A d v e r t i s e m e n t With Us

ဒီထက်ပိုပြီးတော့ စည်းလုံးညီညွှတ်သင့်နေပါပြီ – နေမာ

အသင်းက လူငယ်ကစားသမားလေးတွေအနေနဲ့ စကားများနေတာကို လျော့ပြီး အတွေ့အကြုံရင့် စီနီယာတွေရဲ့ စကားကို ပိုနားထောင်သင့်တယ်လို့ PSG အသင်းရဲ့တိုက်စစ်မှူး နေမာက ဝေဖန်သွားခဲ့ပါတယ်။ ရမ်းနက်စ်အသင်းကို ရှုံးနိမ့်ခဲ့တဲ့ လိဂ်ဖလားပွဲအပြီးမှာ နေမာက ဒီလိုပြောဆိုခဲ့တာဖြစ်ပြီး “ကျနော်တို့ အဝတ်လဲခန်းထဲမှာဆိုရင် ပိုပြီးတော့ လူကြီးလူကောင်း ဆန်သင့်ပါတယ်။ ကျနော်တို့ ဒီထက်ပိုပြီးတော့ စည်းလုံးညီညွတ်သင့်နေပါပြီ” လို့ သူကပြောပါတယ်။ “သူတို့ပြောချင်တာတွေ ပြောနေတာထက် သူများပြောတာကို ပိုနားထောင်သင့်ပါတယ်။ တခါတလေဆိုရင် သူတို့ထက်အတွေ့အကြုံရှိတဲ့ ကစားသမားတယောက်ကပြောရင် သူတို့က ပက်ကနဲ ပြန်ပြောတယ်။ နည်းပြကပြောရင်လည်း သူတို့က သိပ်မနာခံချင်ကြဘူး။ အသင်း တသင်းအနေနဲ့ ဒီလိုဖြစ်လို့မရဘူးလေ။ ကျနော်တို့က သူတို့ထက်ပိုပြီးတော့ အတွေ့အကြုံရှိတယ်၊ ဒါ့ကြောင့် လူငယ်ကစားသမားတွေအနေနဲ့ ကျနော်တို့ကို ပိုလေးစားသင့်တယ်။ ကျနော်တို့ ပြောတာကို ပိုနာခံသင့်တယ်။ ကျနေ့ာ်လူငယ်ကစားသမားဘဝကိုလည်း စီနီယာတွေဆီမှာ သင်ယူလေ့လာရင်းနဲ့ပဲ ဖြတ်သန်းခဲ့ရတာပါပဲ” လို့ ပွဲအပြီး အင်တာဗျူးအစီစဉ်မှာ နေမာက ပြောဆိုသွားခဲ့တာ ဖြစ်ပါတယ်။ “အခု ကျနော်တို့အသင်းမှာ ဒီလိုမျိုးလူငယ်ကစားသမား တချို့ကို မြင်တွေ့နေရပါပြီ” လို့လည်း နေမာက ဆက်လက်ပြောဆိုသွားခဲ့ပါတယ်။ ငွေကြေးများစွာ ရင်းနှီးမြှုပ်နှံထားတဲ့ PSG အသင်းဟာ ရမ်းနက်စ်အသင်းကို မထင်မှတ်ဘဲ ရှုံးနိမ့်ခဲ့မှုကြောင့် ဖလားတလုံးကို လက်လွှတ်လိုက်ရပြီဖြစ်ပါတယ်။ ဒီပွဲမှာ ပွဲချိန်အတွင်းနှစ်သင်း တဖက် ၂ ဂိုးစီ သရေဖြစ်နေခဲ့ပြီး ပင်နယ်တီ အဆုံးအဖြတ်ခံယူရာမှာ ခရစ္စတိုဖာအန်ကန်ကူရဲ့ လွဲချော်မှုကြောင့် အခုလို ရှုံးနိမ့်ခဲ့ရတာပါ။ ဘရာဇီးလ်လက်ရွေးစင် တိုက်စစ်မှူးနေမာဟာ အခုပွဲစဉ်မှာ အသင်းအတွက် ဒုတိယဂိုးကို သွင်းယူပေးခဲ့ပါတယ်။ ဒီပွဲရှုံးနိမ့်မှုကြောင့် PSG အသင်းဟာ ဒီနှစ်ရာသီမှာ လီဂူး ဖလားတလုံးသာ ရရှိတော့မှာဖြစ်ပြီး ဒါဟာ အသင်းကို ကာတာသူဌေးတွေ လွှဲပြောင်းရယူပြီးနောက်ပိုင်း အောင်မြင်မှုအနည်းဆုံး ရာသီအဖြစ် မှတ်တမ်းဝင်သွားတော့မှာလည်း ဖြစ်ပါတယ်။

A d v e r t i s e m e n t With Us

More News
Up