာကို ကျပ် ၂၅၀၀၀ ကျမှာ ဖြစ်ပြီး ဒါဟာလည်း တကယ်သိချင်သူတွေပဲ လျှောက်ထားအောင် တိုးမြှင့်တာလို့ သူက ဆိုပါတယ်။ “အရင်က ငွေနည်းတော့ လျှောက်ကြတာ အများကြီးပဲ။ ဆိုတော့ ကျနော်တို့ အလုပ်လုပ်ရတာ အဟန့်အတားဖြစ်တယ်ဗျ။ ဒါကြောင့် လူကြီးတွေက ခုလို စီစဉ်လိုက်တာ။ အဖြေလွှာတခုကို ပြန်စစ်တာ မလွယ်ဘူးလေ” အဖြေလွှာတွေ ပြန်စစ်ပေးဖို့အတွက် လျှောက်လွှာတွေရပြီးရင် သက်ဆိုင်ရာ တက္ကသိုလ်တွေကို ပို့ရပြီး ပြန်စစ်ပြီးစီးဖို့အတွက်  ၂ လလောက်ကြာမြင့်မှာ ဖြစ်ပါတယ်။ ပြန်စစ်ပေးဖို့ လျှောက်ထားပေမယ့် ပြန်ကြားစာ ရောက်မလာဘူးလို့ ဝေဖန်တာတွေ ရှိနေပြီး ဒီအတွက်ကတော့ ကိုယ်တိုင်လာရောက်လျှောက်ထားဖို့၊ လိပ်စာမှန်ကန်ဖို့ လိုတယ်လို့ဒုညွန်မှူးက ပြောပါတယ်။ အဖြေလွှာတွေကို ပြန်စစ်ချင်တယ်ဆိုရင် မြန်မာနိုင်ငံစာစစ်ဦးစီးဌာန နေပြည်တော်ရုံး အမှတ် ၅၂ ဒါမှမဟုတ် ရန်ကုန်ရုံးခွဲ၊ ပါရမီလမ်း၊ လှိုင်မြို့နယ်မှာ စစ်ဆေးခပေးသွင်းပြီး လျှောက်လွှာပုံစံဖြည့် လျှောက်ထားရမှာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up