ကလေးမြို့ ရိုမန်ကတ်သလစ် ကျမ်းစာသင် ကျောင်းသားအဆောင် မီးလောင်
1.7K
စစ်ကိုင်းတိုင်း၊ ကလေးမြို့ သာသနာပိုင် ရိုမန်ကတ်သလစ် ဆရာတော်ကြီး နေထိုင်တဲ့ ကျောင်းဝန်းထဲက ကျောင်သားတွေ နေထိုင်တဲ့ သုံးထပ်ကျောင်းဆောင်ကြီးမှာ ဧပြီ ၄ ရက် မွန်းလွဲ ၁နာရီလောက်က မီးလောင်ခဲ့ပါတယ်။
ကျောင်းဆောင်အပေါ်ထပ် စာသင်ဆောင်က စတင်မီးလောင်တာလို့သိရပြီး မီးလောင်ကျွမ်းရတဲ့ အကြောင်းရင်း အသေအချာ မသိရသေးပေမယ့် အပေါ်ထပ် အဝင်နားမှာ မီးမလောင်ပဲ ကျန်ခဲ့တဲ့ နေရာက ဝါယာကြိုးတွေရဲ့ အနေအထားကိုကြည့်ရင် သိနိုင်တယ်လို့ မီးသတ်ရာမှာ ပါဝင်တဲ့ မီးသတ်သမား တဦးက ပြောပါတယ်။
မီးလောင်ကျွမ်းခဲ့တဲ့ အဆောင်ဟာ သဇင်ရပ်ကွက် နယ်မြေ ၄ က ဆရာတော် ကျောင်းဝင်းထဲမှာရှိပြီး ကလေးသာသနာပိုင် ရိုမန်ကတ်သလစ် ဆရာတော်ကြီး ဖီးလစ်လျန်ခန်းထန် ကတော့ ခရီးထွက်နေတယ်လို့ သိရပါတယ်။
တာဝန်ခံ ဘုန်းတော်ကြီး ဂျွန်ပါရှမ်းက "လတ်တလော ကျောင်းပိတ်လို့ ကျောင်းသားတွေ မရှိဘူး။ ဒါကြောင့် ကျောင်းဆောင်ကို ပိတ်ထားတယ်။ ကျောင်းက သုံးထပ်မှာ အပေါ်ဆုံးက စာသင်ဆောင်၊ အလယ်က အိပ်ဆောင်၊ အောက်ဆုံးက ထမင်းစားခန်းဖြစ်ပြီး မီးဘာကြောင့် လောင်လဲတော့ မသိဘူး" လို့ ပြောပါတယ်။
ကျောင်းသား ၄၀ လောက်နေထိုင်နိုင်တဲ့ ကျောင်းဆောင်မှာ လတ်တလော ကျောင်းသားတွေ မရှိတဲ့အကြောင်းလည်း တာဝန်ခံ ဘုန်းတော်ကြီးက ပြောပါတယ်။
မီးလောင်ရာကို ကလေးခရိုင် မီးသတ်ဌာန၊ ရဲတပ်ဖွဲ့၊ တပ်မတော်သားတွေနဲ့ အရပ်သားတွေ ဝိုင်းဝန်း မီးငြှိမ်းသတ်ခဲ့ပြီး မွန်းလွဲ ၂ နာရီလောက်မှာ မီးငြိမ်းသွားပါတယ်။
မီးလောင်မှုကြောင့် ကျောင်းဆောင်ကြီး အပေါ်နှစ်ထပ်နဲ့ ကျောင်းသားတွေရဲ့ ကုတင်တွေပဲ ဆုံးရှုံးပျက်စီးခဲ့ပြီး ကျောင်းဆောင် အပေါ် ၂ ထပ်လုံးကို ပြန်လည်ပြင်ဆင် ဆောက်လုပ်ရမယ့် အခြေအနေ ရှိပါတယ်။
မင်းရဲစစ်နိုင်
