ရေနံချောင်းတွင် နှစ် ၁၀၀ သက်တမ်းရှိ ဆင်းတုတော် ခိုးယူခံရ

ရေနံချောင်းမြို့၊ ဖောင်းကတောကျေးရွာအုပ်စု၊ ဖောင်းကတောတောင်ရွာက နှစ်ပေါင်း ၁၀၀ လောက်သက်တမ်းရှိ အောင်ချမ်းသာစေတီတော် ဆင်းတုတော် ဧပြီ ၄ ရက်နေ့ မနက်ပိုင်းက ခိုးယူခံခဲ့ရတယ်လို့ ရေနံချောင်းမြို့မရဲစခန်းက သိရပါတယ်။ ဖြစ်စဉ်မှာ သာယာအေးရပ်၊အောင်ဆန်းရပ်ကွက်နေ ဦးမောင်ထွန်းဆိုသူက မနက်အစောပိုင်း စေတီတော်ကို သွားရောက်ဘုရားရှိခိုးရာမှ ဆင်းတုတော် ပျောက်ဆုံးနေတာကို တွေ့ရတာလို့ ဆိုပါတယ်။ စေတီအတက်လမ်းမှာ လမ်းခင်းဆောင်ရွက်နေသူ ၃ ဦးအား ဆင်းတုတော်ပျောက်ဆုံးကြောင်း အသိပေးပြီး တောင်ခြေအနီး လိုက်လံရှာဖွေခဲ့ပေမယ့် မတွေ့ရတာကြောင့် အောင်ချမ်းသာစေတီဂေါပက အတွင်းရေးမှူး ဦးမောင်မောင်က ဆင်းတုတော်ခိုးယူသွားသူအား အရေးယူပေးဖို့ မြို့မရဲစခန်းကို တရားလိုပြုလုပ် တိုင်တန်းခဲ့တယ်လို့ သိရပါတယ်။ အောင်ချမ်းသာစေတီတော် အရှေ့ဘက်မုခ်မှာ မြန်မာသက္ကရာဇ် ၁၂၈၂ ခုနစ် လွန်ခဲ့သော ၉၈ နှစ်လောက်က ကျောင်းအမကြီး ဒေါ်မမနှစ် လှူဒါန်းပူဇော်ထားတာဖြစ်ပြီး ဉာဏ်တော်အမြင့် ၂ ပေ ၈ လက်မလောက်၊ လုံးပတ် ၃ ပေလောက်ရှိ ရွှေချထားတဲ့ စကျင်ကျောက်တင်ပလ္လင်ခွေ မုဒြာဆင်းတုတော်ဖြစ်တယ်လို့ သိရပါတယ်။ ရေနံချောင်းမြို့မ ရဲစခန်းက ရာဇသတ်ကြီး ပုဒ်မ၃၈၀/၂၉၅ နဲ့ အမှုဖွင့်အရေးယူဆောင်ရွက်နေပြီး ဆင်းတုတော် ခိုးယူသွားသူအား ဖမ်းဆီးမိရေး မြို့နယ်ရဲတပ်ဖွဲ့က စုံစမ်းရှာဖွေနေတယ်လို့ သိရပါတယ်။ ကိုလင်း(ချောက်)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up