ရှမ်းပြည်တောင်ပိုင်း၊ လွိုင်လင်ခရိုင်၊ နမ့်စန်မြို့မှာ ကျောက်မီးသွေးတွင်းက ဆိုးရွားတဲ့ အနံ့ အသက်တွေ ထွက်ရှိနေပြီး သက်ဆိုင်ရာကလည်း အရေးယူဖြေရှင်းမှုတွေ မရှိသေးဘူးလို့  ဒေသ ခံက ပြောပါတယ်။ အဆိုပါကျောက်မီးသွေးတွင်းမှာ လွိုင်လင်မှ နမ့်စံမြို့အ၀င် သံချပ်ကာတပ်မ ၇၃ ၀င်း အတွင်းမှာရှိပြီး ယခင်က ကမ္ဘောဇကုမ္ပဏီမှ ကျောက်မီးသွေးတူးဖော်ခဲ့ကြောင်း၊ ယခု တူးဖော်ရေးလုပ်ငန်း ဆက်လုပ်မလုပ် မသိရပေမယ့် မနက် ၂ နာရီကစ ယမ်းအနံ့လို နံစော်လာ တာလို့ နမ့်စန်ဒေသခံလည်းဖြစ် မြို့နယ်အမျိုးသားဒီမိုကရေစီအဖွဲ့ချုပ် ဥက္ကဋ္ဌ လည်းဖြစ်တဲ့ ဦးနေဇော်နိုင်က ဒီဗွီဘီကို ပြောပါတယ်။ “ကုမ္ပဏီက ကျောက်မီးသွေးတွေတူးယူတော့ မြေကြီးက ချိုင့်ဝှမ်းလိုဖြစ်သွားတယ်။ အဲဒီ ချိုင့်ဝှမ်းက အခုလိုမျိုး နေရှိန်တအားပူလာပြီး မိုးနည်းနည်းကျလာရင် အငွေ့ပျံတယ်၊ အငွေ့ပျံတော့ အနံ့တွေ ထွက်လာတာ၊ ယမ်းအနံ့တွေလိုပဲ။ နေ့ခင်းဆိုရင် သိပ်မသိသာဘူး၊ မနက် ၂ နာရီလောက် အိပ်ကောင်းတဲ့အချိန်ဆို တအားနံတယ်ဗျ၊ တော်တော်ဆိုးဆိုးရွားရွားနံတယ်။ ပန်းနာရင်ကြပ်ရောဂါရှိတဲ့သူတွေ၊ သက်ကြီးရွယ်အိုတွေ၊ မွေးကင်းစကလေးတွေအတွက် တအားအန္တရာယ်ရှိပါတယ်။” အဆိုပါ အနံ့အသက်တွေကို တပ်နဲ့ ကပ်လျက် မီးသွေးကုန်းကျေးရွာ၊ ထင်းရူးမြိုင်ရွာ၊ လွိုင်ယိုင်းတိုင်းကောင်၊ ပအိုဝ်းရွာသစ်  နဲ့ ရပ်ကွက် ၄ နေပြည်သူတွေ ခံစားနေရပြီး အခုလို အနံ့အသက်ထွက်တာ တနှစ်ကျော်ခဲ့ပြီလို့ ဆိုပါတယ်။ ဒေသထဲ ခုလိုအနံ့အသက်တွေ ရှည်ကြာခံစားရပေမယ့် မြို့နယ်အာဏာပိုင် အဖွဲ့အစည်းတွေ  အရေးယူဆောင်ရွက်တာတွေ မတွေ့ရသေးကြောင်း၊ နောက်ထပ်တပတ်လောက် စောင့်ကြည့်ပြီး ဘာမှမထူးခြားရင်တော့ အန်အယ်လ်ဒီအနေနဲ့  ရှမ်းပြည်နယ်အစိုးရ သဘာဝပတ်ဝန်းကျင်နဲ့ သယံဇာတ၀န်ကြီးနဲ့ ပြည်ထောင်စုဝန်ကြီးတို့ထံ စာတင်မယ်လို့ ဦးနေဇော်နိုင်က ပြောပါတယ်။