A d v e r t i s e m e n t With Us

တမူးတွင် တရားမ၀င် ၀င်ရောက်လာသည့် နယ်သာလန်နိုင်ငံသားကို ဖမ်းမိ

စစ်ကိုင်းတိုင်းဒေသကြီး တမူးမြို့မှာ တရားမ၀င် ၀င်ရောက်လာတဲ့ နယ်သာလန်နိုင်ငံသား ၁ ဦးကို ဖမ်းဆီးခဲ့တယ်လို့ ပြည်ထဲရေးက သတင်းထုတ်ပြန်ပါတယ်။ ဧပြီ ၅ ရက်နေ့ မွန်းလွဲပိုင်းက တမူး-ကလေး ကားလမ်းမမှာ တမူးမြို့လူဝင်မှုကြီးကြပ်ရေးဦးစီးဌာန တာဝန်ရှိသူတွေနဲ့ ၄ မိုင်လုံခြုံရေးရဲတပ်ဖွဲ့တို့ ပူးပေါင်းအဖွဲ့က ကလေးမြို့ဘက်ကနေ တမူးမြို့ဘက်ကို ကိုမြင့်သူ မောင်းနှင်တဲ့ 5M/×××× ချင်းတောင်တန်းခရီးသည်တင်ယာဉ်အား စစ်ဆေးရာ ယာဉ်ပေါ်မှ နယ်သာလန်နိုင်ငံသား Mr.Athla Mohamed Awad (၃၅) နှစ်အား တရားဝင်နယ်စပ်ဖြတ်သန်းခွင့် လက်မှတ်မပါဘဲ တွေ့ရှိခဲ့တယ်လို့ ဆိုပါတယ်။ စစ်ဆေးမေးမြန်းချက်အရ ထိုင်းနိုင်ငံကဆင့် မြန်မာနိုင်ငံ၊ ဘုရားသုံးဆူမြို့ကို တရားမဝင် ဝင်ရောက်လာပြီး အငှားယာဉ်နဲ့ ရန်ကုန်မြို့ကို မတ်လ ၂၇ ရက်နေ့က ရောက်ရှိကာ ဧပြီ ၅ ရက်နေ့မှာ တမူးမြို့ကို ထွက်ခွာလာစဉ် ဖမ်းဆီးခံရတာလို့ ပြောကြောင်း သတင်းမှာ ဖော်ပြပါတယ်။ နယ်သာလန်နိုင်ငံသား Mr.Athla Mohamed Awad အား တမူးမြို့မရဲစခန်း လဝကအက် ၁၃(၁) နဲ့ အမှုဖွင့်စစ်ဆေးနေတယ်လို့ သိရပါတယ်။

A d v e r t i s e m e n t With Us

More News
Up