ရသေ့တောင်တွင် ကလေးငယ် ၁ ဦး ဗုံးသီးထုခွဲရာမှ ပေါက်ကွဲ သေဆုံး၊ ၂ ဦးဒဏ်ရာရ
DVB
·
April 28, 2019
ရခိုင်ပြည်နယ် ရသေ့တောင်မြို့နယ် ခရုချောင်းကျေးရွာမှာ ဧပြီလ ၂၈ ရက်နေ့ မနက်က ကလေးငယ် ၃ ဦး ကျေးရွာအနီးချောင်းကမ်းပါးမှာ တွေ့ရှိတဲ့ ဗုံးသီးတလုံးကို ထုခွဲကြည့်ရာမှ ပေါက်ကွဲပြီး တဦး သေဆုံးခဲ့တယ်လို့ ခရုချောင်းဆရာတော်က မိန့်ပါတယ်။
၁၄ နှစ်အရွယ် ယောက်ျာလေးတဦး သေဆုံးပြီး ၈ နှစ်အရွယ် ယောက်ျားလေးတဦးနဲ့ ၄ နှစ်အရွယ်မိန်းကလေး တဦး ပြင်းထန်စွာဒဏ်ရာရရှိခဲ့ပြီး ရသေ့တောင်ဆေးရုံကို ပို့ဆောင်ခဲ့ရပါတယ်။
ခရုချောင်းဆရာတော်က "ဒီနေ့မနက် ၈ နာရီလောက်ကပါ။ ကလေးတွေကစားနေရာမှ ချောင်းကမ်းနားမှ ဗုံးသီးတလုံး ကောက်ရခဲ့ပြီး ထုခွဲကြည့်ရာမှ ဗုံးသီးပေါက်ကွဲသွားတာဖြစ်တယ်။ ညီကို ၂ ဦးမှာ အကြီးက သေတယ်။ ညီဖြစ်သူက ဒဏ်ရာရတယ်။ နောက် ၄ နှစ်အရွယ် မိန်းကလေးတဦး ဒဏ်ရာရကြတယ်။ ဒဏ်ရာရသူတွေကို ရသေ့တောင်ဆေးရုံကို ယူဆောင် သွားပါတယ်။ သေဆုံးတဲ့ ကလေးကိုလည်း ဆေးရုံကို ယူသွားရမှာပါ"လို့ မိန့်ကြားပါတယ်။
သေဆုံးသူ မှာ မောင်အောင်မျိုးဝင်း ၁၄ နှစ် ဖြစ်ပြီး ဒဏ်ရာရသူမှာ အောင်မျိုးနိုင် ၁၂ နှစ် နဲ့ ၄ နှစ်အရွယ် အမျိုးသမီးလေးတဦး ဖြစ်ကြောင်းသိရပါတယ်။
ရခိုင်ပြည်နယ်မှာ တပ်မတော်နဲ့ အေအေ တိုက်ပွဲဖြစ်နေပြီး ရသေ့တောင်မြို့နယ်နဲ့ ဘူသီးတောင်မြို့နယ်တွေရှိ ကျေးရွာတွေမှာ မပေါက်ကွဲသေးတဲ့ ဗုံးသီးတွေ လက်နက်ကြီးတွေ ရှိနေပြီး သက်ဆိုင်ရာကလည်း လာရောက်ရှင်းလင်းပေးတာမရှိဘူးလို့ ဒေသခံတွေက ပြောပါတယ်။
ရသေ့တောင်တွင် ကလေးငယ် ၁ ဦး ဗုံးသီးထုခွဲရာမှ ပေါက်ကွဲ သေဆုံး၊ ၂ ဦးဒဏ်ရာရ
ဗညား
