မန်ယူကို ပေါင် ၃.၈ ဘီလီယံဖြင့် ဆော်ဒီမင်းသား ကမ်းလှမ်း

မန်ချက်စတာယူနိုက်တက်အသင်းကို ပေါင် ၃.၈ ဘီလီယံနဲ့ ဝယ်ယူဖို့ ဆော်ဒီ တော်ဝင်မင်းသား မိုဟာမက် ဘင်ဆယ်လ်မန်က ကမ်းလှမ်းထားပါတယ်။ အဲဒီကမ်းလှမ်းမှုကို မန်ယူအသင်းဘက်က လက်ခံရရှိထားပြီး စဉ်းစားဆုံးဖြတ်သွားဖို့ ရှိနေတယ်လို့ The Sun သတင်းစာက ဖော်ပြပါတယ်။ ဆော်ဒီ တော်ဝင်မိသားစုဟာ ပေါင် ၈၅၀ ဘီလီယံလောက် ချမ်းသာကြွယ်ဝပြီး ဒီကမ်းလှမ်းမှုကို မန်ယူအသင်းပိုင်ရှင် ဂလေဇာမိသားစုဘက်က လက်ခံလိမ့်မယ်လို့ မျှော်လင့်ထားပါတယ်။ ဂလေဇာမိသားစုနဲ့ နီးစပ်တဲ့သူတွေရဲ့ ပြောဆိုချက်အရ အသင်းကိုရောင်းချဖို့ ဆန္ဒမရှိပေမယ့် ဆော်ဒီမင်းသားရဲ့ မက်မောဖွယ်ရာ ကမ်းလှမ်းမှုဟာ အသင်းပိုင်ရှင်တွေအတွက် ငြင်းဆန်ဖို့ ခက်ခဲဖွယ်ရှိတယ်လို့ သိရပါတယ်။ အမေရိကန်သူဌေးတွေဖြစ်တဲ့ ဂလေဇာမိသားစုဟာ မန်ယူအသင်းကို ၂၀၀၃ ခုနှစ်က ပေါင်သန်း ၇၉၀ နဲ့ ဝယ်ယူခဲ့တာဖြစ်ပါတယ်။ ဆော်ဒီမင်းသားက ကမ်းလှမ်းတဲ့ ပေါင် ၃.၈ ဘီလီယံကို လက်ခံမယ်ဆိုရင် ၂.၂ ဘီလီယံလောက် အသားတင်အမြတ်ငွေ ရရှိမှာလို့လည်း သိရပါတယ်။ ဆော်ဒီမင်းသား ဆယ်လ်မန်ဟာ ပြီးခဲ့တဲ့နှစ်ကတည်းက မန်ယူအသင်းကို ဝယ်ယူဖို့ ကမ်းလှမ်းဖူးပေမယ့် အသင်းဘက်က ရောင်းချမှာမဟုတ်ဘူးလို့ အကြောင်းပြန်ခဲ့ကြောင်း ဆိုပါတယ်။ မန်ယူအသင်းရဲ့ အဓိက မြို့ခံပြိုင်ဘက် မန်စီးတီးအသင်းကိုတော့ ယူအေအီးက အဘူဒါဘီ တော်ဝင်မိသားစုဝင်ဖြစ်တဲ့ ရှိတ်မန်ဆော်က ပိုင်ဆိုင်ထားပြီး ဥရောပရဲ့ အကောင်းဆုံး အသင်းတသင်း ဖြစ်လာအောင် ငွေကြေးအသုံးပြုပြီး တည်ဆောက်နိုင်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up