Email This Story :
ပြိုင်ဘက်တွေထက် ခြေလှမ်းပိုသာနေတာကြောင့် ဟွာဝေး နည်းပညာကုမ္ပဏီကို အမေရိကန်အနေနဲ့ ဖိနှိပ်လို့မရဘဲ ကမ္ဘာကြီးက လိုအပ်နေတယ်လို့ ကုမ္ပဏီတည်ထောင်သူက ပြောလိုက်ပါတယ်။
ဆမ်ဆောင်းပြီးရင် ကမ္ဘာ့ရောင်းအားအကောင်းဆုံး စမတ်ဖုန်းကုမ္ပဏီဖြစ်တဲ့ ဟွာဝေးဟာ တရုတ်နဲ့ အမေရိကန်ရဲ့ တင်းမာတဲ့ ဆက်ဆံရေးကြားမှာ အမေရိကန်ရဲ့ စွပ်စွဲမှုတွေနဲ့ ရင်ဆိုင်နေရပါတယ်။
ဟွာဝေးနည်းပညာကို မသုံးကြဖို့ အမေရိကန်က သူ့ရဲ့ မဟာမိတ်နိုင်ငံတွေကို တိုက်တွန်းထားပါသေးတယ်။
“အမေရိကန်အနေနဲ့ ကျနော်တို့ကို ဖိနှိပ်လို့ မရပါဘူး။ ကျနော်က ခြေလှမ်းပိုသာနေတဲ့အတွက် ကမ္ဘာကြီးက ဟွာဝေးကို လိုအပ်ပါတယ်။ ကျနော်တို့ပစ္စည်းကို မသုံးဖို့ တခြားနိုင်ငံတွေကို လိုက်ပြီးတားနေရင်တောင် ကျနော်တို့အနေနဲ့ နည်းနည်းပါးပါး ထိခိုက်နစ်နာတာကလွဲလို့ ဘာမှမဖြစ်သွားပါဘူး။ အမေရိကန်က အဲဒီလို ပစ်မှတ်ထား အမှားရှာနေတာက ကျနော်တို့ရဲ့ ကုန်ပစ္စည်း အရည်အသွေးကို ပိုပြီးတိုးတက်အောင်လုပ်ဖို့ တွန်းအားတခုတောင် ဖြစ်လာပါသေးတယ်” လို့ ဟွာဝေးကုမ္ပဏီ တည်ထောင်သူ ရန်ကျန်းဖေးက ပြောလိုက်ပါတယ်။
ဟွာဝေးကုမ္ပဏီဟာ တရုတ်အစိုးရအတွက် ထောက်လှမ်းရေး လုပ်ပေးနေတယ်လို့ အမေရိကန်က စွပ်စွဲထားပါတယ်။
ဒါပေမယ့် အဲဒီစွပ်စွဲချက်တွေကို ဟွာဝေးဘက်က အကြိမ်ကြိမ်ငြင်းဆိုခဲ့ပြီး တည်ထောင်သူက ကုမ္ပဏီအနေနဲ့ ဒါမျိုး ဘယ်တုန်းကမှ မလုပ်ခဲ့ပါဘူးလို့ ပြောပါတယ်။
အမေရိကန်အစိုးရရဲ့ တောင်းဆိုချက်ကြောင့် ရန်ကျန်းဖေးရဲ့ သမီးလည်းဖြစ်ပြီး ဟွာဝေးရဲ့ ဘဏ္ဍာရေးဆိုင်ရာ အမှုဆောင်အရာရှိချုပ်လည်းဖြစ်သူ မုန့်ဝမ်ကျိုးဟာ ၂၀၁၈ ဒီဇင်ဘာလမှာ ကနေဒါနိုင်ငံကို ရောက်နေချိန် အဖမ်းခံခဲ့ရတာပါ။
အီရန်နိုင်ငံအပေါ် ချမှတ်ထားတဲ့ အရေးယူပိတ်ဆို့မှု စည်းမျဉ်းတွေကို ချိုးဖောက်ပြီး ဆက်သွယ်ရေးပစ္စည်းတွေ ရောင်းဝယ်ခဲ့တယ်လို့ အမေရိကန်က စွပ်စွဲထားပါတယ်။
အရင်လက ဟွာဝေးဟာ 5G ဖုန်းကွန်ရက်အတွက် ဖုန်းတာဝါတိုင်တွေ မှာသုံးမယ့် အဓိကကျတဲ့ ကွန်ပျူတာချစ်ပ်ကို ကမ္ဘာ့ပထမဆုံးအနေနဲ့ မိတ်ဆက်ခဲ့တာပါ။ ထျန်းကန်းလို့ နာမည်ပေးထားတဲ့ ချစ်ပ်ပြားဟာ ကမ္ဘာတလွှားက အကြီးစား 5G ကွန်ရက်တွေကို အထောက်အကူ ပေးမှာပါ။
ဒါ့အပြင် ဟွာဝေးဟာ ပါ့လုံ ဝူချင်းလို့ သိကြတဲ့ ပထမဆုံး 5G မိုဒမ်ကိုလည်း မိတ်ဆက်ပြီး ကမ္ဘာ့အားအကောင်းဆုံး မိုဒမ် အဖြစ်လည်း အခိုင်အမာ ပြောခဲ့ပါတယ်။
အမေရိကန်နဲ့ မဟာမိတ်တွေက ဟွာဝေးရဲ့ ဈေးကွက်ထိုးဖောက်နိုင်စွမ်းကို ပိတ်ဆို့ဖို့ ကြိုးစားနေပေမယ့် ကမ္ဘာတလွှား စီးပွားရေးဆိုင်ရာ ကန်ထရိုက်စာချုပ် ၃၀ ကျော်ကို လက်မှတ်ထိုးခဲ့ပြီး ကွန်ရက်ကို လွှင့်ထုတ်ပေးတဲ့ တာဝါတိုင်ပေါင်း ၂ သောင်းခွဲကျော်ကို သင်္ဘောနဲ့ တင်ပို့ပြီးပြီလို့ ဟွာဝေးက ပြောပါတယ်။
အမေရိကန်ရဲ့ လူသိရှင်ကြား သတိပေးချက်ကို ဆန့်ကျင်ပြီး ဗြိတိန်၊ ဂျာမနီ၊ အီတလီနဲ့ ဟန်ဂေရီတို့က ဟွာဝေးကို ကြိုဆိုထားပါတယ်။
