မိတ္ထီလာတွင် နေအိမ် အလုံး ၂၀ မီးလောင်ကျွမ်း

မန္တလေးတိုင်းဒေသကြီး မိတ္ထီလာမြို့ ရန်မျိုးအောင်ရပ်ကွက် အောင်စပယ်ကုန်းမှာ ဒီနေ့မနက် ၄ နာရီလောက်က လျှပ်စစ်ဟင်းအိုး အပူလွန်ကဲရာမှာ မီးလောင်ကျွမ်းခဲ့တာကြောင့် လူနေအိမ် အလုံး ၂၀ ပျက်စီး ဆုံးရှုံးခဲ့တယ်လို့ မိတ္ထီလာခရိုင် မီးသတ်တပ်ဖွဲ့က ပြောပါတယ်။ အောင်စပယ် ၁ လမ်းနေ ဆိုင်ကယ် ကယ်ရီမောင်းသူ ကိုဇော်ဦးရဲ့ မြေစိုက်ထရံကာ တထပ်အိမ်မှာ လျှပ်စစ်ဟင်းအိုး အပူလွန်ကဲပြီး ပလပ်ဝါယာမှတဆင့် ထရံကို ကူးစက် မီးလောင်ခဲ့တာပါ။ နေအိမ်မီးလောင်ဆုံးရှုံးခဲ့တဲ့ မီးဘေးသင့်ပြည်သူ ၉၇ ဦးကို ရန်မျိုးအောင်ရပ်ကွက်အတွင်းက အောင်စပယ်ဓမ္မရုံမှာ နေရာချထားပေးပါတယ်။ ခရိုင်မီးသတ်တပ်ဖွဲ့ဦးစီးမှူး လက်ထောက်ညွှန်မှူး ဦးကျော်ဆန်းက "လမ်းတွေက ကျဉ်းလွန်းတော့ မီးသတ်ကား အဝင်အထွက် ခက်ခဲတယ်။ မီးသတ်ကား အစီး ၂၀ သန္ဓေအရံ မီးသတ်တပ်ဖွဲ့ဝင် ၁၀၉ ဦးတို့နဲ့ မီးငြှိမ်းသတ်တယ်၊ လုပ်သားပြည်သူနဲ့ တပ်မတော်သားတွေက ဝိုင်းဝန်း မီးငြှိမ်းပေးတယ်။ ရေဂါလန် ၂ သောင်း ၆ ထောင်လောက်သုံးရတယ်။ လူနဲ့တိရစ္ဆာန် ထိခိုက်မှု မရှိပါဘူး။ ဆုံးရှုံးမှုတန်ဖိုး ၁၈ သိန်း ၈ သောင်း ခန့်မှန်းထားတယ်" လို့ ဒီဗွီဘီကို ပြောပါတယ်။ ဒေသခံ ကိုအောင်ဝင်းက "မီးလောင်တာ ကြာလှ နာရီဝက်ကျော်လေးပေါ့။ ဆုံးရှုံးမှုတွေကတော့ များကုန်တယ်။ မိတ္ထီလာနဲ့ နီးတဲ့မြို့တွေ၊ သီးကုန်းအမြန်လမ်း မီးသတ်ကားနဲ့ တပ်မတော်ဘက်က လာကြတယ်။ လမ်းတွေက မီးသတ်ကား အဝင်အထွက် ခက်တယ်"လို့ ပြောပါတယ်။ ကိုဇော်ဦးအား မီပေါ့ဆ၍ မီးလောင်စေမှု ရာဇသတ်ကြီးပုဒ်မ ၂၈၅ နဲ့ မိတ္ထီလာအမှတ် ၂ ရဲစခန်းမှာ အမှုဖွင့်ထားတယ်လို့ သိရပါတယ်။ သတင်း-မောင်မောင်လင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up