အောင်ဆန်းသူရိယဘွဲ့ရ ၆ ဦး၏ ရုပ်တုဖွင့်ပွဲ ဗိုလ်ချုပ်ကြီးဟောင်း သိန်းစိန်တက်ရောက်
DVB
·
March 26, 2019
၇၄ နှစ်မြောက်တပ်မတော်နေ့ အထိမ်းအမှတ် အောင်ဆန်းသူရိယဘွဲ့ရရှိသူ ၆ ဦးရဲ့ ရုပ်တုတွေ ဖွင့်ပွဲအခမ်းအနားကို ဒီကနေ့ မနက်ပိုင်းက နေပြည်တော်ရှိ သူရဲကောင်းဗိမာန်မှာ ကျင်းပပါတယ်။
အခမ်းအနားကို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ သမ္မတဟောင်း အငြိမ်းစားဗိုလ်ချုပ်ကြီး သိန်းစိန်အပါအဝင် တပ်မတော်အကြီးအကဲတွေ တက်ရောက် ဖွင့်လှစ်ခဲ့ပါတယ်။
အောင်ဆန်းသူရိယဘွဲ့ရ ၆ ဦးကတော့ ဗိုလ်မှူးအေးချို၊ ဗိုလ်တိုက်ချွန်း(ခ) တိုက်ကောင်း၊ တပ်သား ဆွတ်(က်)ဗဟာဒူးရိုင်း၊ တပ်သားလှသောင်း၊ တပ်သား စိုးမြင့်နဲ့ အရပ်သား စောဘရီ တို့ ဖြစ်ကြပါတယ်။