Email This Story :
ရှမ်းပြည်နယ်မြောက်ပိုင်း၊ နမ္မတူမြို့နယ်၊ မန်စံကျေးရွာမှာ ဧပြီ ၈ ရက် ညနေ ၆ နာရီလောက်က ဗုံးပေါက်ကွဲမှုဖြစ်ပွားလို့ ခရီးသွား ရဟန်း တပါးနဲ့ အရပ်သား တဦး ဒဏ်ရာ ရရှိခဲ့တယ်လို့ ဒေသခံတွေကပြောပါတယ်။
မန်စံရွာနယ်ခံတဦးက “မနေ့က ညနေ ၆ နာရီကျော်က ကျနော်တို့ မန်စံအုပ်ချုပ်ရေးမှူး အိမ်ရှေ့မှာပေါ့ ကျနော်တို့အိမ်နဲ့ မလှမ်းမကမ်းမှာပဲ ဆိုင်ကယ်နဲ့ လာပြီး ဗုံးတလုံးပစ်သွားတယ်။ အုပ်ချုပ်ရေးမှူး အိမ်က လမ်းဘေးဆိုတော့ ခရီးသွား ရဟန်းတပါးနဲ့ ပြည်သူတယောက် ဗုံးစမှန်ပြီး ဒဏ်ရရာသွားတယ်” လို့ ပြောပါတယ်။
ဗုံးဆံထိမှန်တဲ့ သံဃာတော်ဟာ ဥူးဝိလန္ဒ ဖြစ်ပြီး အရပ်သားကတော့ မန်စံ ကျေးရွာသား ကိုမောင်ငယ် ဖြစ်ပါတယ်။ ပေါက်ကွဲမှုကြောင့် မန်စံ ကျေးရွာအုပ်ချုပ်ရေးမှူးနေအိမ်မှာ အနည်းငယ် ထိခိုက်ပျက်ဆီးသွားပြီး ကျေးရွာအုပ်ချုပ်ရေးမှူး ကတော့ အခင်းဖြစ်ပွားချိန်မှာ နေအိမ်မှာ မရှိလို့ ထိခိုက်ဒဏ်ရာရတာမရှိပါဘူး။
“အဲ့ချိန် ကျနော်က အိမ်ရှေ့မှာရှိတယ်။ ဗုံးပေါက်တာက ဥက္ကဋ္ဌ အိမ်ရှေ့မှာပါ။ ဥက္ကဋ္ဌက သူ့အိမ်မှာ မရှိလို့ ဒဏ်ရာရတာ တော့ မရှိပါဘူး” လို့ မန်စံရွာသားတဦးက ပြောပါတယ်။
ဒဏ်ရာရသူတွေကို လားရှိုးဆေးရုံသို့ ပို့ဆောင်ထားပြီး ဆေးဝါးကုသပေးနေပါတယ်။
မန်စံကျေးရွာရဲ့ အနီးတ၀ိုက်က ကျေးရွာတွေမှာ ပြီးခဲ့တဲ့ရက်ပိုင်းကအထိ ရှမ်းပြည်ပြန်လည် ထူထောင်ရေးကောင်စီ/ ရှမ်းပြည်တပ်မတော် (RCSS/SSA)နဲ့ တအာင်းအမျိုးသားလွတ် မြောက်ရေး တပ်မတော် (TNLA)အပေါင်း ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA) ပူးပေါင်းတပ်တွေ တိုက်ပွားဖြစ်ပွားခဲ့ပါတယ်။
