ရန်ကုန်လေဆိပ်တွင် မီးဘေးကြိုတင်ကာကွယ်ရေး လေ့ကျင့်

ရန်ကုန်အပြည်ပြည်ဆိုင်ရာလေဆိပ်မှာ မတ် ၂၂ ရက်နေ့က  မီးဘေးကြိုတင်ကာကွယ်ရေး ဇာတ်တိုက်လေ့ကျင့်ခဲ့ကြပါတယ်။ မီးဘေးကာကွယ်ရေး လေ့ကျင့်မယ့်အကြောင်း ခရီးသည်တွေ အထိတ်တလန့်မဖြစ်စေဖို့ ကြိုတင်အသိပေးခဲ့ပါတယ်။ မီးဘေးကြိုတင်ကာကွယ်ရေးလေ့ကျင့်မှုကို ရန်ကုန်အပြည်ပြည်ဆိုင်ရာလေဆိပ် Terminal. 1 အောက်ထပ်မှာ နေ့လယ် ၁ နာရီကနေ ၂ နာရီထိ ၁ နာရီကြာ ပြုလုပ်ခဲ့တာပါ။ အဆိုပါ လေ့ကျင့်မှုမှာ မီးလောင်မှုဖြစ်ပွားရာနေရာကနေ အရေးပေါ် အချက်ပေးသံထွက်ပေါ်လာပြီး Terminal 1 မြေအောက်ထပ်ရှိ လေဆိပ်ဝန်ထမ်းတွေအားလုံးကို အရေးပေါ်ထွက်ပေါက်တွေကနေ ဘေးကင်းရာနေရာကို စနစ်တကျ ထွက်ခွာစေတာနဲ့ မီးသတ်အဖွဲ့ဝင်တွေက သရုပ်ပြမီးငြိမ်းသတ်တာတွေ ဆာင်ရွက်ခဲ့ကြပါတယ်။ အခုလို ပြုလုပ်နေတဲ့ အချိန်အတွင်းမှာတော့ ရန်ကုန်အပြည်ပြည်ဆိုင်ရာလေဆိပ်ရဲ့ ဝန်ဆောင်မှုလုပ်ငန်းတွေ ပုံမှန်လည်ပတ်နေတာဖြစ်ပါတယ်။ မီးဘေးကြိုတင်ကာကွယ်ရေး ဇာတ်တိုက်လေ့ကျင့်တာကို ရန်ကုန်လေဆိပ်မှာ မတ်လ ၂၁ ရက်နဲ့ ၂၂ ရက်နေ့ နှစ်ရက်ကြာ ပြုလုပ်ခဲ့တာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up