မိုင်းဖုန်းဆရာတော် ၃ နှစ်၊ ၃ လ၊ ၃ ပတ် ၃ ရက်ကြာ ဂူအောင်းအဓိဋ္ဌာန်ကျင့်မည်
DVB
·
April 28, 2019
ရှမ်းပြည်နယ်အရှေ့ပိုင်း မိုင်းဆတ်ခရိုင် ရှိမုန်းကျက်ကျောက်ဂူမှာ မိုင်းဖုန်းဆရာတော် ဘဒ္ဒန္တဥာဏသံဝရဟာ ၃ နှစ် ၃ လ ၃ ပတ် ၃ ရက်ကြာ ဂူအောင်းအဓိဋ္ဌာန်ကျင့်စဉ်ကို ဧပြီ ၂၉ ရက်နေ့ စတင်တော့မယ်လို့ ဆရာတော်ရဲ့ ဝေယျာဝစ္စ ဒါယိကာတဦးဖြစ်သူ ဦးစိုင်းအောင်ကြည်က ပြောပါတယ်။
ဆရာတော်ဟာ ငယ်စဉ်ကလေးဘဝကတည်းက ဝါတွင်းကာလတိုင်း အနယ်နယ်အရပ်ရပ် ပြည်တွင်းပြည်ပနေရာဒေသ အနှံ့အပြားမှာ ရှိတဲ့ ကျောက်ဂူနဲ့ တောတောင်တွေမှာ လှည့်လည်ပြီး ဝိပဿနာ တရားအားထုတ်ကျင့်ကြံတာနဲ့ ဝါပကာလတွေမှာ တရားဟောခြင်း စေတီပုထိုးတွေ တည်ဆောက် ပြုပြင်မွမ်းမံတာ စတဲ့ သာသနာပြုလုပ်ငန်းတွေကို ဆောင်ရွက်ခဲ့တာကြောင့် နိုင်ငံတော်အစိုးရက အဘိဓဇသဒ္ဓမ္မဇောတိကဓဇ အဂ္ဂမဟာကမ္မဌာနာစရိယ ဘွဲ့တံဆိပ်တော် ကပ်လှူပူဇော်ထားပါတယ်။