တရုတ်-အမေရိကန် ကုန်သွယ်ရေးဆွေးနွေးပွဲတွင် အဓိကအချက်အလက်များ သဘောတူ

ဓာတ်ပုံ - Reuters
တရုတ်-အမေရိကန် နှစ်နိုင်ငံကြား ကျင်းပတဲ့ တကျော့ပြန် ကုန်သွယ်ရေး ဆွေးနွေးပွဲမှာ အဓိက အချက်အလက်တွေကို သဘောတူခဲ့ပါတယ်။ အဲဒီဆွေးနွေးပွဲကို ဖေဖော်ဝါရီ ၁၄ ရက်ကနေ ၁၅ ရက်နေ့အထိ တရုတ်နိုင်ငံ ဘေဂျင်းမြို့တော်မှာ ကျင်းပခဲ့တာပါ။ နှစ်ရက်ကြာ ဆွေးနွေးပွဲမှာ နည်းပညာ လွှဲပြောင်းပေးရေး၊ အခွန်စည်းကြပ်မှု ဖယ်ရှားရေးနဲ့ ကုန်သွယ်ရေး ဟန်ချက်ညီရေး စတဲ့ အကြောင်းအရာတွေကို တရုတ်နဲ့ အမေရိကန် ကိုယ်စားလှယ်တွေ အပြန်အလှန် ဆွေးနွေးခဲ့ကြပါတယ်။ ဒါ့အပြင် နှစ်နိုင်ငံစီးပွားရေး၊ ကုန်သွယ်ရေးဆိုင်ရာ နားလည်မှုစာချွန်လွှာကို လက်မှတ်ရေးထိုးဖို့လည်း လေးလေးနက်နက် ပြောခဲ့ကြပါသေးတယ်။ ပြီးခဲ့တဲ့နှစ်မှာ အမေရိကန်နဲ့ တရုတ်ဟာ အပြန်အလှန် အခွန်စည်းကြပ်ရာကနေ ကုန်သွယ်ရေးစစ်ပွဲ စတင်ဖြစ်ပွားခဲ့ပြီး လက်ရှိမှာတော့ ဆွေးနွေးပွဲတွေကနေ တဆင့် ပြန်ပြီးပြေလည်အောင် ကြိုးစားနေကြတာပါ။ နောက်ထပ် နှစ်နိုင်ငံ ကုန်သွယ်ရေးဆွေးနွေးပွဲကိုလည်း လာမယ့်သီတင်းပတ် ဝါရှင်တန်မြို့တော်မှာ ကျင်းပဖို့ သဘောတူခဲ့ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up