အင်းယားကန်ပေါင်ပေါ် အလှဆင်ထားသည့် ပုသိမ်ထီးများ ဖြုတ်ယူခံရသည့်ကိစ္စ လူမှုကွန်ရက်တွင် ဝေဖန်မှုမြင့်တက်

ရန်ကုန်မြို့ အင်းယားကန်ပေါင်ပေါ်မှာ  လမ်းလျှောက်သင်္ကြန်ပွဲတော်အတွက် အလှဆင်ထားတဲ့ ပုသိမ်ထီးတွေကို ဖြုတ်ယူသွားခဲ့ကြတာနဲ့ ပတ်သက်ပြီး လူမှုကွန်ရက်စာမျက်နှာတွေမှာ  ဝေဖန်မှုတွေ မြင့်တက်နေပါတယ်။ သမ္မတရုံးပြောရေးဆိုခွင့်ရှိသူ ညွန်ကြားရေးမှူးချုပ် ဦးဇော်ဌေးက “ဝမ်းနည်း စိတ်ပျက်ဖို့ကောင်း၊ မင်းအစား ငါ ရှက်ရွံ့မိ”ဆိုတာထက် ထီးတွေက တိုင်းဒေသကြီးအစိုးရက အစားပြန်တပ်၊ နောက်နေ့ ပြန်ပြီး လှပလာနိုင်ပါတယ်။ ထီးယူသွားသူတွေကို ပုံတွေတင်ကြ၊ ရှယ်ကြဆိုတာနဲ့လည်း ဒီကိစ္စက ပြီးမသွားပါဘူး။ လူ့အဖွဲ့အစည်းရဲ့ အတွင်းက စိတ်ဓါတ်၊ အသိအမြင်၊ အတွေးအခေါ်တွေ၊ တစ်နည်းအားဖြင့် “မြန်မာ့လူ့အဖွဲ့အစည်းရဲ့ တန်ဖိုး” ကို လှုပ်နှိုးလိုက်သလိုပါလို့  သူ့ရဲ့လူမှုကွန်ရက်ဖေ့စ်ဘွတ်ခ်မှာ ရေးပါတယ်။ ဒီဖြစ်စဉ်ကနေ စိတ်ဓါတ်တော်လှန်ရေး တရပ် အလိုအလျောက် ဖြစ်ပေါ်လာစေပြီး နောက်နောင် ဒီလို အဖြစ်မျိုး မရှိစေဖို့ မျှော်လင့်ရပါတယ်၊ တန်ဖိုးထားနိုင်ကြပါစေလို့လည်း ဆိုပါတယ်။ လူ့အခွင့်အရေးပညာပေးလှုပ်ရှားသူ ညီမျှခြင်းမြန်မာအဖွဲ့ရဲ့ ဒါရိုက်တာ ဦးအောင်မျိုးမင်းကတော့ “စိတ်ဓာတ်တွေ ဒီလောက် အောက်တန်းကျကုန်ကြပြီဗျာ။ တချို့လူတွေက ဒီလိုလုပ်တဲ့သူတွေကို တောသားတွေ မြို့ သားတွေလို့ ရေးထားကြတယ်။ တောသားမြို့သားနဲ့မဆိုင်ပါဘူး။ လူတဦးချင်းရဲ့ အသိစိတ်ဓာတ်နဲ့ဘဲ ဆိုင်တယ်လို့ပြောချင်တယ်” လို့ သူ့ရဲ့ လူမှုကွန်ရက်မှာ ရေးထားပါတယ်။ စိတ်ဓာတ်တွေက ဒီလိုအောက်တန်းကျနေရင် ဘယ်လိုအစိုးရက ဘာတွေပဲ လုပ်လုပ် တိုးတက်မှာမဟုတ်ဘူး၊ တဦးချင်းစိတ်ဓာတ်တွေမပြင်နိုင်သေးသရွေ့ အမေအိုကြီးက ပြောင်းလဲချိန်တန်ပြီ ဘယ်လိုအော်ပြီးတော့ ဘယ်လိုလုပ်လုပ် ဘာမှပြောင်းလဲလာမှ မဟုတ်ဘူး။ “တော်လှန်ရေးရဲ့ အဓိကသော့ချက်က မိမိနှလုံးသားကို မိမိတော်လှန်နိုင်ခြင်း”တဲ့၊ ဒီလိုအကျင့်တွေ ရှိနေသမျှ စိတ်ဓာတ်အောက်တန်းကျသူများရဲ့ တိုင်းပြည်အဖြစ်ပဲ နောက်မှာ ကျန်နေမှာ အသေအချာပဲလို့ လည်း သူ့ရဲ့ ဖေ့စ်ဘွတ်ခ်မှာ ရေးထားပါတယ်။ စာရေးဆရာမကြီး ခင်သူသူဝင်းကတော့ “ နေပဲပူပူ ရေပဲဆူဆူ၊ ဒီလိုမလုပ်သင့်ဘူးလေ ဒါလေးတွေက အလှဆင်ထားတာ။  သင်္ကြန်နောက်ဆုံးရက်လဲမဟုတ်သေးဘူး။ နောက်ဆုံးရက်ဆိုတောင် ဒီလိုမလုပ်ရပါဘူးကွယ်။ သက်ဆိုင်ရာကပြန်သိမ်းထားရင် နောင်နှစ်လည်း သုံးရသေးတာပေါ့။  ဖျက်လိုဖျက်ဆီးဆိုတဲ့ သဘောကြီးပါရင် ဘယ်လောက်ရှက်ဖို့ကောင်းသလဲ။ တိုင်ဖက်တက်ပြီး ထီးယူတယ်ဆိုတော့ ဒီပုံတွေ သူများ တင်တာယူထား ထီးလေးတချောင်းနဲ့မမျှ ကိုယ့်စရိုက်ကို ပြလိုက်သလိုပဲ။” လို့ သူ့ရဲ့ လူမှုကွန်ရက်မှာ ရေးပါတယ်။ ရန်ကုန်မြို့တော်ဝန်နဲ့ တာဝန်ရှိသူတွေကတော့ အင်းယားကန်ပေါင်ကို မနေ့ညက သွားရောက်ခဲ့ပြီး ပုသိမ်းထီးတွေ အမြန်ဆုံး ပြန်လည်တပ်ဆင်ဖို့နဲ့ သက်ဆိုင်ရာ လုံခြုံရေး တာဝန်ရှိသူတွေ ကြပ်ကြတ်မတ်မတ်ဆောင်ရွက်ကြဖို့ မှာကြားခဲ့ပါတယ်။ ဓာတ်ပုံ- Zaw Htay Facebook

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up